Ju 7:3 - Tampulma

³ Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.

Ju 7:3 Cross References

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 7:1

Mɛlkizidɛk funɛ ya Koosa naa zenee, dam kɔkɔɔra a nyɛn saha digi. O funɛ ya tɔhɔn naa ba yir Selɛm, koorre. Wuzu digi Abraham fun la chem laal a kpu koorsa. O funɛ nyɛn nyinbaan ni a la dama chen, Mɛlkizidɛk fun la chem un a sumi Koosa a du un ni.

Ju 7:17

Ba fun a sɔbi a li Koosa sɛm tɔn ti ni di o ŋɔ Yesu ni, “Hin la zi ya mu dam kɔkɔɔra hali saha naa vɛ kpak bɔ a chi Mɛlkizidɛk”.

Ju 7:2

Abraham fun purigi o kina maga fi fi a lisi a digi a nyɛ un. Mɛlkizidɛk sɔn, o mun ya, ‘koor naa tum o tuma a deŋli’. O gbanko funɛ ya Selɛm tim koorre. Sɔn ti mun ya, ‘koor naa kpak bara sɔɔna awa nara ni’.

Ju 7:6

Mɛlkizidɛk wa fun ya Livai bi lulɛ digi, amaa Abraham funɛ purigi o kina maga fi fi a lisi a digi a nyɛ un. Doone Mɛlkizidɛk fun sumi Koosa a du Abraham naa funɛ la chenani Koosa fun vɔu di o nyɛ un ni.