रोमियों 8:28 - राना थारु नयाँ नियम

²⁸ और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

परमेस्वर को सच्चो वचन

²⁸ और हमउँ जानथैं, कि जो आदमी परमेस्वर से प्यार करथैं, उनके ताहीं सबै बात मिलकै भलाइये पैदा करथैं; मतलब उन्हईं के ताहीं जो बाकी इच्छा से बुलाए भै हैं।

रोमियों 8:28 Cross References

मर्कूस 12:30

तुम परमप्रभु अपन परमेश्वरके तुमर सारा मनसे, तुमर सारा प्राणसे, तुमर सारा बुद्धिसे, और तुमर सारा शक्तिसे प्रेम करियओ।

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

रोमियों 11:29

काहेकी परमेश्वर अपनो दओ भओ बरदान फिर्ता नाए लेतहए और बुलाएभएनके कभी पिच्छु नाए छोडत हए।

रोमियों 8:30

फिर जौनन्के बा पहिलीएसे छानी, उनके बुलाइ फिर हए, और जौनन्के बुलाइ, उनके धर्मी घोषित फिर करी और जौन धर्मी घोषित करेगए, उनके अपनो महिमामे सहभागी फिर करबाइ।

रोमियों 9:11

जन्मनसे अग्गुवए कुछ अच्छो और कुछ खराब काम करनसे पहिलीयए परमेश्वर रेबिकासे कही रहए, कि बक बाणो लौंणा छोटो लौंणाको सेवा करैगो। परमेश्वर जा दिखानके ताहीं कही, कि बा अपनो इच्छा अनुसार अपनए बनातहए और जा कोइ फिर कामके कारण नाए रहए, जो बे करीं।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

1 कोरिन्थी 1:9

परमेश्वर तुमके अपनो लौंणा, हमर प्रभु येशू ख्रीष्टके सँग एकजुट होनके ताहीं छानी हए, और परमेश्वर अपनो प्रतिज्ञा बिश्वाससे पुरा करत हए। तब्ही इकल्लो तुम पक्का हुइपाबैगे, कि परमेश्वर जे सब तुमर ताहीं करैगो।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

2 कोरिन्थी 5:1

काहेकी हम जानत हएं, अगर पृथ्वीमे हमर सँग भओ अस्थायी शरीर नष्ट भओ कहेसे स्वर्गमे अनन्ततक रहान बारो परमेश्वरको दओ भओ हमर घर हए, जो हातसे नाए बनाओ गओ हए।

गलातियों 1:15

पर परमेश्वर मोएमे अपनो लौंणा प्रकट करनके पक्का करी जोमे मए गैर-यहूदीनमे परमेश्वरको लौंणाको अच्छो समाचार परचार करओं, परमेश्वर मिर जनम होनसे पहिलीयए मोके चुनलै और अपनो अनुग्रहसे बुलाए लइ।

गलातियों 1:6

मए दुखी हओं, कि परमेश्वर तुमके ख्रीष्टको अनुग्रहसे अपने आदमी होनके ताहीं बुलाइ बासे तुम इतनो जल्दी घुमिगए, और एक अलग शिक्षा जोसे कुछ आदमी “अच्छो समाचार” कहात हएं, और तुम बोके बिश्वास करनके या स्वीकार करनके सुरु करदए हओ।

गलातियों 5:8

जा शिक्षा परमेश्वरसे नाए आत हए, जौन तुमके अपनो सन्तान होनके बुलाइ।

इफिसियों 3:11

परमेश्वर अपनो अनन्त योजनाके अनुसार अइसे करी, और जाके हमर प्रभु येशू ख्रीष्टके माध्यमसे पुरा करी।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

फिलिप्पी 3:14

लक्ष्य घेन दौरत जात हओं, ताकी बो इनाम पामओं। जाको इनाम जा हए, कि परमेश्वर मोके स्वर्गमे बुलानडटो हए काहेकी येशू ख्रीष्ट मेरे ताहीं मरो।

1 थेसलोनिकी 5:9

काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 यूहन्ना 4:10

सच्चो प्रेम जा हए, कि हम परमेश्वरसे प्रेम नाए करे बल्कि परमेश्वर हमके प्रेम करीहए, और हमर पाप क्षमा करनके ताहीं अपन लौंणाके बलिदान होनके पठाइ।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।