JɔnN Deesi 2:10 - Tampulma

¹⁰ Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 2:10 Cross References

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 10:28

Ma ta ɔm nibinsa ba naa la kpu nara bara. Ba wa kikoti a kpu ba siimsa, amaa ma ka ɔm Koosa naa koti a chɔk nara bara awa ba siimsa a li din dam ti ni.

Mat. 24:13

Nar di kanyita a vusi hali muksi ti wa peti, Koosa zi wa la o nyuhau a nyɛ un.

Maak 13:13

Nara maga zi wa ha mau domi maa tiŋ min daha. Nar di kanyita a vusi hali muksi ti wa peti, Koosa zi wa la o nyuhau a nyɛ un.”

Maak 8:35

Nar la daŋni o si sɛrɛ wa o tutɔ nyɛni, o zi wa chelu. Nar ka kpa min awa Koosa laaboor weri ti a te o tutɔ nyɛni, o zi wa na Koosa mi faliu.

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Jɔn 12:25

Nibinsa chi kiduharɛ. Ba baga vɛ nyɛn ba miisa ni a li tɛɛnɛ nɔ maga ni, Koosa zi kpa o mi fali naa vɛ kpak bɔu a nyɛ ba. Ba baga ka nyɛn ba miisa ni di ba kpak o bar la peti ni, ba wa zi na kundɔŋ.

Jɔn 13:2

Yesu wa o gantɛl tiŋsi ta funɛ di dusum diwe ka sintana fun lisi di Judas Iskariɔt, Simɔn be, zi li Yesu gantɛlu.

Jɔn 13:27

Judas funɛ la boroboro ti, sintana fun vaan zu o bambi ni. Yesu fun ŋɔ un, “Kila lalaga a la tum chenani i kaa tum.”

Tuma 20:24

Mu baga wa to kin naa ya min ni. Ya kunyana Yesu fun lisi min di mu biksi nara Koosa laaboor weri ti wɛ awa chenani Koosa daŋni o suŋi ba. Mu bambi maga nyɛn tum nɔ o kpa nyɛ min di mu tum a peti nannɛ.

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

1 Kɔr. 9:25

Nar la buksi chɔchɔha, o yaa kpak o titirɛ a li kina maga ni. O yaa chɔu di o la di nyuchik naa ba yaa kpa a chik o nyuha. Nara yaa chɔu a la di ba la di papaha. Chen papaha ti wara vusi a la chɔk, amaa ya waa chɔu di ya la di papaha naa la zi vɛ wa chɔki.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Ɛfɛ. 6:12

Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:2

Sel zen ti funɛ chi wiibagarɛ ka o naŋgere awa o nɔ chi gbogumta. Sel zen naa funɛ chiŋi ni nɔ ni chen, fun kpa o kpok kinkan awa chenani o dɔ tɛɛnɛ nɔ tim maga a kpa du o nin ni.

JɔnN Deesi 13:7

Ba fun nyɛ sel zen ti nyinbaan di o la chem Koosa nara wa laal ni a nyaŋi ba a kpa kpok a nyɛ un di o dɔ pulumsa awa buure ba naa maga la sɛm sɛm kurgɛ.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.