रोमियों 5:2 - राना थारु नयाँ नियम

² हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

परमेस्वर को सच्चो वचन

² जोके जरिया बिस्वास के बजह से बौ अनुग्रह तक, जोमैं हम बने हैं, हमरी पहोंचो भइ, परमेस्वर की महिमा! और आसा मैं घमंड करैं।

रोमियों 5:2 Cross References

मत्ती 25:21

मालिक बोसे कही, ‘स्याबास! तए असल और बिश्वासयोग्य नोकर हए, तए थोरी धनमे बिश्वासयोग्य भओ, मए तोके बहुत चीजको जुम्मा देहओं। तए अप्नो मालिकको आनन्दमे सहभागी हो।’

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

यूहन्ना 10:9

फाटक महीँ हओं, अगर कोइ आदमी मिर सुध भितर घुसैगो कहेसे परमेश्वर बोके बचाबैगो, और बो भितर-बाहिर आनजान करैगो और खानके ताहीं खानु पाबैगो।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

रोमियों 11:20

जा सत्य हए, बे त अबिश्वासीके कारण काटेगए, पर तुम बिश्वाससे बने रहात हओ जहेमारे घमण्डी मतहोबओ, पर डर मानओ।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

रोमियों 14:4

बो आदमी परमेश्वरको दास हए जहेमारे तुमके कोइको दासके न्याय करन नाए चाहो। बो सफल होए या बिफल होए बोको मालिकसे सम्बन्ध करत हए। बो सफल बनाओजाबैगो काहेकी प्रभु बोके सफल बनान सिकैगो।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 3:23

काहेकी सबए पाप करिहएं और परमेश्वरके घेनसे मिलन बारो महिमाके नाए पाइ हएं।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

रोमियों 8:24

अब जब हमएं परमेश्वर बचाइ हए, तओ हमर ठिन जा आसरा हए। पर जब तुम कुछ पानके आसरा कर रहेहओ जो तुमर ठिन पहिलीएसे हएं, तओ बो आसरा नाए हए। कोइ फिर बो चीजके पानके आसरा नाए करत हए जो बोके ठिन पहिलीयएसे हए।

1 कोरिन्थी 15:1

हे मेरे बिश्वासी ददाभइयओ, मए तुमके बहे अच्छो समाचारके याद दिलात हओं जो पहिलीयए परचार करडारो हओं, जोके तुम बो सन्देशमे बिश्वास फिर करे रहओ और जोमे तुम भरोसा करतए आए हओ।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

2 कोरिन्थी 4:17

हमर दुख अभौफिर थोरीए हएं और लम्बो समय तक नाए रहाबैगो। काहेकी बे दुख अनन्त महिमाके ताहीं होत हए, जौन हम कल्पना करन सिकनसे फिर जद्धा होत हए।

इफिसियों 2:18

ख्रीष्टके कारण, हम सब एकए पबित्र आत्माके द्वारा दौवाके ठिन आएसकत हएं।

इफिसियों 3:12

ख्रीष्ट सँग हमर सम्बन्धको कारण और बाके उपर हमर बिश्वासके कारणसे, अब हम परमेश्वरको उपस्थितिमे हिम्मत और आत्माबिश्वाससे आएसकत हएं।

इफिसियों 6:13

जहेमारे परमेश्वरके सब हथियार बाँधलेओ ताकी जब खराब दिन आएं तओ जो कुछ सम्भब हए, बोके करडारन्के पिच्छु, तुम पक्कोसे स्थिर रहिपाबओ।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

हिब्रू 3:6

पर ख्रीष्ट परमेश्वरको घरको आदमीनसे लौंणाके रुपमे बिश्वासयोग्य रहए। और आगर हम हमर आसरामे सहास और भरोसा करे रएहएं, तओ हम परमेश्वरको घरके आदमी हएं।

हिब्रू 6:18

जहेमारे परमेश्वर हमके प्रतिज्ञा दइ हए और बा कसम खाइ हए। जे दुई बात परिबर्तन नाए हुइपए हएं। काहेकी जा सम्भब नाए हए, कि परमेश्वर झुट मस्कत हए। जहेमारे हम जो परमेश्वरके ढिँगै सुरक्षा पानके ताहीं आए हएं, हमर अग्गु भओ आसराके प्राप्त करन बडो हौसला पाए सकत हएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

प्रकाश 21:11

बो सहर परमेश्वरको महिमासे चम्कनडटो रहए। और बोको चमक जास्पर कहान बारो बहुमुल्य पत्थर कता रहए और बो सिसा कता सफा रहए।

प्रकाश 21:23

हुवाँ सूर्य और जोनीको चमकको जरुरी नाए हए। काहेकी बो सहर परमेश्वर और थुमाको महिमामय दियासे चम्को हए।

प्रकाश 21:3

तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।