रोमियों 10:19 - राना थारु नयाँ नियम

¹⁹ मए फिरसे पुँछत हओं। का जा सत्य हए, कि इस्राएल देशके आदमीनके ख्रीष्टके बारेमे सन्देश समझमे आओ? हाँ, बे बुझडारी हएं। पहिले त प्रभु, मोशाके द्वारा जा कही, “मए तुमके बेहीं जाति-जातिनसे जलन करबामंगो जो इस्राएल देशके नाए हएं, मए तुमके बेहीं आदमीनसे गुस्सा होनको कारण बनामंगो जौनन्के यहूदी मुरख सम्झत हएं।”

परमेस्वर को सच्चो वचन

¹⁹ मैं फिर पूछथौं: का इस्राएल के लोग नाय समझथैं? पहले तौ मूसा भविस्यवक्ता कहथै, “मैं उनसे जो जाति मेरी ना है, तुमरे मन मैं जलन भरंगो; और मूर्खन के देस के जरिये मैं मूढ़ी लोगन से तुमकै खिजरबांगो।”

रोमियों 10:19 Cross References

रोमियों 10:18

पर मए जा पुँछत हओं, “का इस्राएल देशके आदमी ख्रीष्टके बारेमे सन्देश नाए सुनीं?” नेहात्तओ बे सुनीं हएं काहेकी पबित्र-शास्त्रमे लिखो हए, “बाको बचन पुरा पृथ्वीमे और पृथ्वीमे हर ठिहतक पुगीगए हएं।”

रोमियों 11:11

तओ मए पुँछत हओं, का इस्राएली आदमीनके ठोकर लगनके कारण सदामानके ताहीं हराइगए हएं? नाए! बिरकुलए नाए! पर उनको अपराधके कारण गैर-यहूदीनके उद्धार मिलो, ताकी इस्राएल देशके आदमीनके जलन होबए।

रोमियों 11:14

ताकी कुछ रितिसे मए मरे अपने यहूदी जातिनसे जलन कर्बाएके उन मैसे कोइ एकको उद्धार करपाओं।

रोमियों 3:26

परमेश्वर अब जा युगमे अपनो न्याय दिखनके ताहीं आदमीनको पाप हटाएके उनके धर्मी ठहिरात हए। अइसियए येशूमे बिश्वास करन बारे सबके परमेश्वर धर्मी ठहिरात हए। काहेकी परमेश्वर अपनए धर्मी हए।

1 कोरिन्थी 1:12

मिर कहानको मतलब जा हए, कि तुम मैसे कोइ त अपनएके “मए पावलको चेला हओं,” कोइ “मए अपोल्लोसको चेला हओं,” कोइ “मए केफासको चेला हओं” और कोइ “मए ख्रीष्टको चेला हओं” कहात हओ।

1 कोरिन्थी 10:19

मए का कहानके कोसिस कर रहो हओं? का मए जा कहे रहो हओं, कि मूर्ति सच्चो परमेश्वर हए, जौनके ताहीं बलि चढाओ जातहए और जे बलिदान कुछ मोलके होत हएं?

1 कोरिन्थी 11:22

तुम अपने घरमे खाए और पिइ सकत हओ। तुमके लागत हए, कि परमेश्वरको मण्डली जरुरी नाए हए, और तुम बे आदमीनके सरमबाए देत हओ जो गरीब हएं। मोए तुमके का बताओं? का मोए तुमर प्रसंसा करओं? अइसे करनके कारणसे मए तुमर प्रसंसा नाए करंगो।

1 कोरिन्थी 12:2

तुम जानत हओ, कि तुम बिश्वासी बननसे पहिले कैसे जीबन जीइत रहओ, तुम बे मसक नाए पान बारे मूर्तिको आराधना करनके ताहीं कित्नो बातके द्वारा प्रभाबित भए रहओ।

1 कोरिन्थी 15:50

हे मेरे बिश्वासी ददाभइयओ, जा पृथ्वीमे हमर शरीर बुट्टी और खुनसे बनो हए; हम स्वर्गमे परमेश्वरके राज्यमे नाए घुस पएहएं। हम स्वर्गमे अपनो अइसो शरीरके साथ नाए रहिपए हएं जो मर सकत हए, काहेकी हुवाँपर कोइ मृत्यु नाए हए।

1 कोरिन्थी 7:29

हे मेरे बिश्वासी ददाभइयओ, मए जा कहात हओं, कि जा संसारमे हमरे ठिन जद्धा समय नाए हए, बहेमारे तुमरी बैयर हए या नाए हए, जाके बारेमे जद्धा परेसान मतहोबओ। लेकिन प्रभुको सेवा करनके बारेमे सोँचत रहाओ।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।