Tuma 12:11 - Tampulma

¹¹ Doone Pita fun zim chenani yɛɛ a ŋɔ o titi ni, “O ya wutirɛ ya kunyan Koosa fun tum o malaikasi ta digi di o wa yisi min a li Hɛrɔd nin ni. O gbanko funɛ yisi minu a li chenani Ju tim ta kaa namsi min niu.”

Tuma 12:11 Cross References

Luk 15:17

O fun ya chen wuzu bilɛ a kpak o titi. O fun lisi o tuhu ni, ‘Mu nyana tumtumsa maga yaa di diweu a puŋ aa ka. Amaa min ka nyɛn bar nɔ, lɔsa daŋni o kpu min.

Tuma 12:7

Koosa malaikasi ta digi fun vaan wa chiŋi dɛ ti ni ka o vaan chaani kinkan. Malaika ti fun la ziigi Pita hampɛɛm o yɛrsi dooni o ŋɔ un, “Si lalaga.” Zɔglɛ ta fun vaan turgi o nisa ni.

Tuma 24:27

Filiks funɛ daŋni o sɔɔni Ju tim ta tusau. Chendaha o nyɛ o lanjimasi ta il Pɔɔl a vɛ nyɛ o laali. Bunsa lɛ gantɛl ni, baal naa ba funɛ yir Pɔsius Festus fun burgi gɔbnati nyuhu tiina nihɛɛ a chiŋi Filiks bar chiŋi ni.

Tuma 25:9

Festus funɛ daŋni o sɔɔni Ju tim ta tusa a pɛɛsi un, “Mu nyɛ ba kpa hin a la Jɛrusalɛm di mu di i sɛria dooni, yɛrɛ o zi du hin ni?”

Tuma 5:19

Dusum funɛ wa biri, Koosa malaikasi ta digi fun wa puk dɛ ti zɔɔnɔ a nyɛ ba li a la ŋɔ ba,

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.