Mat. 19:16 - Tampulma

¹⁶ Yesu funɛ nyɛn nyinbaan ni a la chene, bunɔɔn digi fun wa pɛɛsi un, “Mu kunyana, baŋ tum werire mu kaa tum a wa na Koosa miisa naa vɛ kpak bɔ?”

Mat. 19:16 Cross References

Juud 1:21

Koosa daŋni mau. Chendaha maa tiŋ un nɛnɛ a ta gil o nyinbaan. Maa pɔ ya kunyan ti Yesu Kristo. O wa bur wa, o zi kpak ma sikiu a nyɛ ma o mi fali naa vɛ kpak bɔ.

Jɔn 3:15

chen ni Koosa zi kpa o mi fali naa vɛ kpak bɔu a nyɛ ba naa maga se su min ni.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

1 Jɔn 1:2

Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Tait. 3:7

O fun a suŋi ya di ya wa bu kpak galimsa o wati a nyɛ ya kpak bambi bɛgim di ya la o mi fali naa vɛ kpak bɔ.

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

1 Tim. 6:19

Ba ya chen, ba zi kotiu a chiŋsi ba kina saha naa la wa nan a koti a kpak Koosa wuti miisa naa o zi kpa nyɛ ba.

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

Tuma 16:30

O bara ta funɛ gil jigiri, o fun te ba suwachak a li a pɛɛsi ba, “Mu kunyana, yɛrɛ mu kaa ya ka Koosa yisi min a li mu tum tagna ni?”

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Jɔn 12:25

Nibinsa chi kiduharɛ. Ba baga vɛ nyɛn ba miisa ni a li tɛɛnɛ nɔ maga ni, Koosa zi kpa o mi fali naa vɛ kpak bɔu a nyɛ ba. Ba baga ka nyɛn ba miisa ni di ba kpak o bar la peti ni, ba wa zi na kundɔŋ.

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Jɔn 5:39

Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Mat. 19:29

Nar gil o dama, o maanasa, o niinbisa, o nyana awa o niina, awa o bisa awa o ŋmaha mu daha, Koosa zi wa kpa a kina kɔkwau a gbaari un a kpa o mi fali naa vɛ kpak bɔ a nyɛ un.

1 Tim. 1:16

Chendaha Koosa fun a kpak min siki ka muu tum tum tagna a kaali nara maga ka Yesu Kristo fun kpak kanyita kinkan min ni. Chenani ba fun ya a nyɛ min biksi ba naa la zi wa a nyɛ ba se su un, chenani ba zi wa la o mi fali naa vɛ kpak bɔ.

Mat. 19:26

Yesu fun a nyini ba a ŋɔ, “O li nibinsa wati, ba wa kikoti a wa zu dooni. Amaa o li Koosa wati, kundɔŋ wa to o zi ya a vɛ koti.”

Mat. 19:15

O fun kpa o nisa a gbaŋsi ba a kaali.