2 Pedro 3:12 - Tshwa Bible

¹² Nwina lava mu langutelako mu hatlisisa a kuta ka siku ga Nungungulu, legi a matilo ma ta nga hiswa ha gona ma nyunguluka, ni tinyeleti ti ta nga nyeka hi kuhisa ka hombe. Tis. 50:3; Isa. 34:4; Mika 1:4

2 Pedro 3:12 Cross References

Tisimu 50:3

Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Isaya 24:19

A misava yi panzekile, a misava yi avanyekile; misava ya tsekatsekiswa;

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Mika 1:4

A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 16:28

Hizinene nziku ka nwina: Va kona vanwani va yimileko laha, va ta nga kala kuzwa kufa, va kala va wona a Nʼwana wa munhu na ata mufunweni wakwe. Mar. 9:1; Lu. 9:27

Va le Filipi 1:6

Nza tsumba lezaku loyi a nga sangulisa a ntiro wo saseka ka nwina, i ta wu mbhelelisa ka kala sikwini ga Jesu Kristu. Joh. 6:29

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

2 Pedro 3:11

Kota lezi zontlhe lezi zi ta nga nyamalaliswa, nwina mu fanele a kuva vanhu ba kuyini mahanyeleni wontihe yo basa ni wukhongeli!

2 Pedro 3:4

vaku: Hi kwihi a kuwuya kakwe ku tsumbisilweko ke? Hakuva cima ka lezi vadadani va nga etlela, zontlhe za ha tshamisile zalezo zi nga tshamisile zona hi le kusanguleni ka kuvangiwa.

2 Pedro 3:7

Kanilezi a matilo laya ma nga kona makunu, ni misava, zi hlayiselwe nzilo hi gezu gwalego, zi gongelwa a siku ga kulamulwa ni ga kulobyiswa ka vanhu, lava va nga chaviko Nungungulu. Mat. 25:41

Juda 1:21

mu ti hlayisa liranzweni la Nungungulu, na mu cuwukela a wuxinji ga Hosi ya hina Jesu Kristu legi gi yisako kuhanyeni ka pinzukelwa.