फिलेमोन 1:6 - राना थारु नयाँ नियम

⁶ मए प्राथना करत हओं, कि बिश्वासीन सँगको तिर संगती बढतए जाबए, ताकी तए बे सब अच्छी चीजके बुझ पाबए, जौन चीज परमेश्वर हमके दइ हए। और जाको नतिजा जा होबए, कि आदमी ख्रीष्टके महिमा करएं।

परमेस्वर को सच्चो वचन

⁶ मैं प्रार्थना करथौं कि, बिस्वास मैं तुमरी सहभागिता हर अच्छी बात के ग्यान के ताहीं असरदार होबै जो मसीह मैं हमरे पास है।

फिलेमोन 1:6 Cross References

मत्ती 25:16

तओ पाँच सोनोको सिक्का पान बारो तुरन्तए जाएके बो व्यापारमे लागएके और पाँच सिक्का कमाइ।

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

1 कोरिन्थी 14:25

परमेश्वरको सन्देशके कारण बोके अपनो खराब काम और बोको गुप्तमे भए सोँचके बारेमे महसुस होबैगो। तओ बोके महसुस होबैगो कि बो पापी हए, तओ बो अपन मन परमेश्वरके घेन घुमाबैगो और पाप करन छोडदेहए। और बो परमेश्वरको आराधना करतए कहाबैगो “परमेश्वर नेहात्तओकमे हियाँ तुमर बीचमे हए।”

1 कोरिन्थी 16:9

काहेकी अभौफिर हियाँपर बहुतसे आदमी हएं जो परमेश्वरको बचन सुनन चाँहत हएं, और मिर हियाँ रहान बहुत बडो मौका हए। हियाँतककी, हियाँपर परमेश्वरके कित्ने दुस्मन फिर हएं।

फिलिप्पी 4:8

जहेमारे, हे मेरे बिश्वासी ददाभइयओ, जो-जो बात सच्चे हएं, और जो-जो बात आदरणीय हएं, और जो-जो बात धर्मी हएं, और जो-जो बात पबित्र हएं, और जो-जो सुन्दर हएं, और जो-जो बात प्रसंसा करनके लायक हएं, अन्तमे जो-जो बात बहुत अच्छे हएं। और अइसे चीज जोके आदमी सम्मान करत हएं, बिन्हिनमे तुमर मन लागो रहाबए।

कलस्सी 1:9

जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

याकूब 2:14

हे मेरे बिश्वासी ददाभइयओ, अगर कोइ आदमी कहाबैगो, कि मए प्रभु येशू ख्रीष्टमे बिश्वास करत हओं। पर बो आदमी दुस्रेनके ताहीं अच्छो काम नाए करैगो, तओ बोके का फाइदा? का अइसो बिश्वास कभी अपनो उद्धार करपाबैगो?

याकूब 2:17

अइसियए जौन बिश्वासी भलाइको काममे प्रकट नाए होत हए कहेसे बो अपनो स्वभाबमे मरो भओ हए।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 3:1

हे बैयर आदमी, तुम फिर अपने लोगाके अधिनमे रहाओ, ताकी अगर बिन मैसे कोइ लोग परमेश्वरको बचनमे बिश्वास करनसे इन्कार करत हए कहेसे, तुमर ब्यबहार बिनके, कुछु नाए कहिके फिर बिश्वास करन बारो बनाबैगो। जब बे तुमर भक्ति और शुद्ध ब्यबहार देखंगे तओ अपनए बे ख्रीष्टमे बिश्वास करंगे।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

2 पतरस 1:8

अगर जे सब बात तुममे हएं औ बढरहे हएं कहेसे, जे बातसे हमर प्रभु येशू ख्रीष्टको ज्ञानमे तुमके काम लागन बारो और फलदायी होनके मदत करैगो।