Tuma 23:3 - Tampulma

³ Pɔɔl fun ŋɔ Koosa dam kɔkɔɔrsi ta nihɛɛ ti ni, “I chi zɛgbɛra naa yɛlɛɛ ba pɛɛrirɛ. Koosa zi wa bɔ hinu a li chenani i ya min chen. I kani bar nɔwa aa di mu sɛria a li ya chiksɛ ta nyinbaan ni ka i titi chɔk a a ŋɔ baal nɔ di o chɛɛgi mu lɛha.”

Tuma 23:3 Cross References

Jɔn 18:24

Yesu nisa ha funɛ vɛɛn vɔu a ta o gantɛl ni. Anas funɛ peti o sɛma, o fun tum un kaali Kaifas naa ya Koosa dam kɔkɔɔrsi ta nihɛɛ ti wati.

Jɔn 7:51

“Ya chiksɛ ta biksi ya di ya wa kina nar galimsa see ya nu a li o titi nɔ ni chenani o tum.”

Tuma 23:4

Ba naa funɛ chiŋi a dugli Pɔɔl chen nidigi fun ŋɔ un, “Yɛrɛ i nyuha kpok i pini Koosa dam kɔkɔɔrsi ta nihɛɛ ti zoma?”