रोमियों 14:22 - राना थारु नयाँ नियम

²² तुम बिश्वास कर सकत हओ, कि तुम जो कररहे हओ, बो गलत नाए हए। पर जाके अपने और परमेश्वरके बीचमे धरे रखाओ। अपनए ठिक ठहिराओ भओ बातके अपनएके दोषी नाए मानके करन बारो आदमी धन्यको हए।

परमेस्वर को सच्चो वचन

²² तेरो जो बिस्वास होबै, बाकै परमेस्वर के अग्गु अपनेई मन मैं धर। धन्य है बौ जो बौ बात मैं, जोकै बौ सई समझथै, और बाके परखे जाने मैं गलत ना बताथै!

रोमियों 14:22 Cross References

प्रेरित 24:16

जहेमारे परमेश्वरमे और आदमीनमे मए सदादीन शुद्ध बिबेक धरन कोसिस करत हओं।

रोमियों 14:14

प्रभु येशूमे बिश्वास करके कारणसे जा बात मए पक्का जानत हओं, कि कोइ फिर भोजन अपनए अशुद्ध नाए होत हए, पर जो बोके अशुद्ध सम्झत हए बोके ताहीं अशुद्ध हए।

रोमियों 14:2

काहेकी एकके बिश्वास हए, कि सब कुछ खान ठिक हए, पर जो बिश्वासमे कमजोर हए, बो सागसब्जी इकल्लो खात हए।

रोमियों 14:23

लेकिन अगर जोके मनमे जा बातसे शंखा हए, कि बोके नाए खानके हए और तहुँफिर बो अन्तमे बो भोजन खाएलेत हए, कहेसे बो पाप कररहो हए। काहेकी बो अपनो बिश्वासके पालन नाए कररहो हए। अगर बो बिश्वास करत हए, कि बो ठिक नाए हए तहुँफिर बहे काम करत हए कहेसे बो पाप कररहो हए।

रोमियों 14:5

उइसीयए कोइ कुइ दिनके, औ दिनसे खास और बडो मानत हए पर कोइ सबए दिन एकए हए कहात हए। सबए आदमीके जा निश्चित होन पणत हए, कि जो बो सोँचत हए, बो ठिक हए।

रोमियों 2:1

शायद तुम अइसो सोँचत हुइहओ, कि तुम दुस्रोके दोष लगाए सकत हओ। पर हे दोष लगान बारे, तुम जो औरेके उपर दोष लगात हओ, तुम कोइ बहाना नाए बनाए पाबैगे; काहेकी जौन बातमे तुम औरेके दोष लगात हओ, बहे बातमे तुम अपनएके फिर दोषी ठहिरात हओ। जहेमारे जौन कामको बधी तुम औरेनके लगात हओ, बो काम तुम अपना फिर करत हओ।

रोमियों 7:15

मए जो बात करत हओं मए अपनए नाए बुझत हओं, काहेकी मए जो ठिक काम चाँहत हओं बो मए नाए कर्पात हओं पर जोसे मोके घृणा आत हए बहे मए करत हओं।

रोमियों 7:24

मए कित्तो दुखी आदमी हओं! मोके जा आत्मिक मृत्युसे कौन छुटाबैगो?

1 कोरिन्थी 8:7

पर हमरे कुछ बिश्वासी अभएतक नाए जानत हएं, कि मूर्तिनके ठिन कोइ शक्ति नाए हए; काहेकी बे पहिले मूर्तिनके पुजा करत रहएं, अब बे बेहीं मूर्तिनके बलि चढाओ भओ खानु खात हएं। बे गल्तीसे सोँचत हएं, कि बे अभौफिर मूर्तिनको पुजामे सामिल हएं। और बे जा सोँचके परेसान होत हएं, कि अगर बे मूर्तिनके चढाओ भए खानु खात हएं तओ बे पाप करडारी हएं।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

याकूब 3:13

तुम मैसे बुद्धिमान और समझदार कौन हए? अगर तुम हओ कहेसे, तुम अपनो असल चालचलनसे और बुद्धिसे आन बारो नम्रताको काम करके दिखान पणो।

1 यूहन्ना 3:21

प्रिय, हमर मन हमके दोष नाए देहए तओ परमेश्वरके अग्गु हमके हिम्मत आत हए।