रोमियों 14:18 - राना थारु नयाँ नियम

¹⁸ जो कोइ जा रितिसे ख्रीष्टको सेवा करत हए बो परमेश्वरके खुसी करत हए और आदमी फिर बोके बारेमे भलो कहात हएं।

परमेस्वर को सच्चो वचन

¹⁸ जो ऐसे करकै मसीह ईसु की सेवा करथै बौ परमेस्वर कै भाथै और इंसानन के बीच मैं अपनाओ जाथै।

रोमियों 14:18 Cross References

मर्कूस 13:34

जा कहानीसे सम्झाए जाए सकत हए: एक आदमी लम्बी यात्रामे जानके ताहीं अपन घर छोडदेत हए। जानसे अग्गु, बो अपनो सेवकके बहे काम बतात हए जो-जो बक करनके हए, और बो चौकीदारके बतात हए, कि बो तयार रहाबए।”

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

प्रेरित 10:35

पर जाति-जातिके आदमीन मैसे चहुँ जौन जातिको होएसे फिर, परमेश्वरके आदर करन बारो और ठिक काम करन बारो आदमीके इकल्लो बा स्वीकार करत हए।

रोमियों 12:11

कडी मेहेनत करओ और अल्छी मतबनओ, पुरे दिलसे परमेश्वरको सेवा करओ।

रोमियों 14:4

बो आदमी परमेश्वरको दास हए जहेमारे तुमके कोइको दासके न्याय करन नाए चाहो। बो सफल होए या बिफल होए बोको मालिकसे सम्बन्ध करत हए। बो सफल बनाओजाबैगो काहेकी प्रभु बोके सफल बनान सिकैगो।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

1 कोरिन्थी 7:22

काहेकी जो कोइ कमैया हए, बो प्रभुमे बुलाओ गओ हए। बो एक स्वतन्त्र आदमी कता हए, काहेकी प्रभु येशू बोके बोको पापके शक्तिसे मुक्त करीहए और उइसीयए जो स्वतन्त्रके ताहीं बुलाओ गओ हए, बो ख्रीष्टके गुलाम बनत हए।

2 कोरिन्थी 4:2

हम सरम लागन बारे काम और लुकी-छिपी करन बारो काम नाए करत हएं। हम छलकपट वा परमेश्वरको बचनमे मिलाओट करन बारो काम फिर नाए करत हएं। पर हम परमेश्वरके अग्गु सत्य इकल्लो सिखात हएं और जा सत्य हए कहिके हर आदमी गवाही देन सिकंगे।

2 कोरिन्थी 5:11

जहेमारे प्रभुको भय मानके हम आदमीनके सच्चाईमे बिश्वास करन बिन्ती करत हएं। और परमेश्वर हमके पुरा रुपमे जानत हए। और मए आसरा करत हओं, कि तुमर बिबेकमे तुम हमके अच्छेसे चीन्हत हओ।

2 कोरिन्थी 5:9

जहेमारे चहुँ हम बाके सँग स्वर्गमे होमएं, चहुँ हम जा धर्तीमे होमएं, बाके प्रसन्न करन हमर लक्ष्य होत हए।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

2 कोरिन्थी 8:21

काहेकी हम प्रभुको दृष्टिमे इकल्लो नाए, पर आदमीके दृष्टिमे फिर बो कामके असल तरिकासे करनके ताहीं अपनो ध्यान देत हएं।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

कलस्सी 3:24

याद करओ, कि प्रभु तुमके इनाम देबैगो, जो जहेहए, कि ख्रीष्ट तुमके बे आशिष मैसे तुमर बाँट देबैगो जौनके बा अपने सब आदमीनके ताहीं तयार करीहए।

1 तिमोथी 2:3

सब आदमीके ताहीं अइसे प्राथना करन सही हए, और हमके उद्धार देन बारो परमेश्वर जाके स्वीकार करत हए।

1 तिमोथी 5:4

और अगर कोइ बिधुवाके लौंणालौंणीया या नतियानतनिया होएं, तओ सबसे पहिले उनके अपने परिवारके सदस्यकी रेखदेख करके ईश्वरीय ब्यबहार करनके सिखएं। और अपने अइयादौवा या दादो-दादीकी रेखदेख करके उनके ताहीं कुछ करएं, काहेकी परमेश्वर जहेसे खुसी होत हए।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 2:20

पर अगर तुम गलत काम करके पिटाइ खात हओ कहेसे, तुमर सजायमे धैर्य होनको कोइ प्रसंसाको कारण नाए हए। पर अगर तुम अच्छो कामके ताहीं दुख भोगत हओ कहेसे, और तुम धैर्य हुइहओ कहेसे, तओ परमेश्वर खुसी होबैगो।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।