Tuma 12:17 - Tampulma

¹⁷ O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

Tuma 12:17 Cross References

Mat. 10:23

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Luk 1:22

Malaika ti funɛ kaali, Zɛkaraya funɛ li dam ti niu a wa chiŋi nara tima suwachak ni. O funɛ vɛ koti a sɛm sɛm chen, o fun kpa o nisa a sɛm sɛma ba wati. Nara tima funɛ na Zɛkaraya ka o kpa o nisa a sɛm sɛm chen, ba fun a zim di o na kundɔŋnɛ o deesi ni a li dam ti ni.

Jɔn 10:40

O fun bur la ji Jɔɔdan mɔɔg jibaŋ kinkin ti a la tel doonani Jɔn fun te chaksi nara wa ni ni a nyɛn dooni.

Jɔn 11:54

Yesu funɛ nu chenani ba daŋni ba ya, o wa fun bura gba gbampulim ni a li Judia pulum ti ni. O wa o gantɛl tiŋsi ta fun li doon pulum ti ni a la nyɛn tɔhɔn naa ba yir Ifreem ka o dugli nyabaan chen.

Jɔn 13:24

Simɔn Pita fun baasi o nin di o nyɛ Yesu ŋɔ un chenani o du.

Jɔn 7:1

A gantɛl nɛɛ Yesu fun a gba Galili pulum aa go. O funɛ zimu di Ju tima ba naa nyɛn Judia pulum ni, dɛu nyinbaannɛ di ba kpu un. Chendaha o fun vɛ daŋni o bur la dooni.

Jɔn 8:59

Ju tim ta funɛ nu o sɛm ta, ba fun pini buŋkula di ba yaksi un, amaa Yesu funɛ sogliu a la li Koosa bar jɛɛmi dam ti ni.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 12:16

Ba funɛ kpak sɛm ta chene, ka Pita ha fun vɛɛn a mo bulzɔɔnɔ ti a la yir. Ba fun la puk bulzɔɔnɔ ti a na un ka o chiŋi. Alaazibu fun kpak ba kinkan.

Tuma 12:18

Chɔɔsa funɛ wa pisi, lanjimasa ba naa funɛ il Pita dɛ ti ni chen, tusa fun buri kinkan. Ba fun ŋɔ dɔŋ ni, “Leene o zi kaali nan?”

Tuma 13:16

Doone Pɔɔl fun si chiŋi a kpa o nin a viigi ba suwachak ni di ba moori a ŋɔ ba, “Mu niinbisa Ju tima awa ma naa vɛ ya Ju tima a la jɛɛmi Koosa, maa nu mu wati nɛnɛ.

Tuma 15:13

Ba sɛm ta gantɛl nɛɛ, Jems fun ŋɔ ba maga ni, “Mu niinbisa, ma nu mu wati.

Tuma 16:40

Pɔɔl awa Sailas fun kaali Lidia dama di ba la na ba niinbisa ba naa lagmi dooni. Ba fun sɛm sɛma a kpami ba a li tɔhɔn ti ni.

Tuma 19:33

Ju tim ba naa funɛ nyɛn zɛmɛ ta ni, bɔnɛ fun kpak baal naa ba yir Alɛzanda a zak un li zɛmɛ ta suwachak di o ŋɔ ba chenani o kpak. O fun a viigi o nin di ba gil chɛɛma.

Tuma 21:18

Chɔɔsa funɛ wa pisi, ya wa Pɔɔl fun kaali a la zaami Jems. O wa Yesu nitiŋɛ nihɛɛti ta maga funɛ lagmi dɔŋa a kani.

Tuma 21:40

Lanjimasi ta nihɛɛ nyuhu tiin ti fun nyɛ un nyinbaan. Pɔɔl fun chiŋi naŋgere bar nɔsɛ nyuhu ti ni a viigi o nin di zɛmɛ ta gil chɛɛma. Ba fun moori ka o sɛm sɛma a nyɛ ba a li Ju tim sɛm ni.

Tuma 28:15

Yesu nitiŋɛ ba naa nyɛn dooni, fun val nyinbaan ziŋi a wa chem ya. Bɔnɛ fun chem ya a li yawa naa ba yir Apius. Ba wa ya fun val tama ka ba naa tiŋ ba gantɛl a wa chen, fun chem ya a li hɔɔra bar chɔɔli damsi butora. Pɔɔl funɛ na ba chen, o kpami un o zaami Koosa chen daha.

1 Kɔr. 15:7

Jems gbanko fun bu na un. Doone o nitumɛ ta maga gbanko fun bukoo na un.

Gal. 1:19

Yesu nitumɛ ta maga ni, mu funɛ pu Jems naa ya ya kunyan ti niinbe, duŋduŋnɛ.

Gal. 2:12

Pita wa o dɔŋtima ba naa vɛ ya Ju tima, bɔnɛ funɛ te lagmi dɔŋ ni di ba di diwe. Amaa ba naa Jems fun tum, bɔnɛ funɛ wa, Pita wa ba wa fun bu lagmi dɔŋ ni a di diwe. Ba naa Jems fun tum chen la daŋni ba teŋsi Yesu nitiŋɛ ba naa vɛ ya Ju tima chen.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.