Eksodusi 34:10 - Tshwa Bible

¹⁰ Jehova i lo hlamula, aku: Languta, nza maha xivumelwano. Nzi ta maha zihlamaliso mahlweni ka vanhu va wena vontlhe, lezi zaku cima a zi se nga mahiwa laha misaveni yontlhe, hambu ni ka gihi tiko. Zonake a vanhu vontlhe lava u nga xikari kabye, va ta wona a ntiro wa Jehova; hakuva lezi nzi ta nga zi maha ha wena zi tava zilo zi riwukisako.

Eksodusi 34:10 Cross References

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

Tisimu 106:22

Ni zirewukiso lomu tikweni ga Hamu, Ni zilo zo tshisa le Bimbini go Pswhuka.

Tisimu 136:4

Loyi a mahako zirewukiso za hombe a hi yece, Hakuva a wuxinji gakwe ga kala kupinzuka.

Tisimu 145:6

A vanhu va ta wulawula hi ntamu wa mitiro ya wena yi chavisekako, Mina nzi ta tlhatlhambutela hi wukulu ga wena.

Tisimu 147:20

A nga mahangi lezo ka manwani matiko, A zileletelo zakwe a ma zi tivi. Dumisani Jehova!

Tisimu 65:5

U hi hlamula a kululameni hi mitiro yi rewukisako, Nungungulu wa kuhanyiswa ka hina; Wena loyi u nga kutsumba ka kontlhe kugumelwa ka misava, Ni ka bimbi legi gi nga kule. 2 Sam. 7:23

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Tisimu 66:5

Tanani, mu wona a mitiro ya Nungungulu; Za hlamalisa a zimaho zakwe ka vanana va vanhu.

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Tisimu 72:18

A khesiwe Jehova, a Nungungulu wa Israeli; Loyi a mahako zihlamaliso a hi yece.

Tisimu 76:12

Wa bohlisa a kutikulisa ka tihosana, Wa chaveka ka tihosi ta misava.

Tisimu 77:14

Hi wena Nungungulu loyi a mahako zihlamaliso; U kombisile a ntamu wa wena xikari ka matiko.

Tisimu 78:12

I lo maha zihlamaliso kuwoneni ka vararu vabye, Lomu tikweni ga Gipite, ni le Zoani.

Eksodusi 34:27

Kambe Jehova aku ngalo ka Mosi; Tsala leti timhaka, hakuva nzi mahile a xivumelwano na wena zinwe na Israeli hi tona.

Eksodusi 34:28

Mosi i lo tshama na Jehova, 40 wa masiku ni 40 wa wusiku, na a ngagi zibaba ge hambu kunwa mati. Yena i lo tsala lomu ka maribye a timhaka ta xivumelwano, yi nga milayo ya khume.

Isaya 64:3

Laha na u mahile a zilo zo tshisa, Lezi hi nga kala hi nga rinzelangi, U lo chika kasi a zitsunga zi wa tsekatseka mahlweni ka wena.

Jeremia 32:21

u lo humesa vanhu va wena va Israeli hi le tikweni ga Gipite hi ziwoniso ni mahanjalati, hi canja ga ntamu ni woko gi nawulutilweko, ni kuchavisa ko tshisa. Ekso. 6:6; 13:3, 14; 2 Sam. 7:23

Mika 7:15

Nzi ta ya kombisa a zilo zi hlamalisako khwatsi hi masikwini ya kuhuma ka wena hi le Gipite.

Deuteronome 10:21

Hi yena a wudzunzo ga wena, hi yena Nungungulu wa wena, loye a ku maheleko a zilo za hombe lezi zi chavisekako, lezi u zi wonileko hi mahlo ya wena.

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Deuteronome 4:13

Na yena i mu tivisile a xivumelwano lexi a mu leleteleko ku xi hlayisa, yi nga yona milayo ya khume, i lo yi tsala ka timbila timbiri ta maribye. Ekso. 31:18; 34:28

Deuteronome 9:19

Hakuva nzi wa chava nguvu hi zanga ya Jehova yo tshisa, leyi a nga zangarile ha nwina yo xuva ku mu lovisa. Kanilezi Jehova i lo nzi ingisa ni ka lexo xikhati.

Joxua 6:20

Zinghaho a vanhu va lo kanyuluka, ni vapristi va loba mipunzu. Ni laha a vanhu va ngazwa a kuvuma ka mipunzu, va lo kanyuluka hi guwa ga hombe, zonake a khokhola gi lo khungumuka giwa lahasi, a vanhu va lo enghena mutini, loyi ni loyi i loya mahlweni kakwe, zinghaho va lo teka a muti. Maheb. 11:30