प्रकाश 8:3 - राना थारु नयाँ नियम

³ हुवाँसे, एक औ स्वर्गदूत आओ और धुपको बेदीके ठिन ठाणीगओ। बो स्वर्गदूत धुप जलानके ताहीं सोनोसे बनो भओ कटोराके लैके आओ, और बोके सब आदमीको प्राथनाके सहित जलानके ताहीं बहुत जद्धा धुप दओगओ। तओ बो धुप और आदमीनको प्राथना, परमेश्वरके सिंहासनके अग्गु सोनोको बेदीके उपर जलाए दइ रहए।

परमेस्वर को सच्चो वचन

³ फिर एक और स्वर्गदूत सोने को धूपदान लै भौ आओ, और बेदी मैं ठाड़गौ। बाकै परमेस्वर के सब पवित्र लोगन की प्रार्थना मैं जोड़न के ताहीं और सिंहासन के सामने सोने की बेदी ऊपर चढ़ान के ताहीं भौत धूप दई गई रहैं।

प्रकाश 8:3 Cross References

लूका 1:10

और धुप पजारन बेरा आदमीको सारा भिड बाहिर यरूशलेमको मन्दिरके आँगनमे परमेश्वरसे प्राथना करत रहए।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

हिब्रू 9:4

बो कोठामे धुप पजारन बारो सोनेकी वेदी धरो रहए। और हुवाँ एक करारको सन्‍दुक फिर रहए, जौनके भितर और बाहिरसे सोनोसे बनो रहए। बो सन्‍दुकमे तीन समान रहएं: मन्‍न धरो सोनेको भाँणा, गुमटी लागो भओ हारूनकी एक लकणी, और परमेश्वर मोशाके दओ भओ दश आज्ञाके दुई पत्थरके पाटी रहएं, जोके परमेश्वर लिखी रहए।

प्रकाश 10:1

फिर मए एक और शक्तिशाली स्वर्गदूतके एक बादर घिरो भओ स्वर्गसे उतरत देखो; और एक धनकमान बाके मुणके चारौ घेन रहए। और बोको मुँहुँ सूर्य कता चम्कत रहए और बोके पाउँ आगीके खम्मा कता रहएं।

प्रकाश 14:18

ठिक बहे बेरा औरो स्वर्गदूत मन्दिरसे बाहिर आओ, जौन बेदीमे धुप पजारन बारो काम करत रहए। बो जोडसे, पैनो हँसिया भओ स्वर्गदूतसे कही, “पृथ्वीमे भए अंगुरको झोँथा पुरए पक्गए हएं, बोके अपनो हँसियासे काट।”

प्रकाश 5:8

जब बा खलरीको चिट्ठीके लैलै, तओ बे चारौ जिन्दा प्राणी और चौबिसौ धर्मगुरु थुमाके अग्गु झुकीगए; और सब धर्मगुरु एक बिणा और सोनोसे बनो भओ कटोरा पक्णे रहएं। कटोरा धुपसे भरो भओ रहए जो बो धुपको सुगन्ध बे आदमीनको प्राथनाको चिन्हा हए जो परमेश्वरके हएं।

प्रकाश 6:9

जब थुमा पाँचौँ मोहर खोली, तओ बेदी तरे मए बिनको आत्मनके देखो जौननके मारडारी रहए काहेकी बे परमेश्वरके बचनके प्रति और बहे सन्देशके प्रति बिश्वासयोग्य रहएं, जो उनके मिलो रहए।

प्रकाश 8:4

स्वर्गदूतके द्वारा जलाओगओ धुपसे निक्रन बाली धुवाँ परमेश्वरके पबित्र आदमीनके प्राथनाके सँग उपर परमेश्वरके अग्गु पुगो।

प्रकाश 8:5

तओ फिर स्वर्गदूत धुपौरो लैके बेदीके उपरसे पजरत अंग्रासे भरदइ, और पृथ्वीमे फेँकदइ और सिंहासनसे बिजुली, अबाज और हलाचाला आओ।

प्रकाश 9:13

जाके पिच्छु, छैठौँ स्वर्गदूत अपन तुरही फुँकी। जब बो जाके बजाई, तओ मए परमेश्वरके अग्गु धुप जलान बारो सोनोको बेदीके चारौ कोनोसे मए एक अबाज सुनो।