रोमियों 15:26 - राना थारु नयाँ नियम

²⁶ काहेकी माकेडोनिया परदेश और अखैया परदेशके आदमी अइसे करन एक अच्छी बात सम्झीं, कि जो यरूशलेम सहरमे पबित्र आदमी हएं और जो गरीब हएं उनके भेँटी देमएं।

परमेस्वर को सच्चो वचन

²⁶ काहैकि मकिदुनिया और अखाया कलीसिया के आदमिन कै अच्छो लगो, कि यरूसलेम नगर के परमेस्वर के पवित्र लोगन के कंगालन की सहभागिता मैं कछु चन्दा देमैं।

रोमियों 15:26 Cross References

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 26:11

काहेकी गरीब तुमर सँग सब दिन हुइहएं। पर मए तुमर सँग सब दिन नाए हुइहओं।

लूका 14:13

पर जब तुम खानु खानके बुलाबओ, तओ गरीब, लुला, लंगणा, अन्धराके बुलाओ।

लूका 6:20

तओ येशू अपन चेलनके घेन देखके कही: “धन्य हओ तुम मनै, जौन परमेश्वरको जरुरीके महसुस करत हओ, काहेकी परमेश्वरको राज्य तुमरी हए।

प्रेरित 16:12

और हुवाँसे हम फिलिप्पी सहरमे आएपुगे, जो माकेडोनिया परदेशको इलाकाको मुख्य गाउँ रहए, बो सहर रोमीको अधिनमे रहए। हुवाँ हम कुछ दिनतक रहे।

प्रेरित 16:9

बहे रात पावल सपनामे प्रभुसे दर्शन पाइ। बो माकेडोनिया इलाकामे रहान बारो एक आदमी ठाणके अइसे बिन्ती करत देखी, “दया करके समुन्दर पार माकेडोनिया परदेशके इलाकामे आएदेओ और हमके मदत करओ।”

प्रेरित 18:12

अखैया परदेशके इलाकामे गलियोन कहान बारो आदमी, बडो हाकिम भओबेरा यहूदी मिलके पावल उपर आक्रमण करीं, और बोके पक्णी। तओ बोके बडो हाकिम ठिन अदालतमे लैजाएके कहीं,

प्रेरित 19:21

जा घटना पिच्छु, पावल माकेडोनिया परदेश और अखैया परदेशके बिश्वासीनसे भेँटनके बाद यरूशलेम सहरमे जानके फैसला करी। बो कही, “यरूशलेम सहरमे जएहओं तओ मए रोम सहरमे फिर जानपणैगो।”

प्रेरित 9:13

तओ हननिया जबाफ दइके कही, “हे प्रभु, मए जा आदमीके बारेमे बहुतनसे सुनो हओं, कि जा यरूशलेम सहरमे तेरे पबित्र जनके बहुत सताइ हए।

1 कोरिन्थी 16:15

हे मेरे बिश्वासी ददाभइयओ, तुम स्तिफनास और बोको परिवारके जानत हओ, कि बे अखैया परदेशके पहिलो आदमी रहएं जो ख्रीष्टमे बिश्वासी बने; और परमेश्वरके पबित्र आदमीनके मदत करनके ताहीं तयार रहात हएं।

1 कोरिन्थी 16:5

और मए माकेडोनिया परदेशको यात्रा करके पिच्छु तुमर सँग भेँटघट करनके अएहओं, काहेकी मोए माकेडोनिया परदेश हुइके जानके हए।

2 कोरिन्थी 1:16

मिर योजना जा रहए, कि मए माकेडोनिया परदेश जात पेती तुमके भेँटके जान और लौटके फिरसे तुमके भेँटन, और हुवाँसे यहूदिया परदेशको मिर यात्रामे तयारीके ताहीं तुम मिर मदत करैगे।

2 कोरिन्थी 11:9

तुमर सँग रहत पेती जब मोके रुपैयाको अभाव पणो रहए मए कोइको बोझ नाए भओ, काहेकी माकेडोनिया परदेशसे आएभए बिश्वासी ददाभइया मिर अभाव पुरा करदइं। तभीमारे कोइ किसिमसे तुमर उपर बोझ पणहए कि कहिके मए अपनएके रोको, और पिच्छु आन बारो दिनमे फिर रोकंगो।

2 कोरिन्थी 2:13

पर हुवाँ मिर बिश्वासी भइया तीतसके तुमसे खबर नाए लात देखो, तब्ही मोके चिन्ता लागत रहए। जहेमारे त्रोआस सहरके बिश्वासीनसे छुट्टी लैके मए माकेडोनिया परदेशमे तीतसके ढुँणन लौटके आओ।

2 कोरिन्थी 7:5

काहेकी मए त्रोआस सहर छोडके हियाँ माकेडोनिया परदेशमे आएके फिर हम बिश्राम करन नाए पाए, पर सबए घेनसे हमके संकट आओ रहए, सबए घेनसे झगडा और हमर मनमे डरए-डर रहए।

2 कोरिन्थी 9:12

काहेकी तुमर दानसे ख्रीष्टको पबित्र जनको खाँचो पुरा होबैगो। इत्कए इकल्लो नाए बल्कि जासे परमेश्वरके लगातार धन्यबाद चढाओ जाबैगो।

2 कोरिन्थी 9:2

काहेकी तुममे, देन बारी चीजमे कित्नो उत्सुकता हए कहिके मए जानत हओं। जाके बारेमे माकेडोनिया परदेशके बिश्वासीनके अग्गु तुमर गर्व करतए मए कहो रहओं, कि पोर सालसे तुम अखैया परदेशके आदमी तयारी कर रहेहओ। तुमर जोससे बिन मैसे बहुतसेनके जोसिलो बनाइ हए।

2 कोरिन्थी 9:4

अगर माकेडोनिया परदेशके कुछ बिश्वासी मिर सँग आए और तुम उपहारके रुपमे रुपैया नाए दइपाए कहेसे तुमर बिश्वास लायकता द्वारा हम सरममे पणजामंगे, पर तुमके फिर बहुत सरम लगैगो। काहेकी हम तुमर उपर बहुत भरोसा करे रहएं।

फिलिप्पी 4:15

हे फिलिप्पी सहरके आदमीउ, तुम अभौफिर जानत हओ, कि मए तुमर बीचमे अच्छो समाचार परचार करो, जब मए माकेडोनिया परदेशमे रहओं। और तुम अपनए फिर जानत हओ, कि खुसीको परचारके सुरुमे मोसे बिदा होत, देन और लेनको काममे, तुमर बाहेक कोइ मण्डली मिर सँग सामिल नाए भओ रहए।

1 थेसलोनिकी 1:7

हियाँतककी माकेडोनिया परदेश और अखैया परदेशमे सब बिश्वासीके बीचमे तुम एक नमुना बने।

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

1 थेसलोनिकी 4:10

और तुम पहिलीयएसे अपने सँगी बिश्वासीके उपर अपनो प्रेम दिखाए हओ, जो माकेडोनिया परदेशमे हर ठिहा रहात हएं, पर हे मेरे बिश्वासी ददाभइयओ, हम तुमसे बिन्ती करत हएं, कि प्रेममे औ बढतए जाओ।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

फिलेमोन 1:5

काहेकी आदमी मोके बतातहएं, कि तए प्रभु येशूमे बिश्वास लगातार करत आओ हए, और तए परमेश्वरके सब आदमीनसे प्रेम करत हए।