1 Kɔr. 3:1 - Tampulma

¹ Mu niinbisa, mu wa fun koti a biksi ma a chi chenani mu funɛ biksi ba naa tiŋ Koosa siim weri ti nɛnɛ. O chi maa tiŋ tɛɛnɛ nɔ tim maga nyinbaannɛ. Chendaha mu sɛm ma a chi bichɛsa ba naa nyɛ ba se su Yesu.

1 Kɔr. 3:1 Cross References

Mat. 16:23

Yesu fun burgi a ŋɔ Pita ni, “Tur dooni, domi i lisi chi sintannɛ. I tɔ min nyinbaannɛ. Chenani i sɛm chen wa li Koosa wati. A li nibinsa watɛɛ.”

Room 7:14

Ya zimu di chiksɛ ta ya Koosa siim weri ti kinawa. Mu waa ya nibine. Tum tagna funɛ di min a nyɛ mu fun burgi a yoma.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 14:37

Ma naa la sɛm di maa sɛmu a li Koosa kpok ti ni, akoo ma kpak o siim weri ti papaha tirɛ, o lawa ma gbanko zimu di chenani mu sɔbi a nyɛ ma nan ya ya kunyan ti chiksirɛ.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

Gal. 6:1

Mu niinbisa, ma nidigi tum tum tagin, ma naa la tiŋ ya kunyan ti nɛnɛ ya jɛrgi o wati a kpaŋi a burgi o nyuha. Maa doso a ta cheli o chi un.

Ju 5:13

Yesu nitiŋɛ chi bichɛsa ba naa la ɔsirɛ, ba zim Koosa wuti biksi ti tamnɛ.

1 Jɔn 2:12

Bichɛsa, mu sɔbi nannɛ a nyɛ ma, domi Koosa funɛ gil ma tum tagna a nyɛ mau Yesu daha.