रोमियों 16:17 - राना थारु नयाँ नियम

¹⁷ अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

परमेस्वर को सच्चो वचन

¹⁷ अब मेरे भईय्यौ और बहेनियौ; मैं तुमसे नहोरे करथौं, कि तुम बे आदमिन से सावधान रहाबौ, जो फूट डारथैं और दूसरेन के ताहीं पाप को बजह बनथैं। ऐसो व्यवहार बौ सिक्छा से मेल ना खाथै, जो तुमकै मिली है, तुम ऐसे लोगन से दूर रहबौ।

रोमियों 16:17 Cross References

मत्ती 18:17

अगर बो, बिनकी बात फिर नाए मानए, तओ मण्डलीसे कहिदेओ। अगर बो, मण्डलीकी बात फिर नाए मानए तओ, बोकेसँग उइसी तरिकासे ब्यबहार करओ जैसी तुम कोइ गैर-यहूदीसे या कर उठान बारेके सँग करत हओं।”

मत्ती 18:7

धिक्कार हए जा दुनियाके! काहेकी जा दुनियामे त आदमीनके पापमे फसान बारी बातहएं। अइसे बात आइयए जात हएं, पर धिक्कार हए बो आदमीके जौन अपनएके पापमे फसात हए।

मत्ती 7:15

“झुठो अगमबक्तासे होसियार रहाओ, जो तुमर ठिन भेंणाके रुपमे भेष बादलके आत हएं। पर खासमे बे नुक्सान करन बारे गुलहा कता होत हएं।

लूका 17:1

येशू अपन चेलनसे कही, “पाप करनके लगान बारो परीक्षा त नेहात्तओ आतहए। पर धिक्कार, बो आदमीके, जौन आदमीके कारणसे पाप करन लगान बारो परीक्षा आत हए!

प्रेरित 15:24

हमरे बीचसे गए कोइ-कोइ आदमी शिक्षा दइके तुमके दुख दइं कहान बारी बात हम सुनेहएं। पर हम बे आदमीनके नाए पठाए हएं।

1 कोरिन्थी 11:18

काहेकी सुरुवातमे मए जा सुनो, कि जब तुम आराधनाके ताहीं मण्डलीमे इकट्ठा होत हओ, तओ तुममे फुट होत हए और मोके भरोसा हए, कि जामे कुछ सच्चाई हए।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

गलातियों 2:4

तीतसके खतना नाए भओके बारेमे एक मुद्दा बनिगओ, जब कुछ झुठे बिश्वासी ददाभइया हमर समुहसे गुप्त रुपसे आए। और हमर उद्धारकर्ता येशूमे भओ हमर स्वतन्त्रताके नाश करनके कोसिस करत रहएं। ताकी बे हमके फिरसे यहूदी समुहको नियम कानुनको गुलाम बनाए पामएं।

फिलिप्पी 3:17

हे मेरे बिश्वासी ददाभइयओ, तुम सब मेरे ब्यबहार जैसो चलओ, और बो आदमीके फिर ध्यान देबओ जौन मिर ब्यबहार हानी चलत हएं, और तुम उनके ब्यबहार हानी फिर चलओ।

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

2 थेसलोनिकी 3:6

हे मेरे बिश्वासी ददाभइया, हम तुमके बहे अधिकारसे आज्ञा देत हएं जो येशू ख्रीष्ट हमके दइ, कि अइसे कोइ फिर भइया या बहिनियासे मेलमिलाप मत् करओ, जो अल्छी हएं, और जो हम तुमके सिखाए बे आदेशको पालन नाए करत हएं।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

2 तिमोथी 3:5

बे अइसे ब्यबहार करंगे जैसे बे नेहात्तओ परमेश्वरके सम्मान करत हएं, पर बे परमेश्वरकी शक्तिके उनको खराब जीबनके बदलनसे इन्कार करंगे; बे आदमीनसे बच।

तीतुस 3:10

अगर कोइ अइसो आदमी हए, जो बिश्वासीनके बीच फुट पैदा करत हए, तओ बोसे गम्भीरतासे बात कर, और बोसे अइसो ब्यबहार करन छोडनके कहो। अगर बो छोडनसे नाए मानैगो, तओ बोके फिरसे चेतावनी दे। जाके पिच्छु, अगर बो फिरसे नाए छोडन मानैगो कहेसे तोके अइसे आदमीके छोडदेन चाहो।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

यहूदा 1:19

तुमके एकजुटमे नाए होनदेन बारे आदमी जेहीँ हएं। बिनको दुष्ट शारीरिक इच्छा बिनके अधिनमे करत हए और बिनमे पबित्र आत्मा नाए हए।