मत्ती 5:18 - राना थारु नयाँ नियम

¹⁸ काहेकी मए तुमसे कहात हओं बादर और पृथ्वी खतम होन तक, मोशाको नियम कानुनमे सब कुछ हए, हियाँतककी सबसे छोटीसे छोटी बात फिर, तबतक प्रभावमे रहाबैगो, जब तक अगम्बक्तनको उदेश्य पुरा होबैगो।

परमेस्वर को सच्चो वचन

¹⁸ मैं सच कहथौं कि जब तक धरती और आसमान मिट न जामैं, तब तक मूसा के नियम की एक ंमात्रा या बिन्दु भी बिना पूरो भौ खतम नाय होगो।

मत्ती 5:18 Cross References

मत्ती 10:15

नेहात्तओ, मए तुमसे कहात हओं, न्यायके दिनमे बो नगरको दसासे सदोम और गमोराको नगरको दसा जद्धा सहन सिकन बारो होबैगो, जौन परमेश्वर तुमके देबैगो।”

मत्ती 10:23

जब एक सहरमे परमेश्वरको बचन परचार करत पेती तुम सताए जएहओ, तओ दुस्रे सहरमे भजीयओ, काहेकी नेहात्तओ मए तुमसे कहात हओं, मए, आदमीको लौंणाके आनसे अग्गु तुम इस्राएल देशके सब सहरमे नाए घुम पाबैगे।”

मत्ती 10:42

जो कोइ जे छोटे मैसे एकके मिर चेला मानके एक गिलास ठण्डो पानी पिन देहए, नेहात्तओ मए तुमसे कहात हओं, बो अपन इनाम कभी फिर नाए खोबैगो।”

मत्ती 11:11

नेहात्तओ, मए तुमसे कहात हओं, जा दुनियामे जन्मो आदमी मैसे बप्तिस्मा देन बारो यूहन्नासे महान और कोइ नाए हए। तहुँफिर स्वर्गको राज्यमे जो सबसे छोटो हए, बप्तिस्मा देन बारो यूहन्ना इनसे महान हए।

मत्ती 13:17

नेहात्तओ, मए तुमसे कहात हओं, तुम जो देखे हओ बो बात बहुत अगमबक्ता और धर्मीजन देखनके उत्कट इच्छा करत हएं, और जो तुम सुनत हओ बो सुननके ताहीं उत्कट इच्छा करत हएं, पर सुन नाएपाइं।”

मत्ती 16:28

नेहात्तओ, मए आदमीको लौंणा, तुमसे कहात हओं, तुम मैसे बहुत आदमी जौन हियाँ ठाणे हओ, तुम परमेश्वरको राज्यके अपना मरनसे अग्गु शक्तिके सँग आत देखैगे।”

मत्ती 17:20

येशू बिनसे कही, “तुमर अल्पबिश्वासके मारे नाए निकारपाए। नेहात्तओ, मए तुमसे कहात हओं, कि तुमर एक लाहीको दाना बरोबर बिश्वास हए तओ जा डँगा हियाँसे हटीजा कएहओ तओ बो हटीजएहए। और तुमर ताहीं कोइ असम्भब नाए हुइहए।

मत्ती 18:18

“नेहात्तओ, मए तुमसे कहात हओं, तुम पृथ्वीमे जो बाँधैगे, बो स्वर्गमे बाँधजाइगो। और तुम पृथ्वीमे जो खोलैगे बो स्वर्गमे खुलजाइगो।

मत्ती 18:3

और कही, “नेहात्तओ, मए तुमसे कहात हओं, मन बदलके तुम छोटो बालकनके कता नाए हुइहओ तओ कभु स्वर्गके राज्यमे घुस नाए पएहओ।

मत्ती 19:23

और येशू अपन चेलनसे कही, “नेहात्तओ, मए तुमसे कहात हओं, स्वर्गके राज्यमे धनी आदमीके प्रबेश करन बहुत कर्रो पणैगो।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 21:21

येशू जबाफ दइके बिनसे कही, “नेहात्तओ, मए तुमसे कहात हओं, तुमरमे बिश्वास हए और कभु शंखा नाए करैगे कहेसे अञ्‍जीरको रुखाके जो करोगओ हए इत्कए इकल्लो नाए, पर जा डँगाके फिर ‘उखणके समुन्दरमे गिर’ कएहओ तओ बहे हुइजएहए।

मत्ती 21:31

“अब जे दुई मैसे कौन दौवाकी बात मानी?” बे जबाफ दइं, “पहिलो बारो।” येशू बिनसे कहीं, “नेहात्तओ, मए तुमसे कहात हओं, कर उठान बारे और वेश्या तुमसे अग्गु परमेश्वरको राज्यमे प्रबेश करंगे।

मत्ती 23:36

नेहात्तओ, मए तुमसे कहात हओं, जा सब हत्याको सजाय जहे पिढीके आदमीनके उपर पणैगो।”

मत्ती 24:2

पर बा बिनसे कही, “तुम जा सब देखत हओ, कि नाए? नेहात्तओ, मए तुमसे कहात हओं, एक पत्थरके उपर दुस्रो पत्थर नाए रएहए, सबएके उजणके फेँको जएहए।”

मत्ती 24:47

नेहात्तओ, मए तुमसे कहात हओं, मालिक बोके अपनो सारा सम्पतिके उपर जिम्मेबार नियुक्त करैगो।

मत्ती 25:12

तओ दुलहा जबाफ दइके कही, नेहात्तओ मए तुमसे कहात हओं, मए तुमके नाए चिनत हओं।

मत्ती 25:40

तओ मए राजा, बिनके जबाफ दइके कएहओं, ‘नेहात्तओ, मए तुमसे कहात हओं, तुम जे छोटेसे छोटे मिर बिश्वासी ददाभइया मैसे एक जनैके ताहीं करे, बो मिर ताहीं करे।’

मत्ती 25:45

तओ मए बिनके जबाफ देहओं, ‘नेहात्तओ, मए तुमसे कहात हओं, जा सबसे छोटे मैसे कोइ एककेसँग नाए करे, बो तुम मेरे ताहीं फिर नाए करे।’

मत्ती 5:26

मए तुमसे सच कहात हओं, कि जब तक तुम बोके सब पैसा चुक्त्ता नाए करैगे, जो तुमर उपर बाँकी हए, तओ तक तुम जेलसे कभी नाए निकरैगे।”

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:2

जहेमारे जब तुम दान देत हओ, तओ बडो दिखानके ताहीं मत् करओ, जैसी कपटी यहूदी सभाघरको गल्लीमे करत हएं ताकी आदमी उनकी बढाइ करएं, मए तुमसे सच्चो कहात हओं, कि बे जो करीं, आदमीनसे प्रसंसा पाएडारी हएं।

मत्ती 8:10

जा बात सुनके येशू अचम्मो मानी, और कप्तानके पिच्छु आन बारेनसे कही, “नेहात्तओ, मए तुमसे कहात हओं, कि मोके पुरो इस्राएल देशमे एकफिर अइसो आदमी नाए मिलो, जो जा गैर-यहूदी आदमी हानी मिर उपर बिश्वास करत होए।

मर्कूस 10:15

नेहात्तओ, मए तुमसे कहात हओं, जौन आदमी बालकनके कता अपनएके परमेश्वरको राज्यमे नाए सौँपत हए, कहेसे बे बाको राज्यमे बक आदमी नाए बनपामंगे।”

मर्कूस 10:29

येशू चेलनसे कही, “नेहात्तओ मए तुमसे कहात हओं, चेला होनके ताहीं और अच्छो समाचारको घोषणा करनके ताहीं, जौन अपन घर, या ददाभइयनके, दिदी-बहिनियाके, अइयादौवाके, लौंणालौंणीयाके या जगहा जमिनके छोड दइ हए, बो जा सतावटके सँगएसँग बहुत चीज पएहए जैसेकी, औ ददाभइयनके, दिदी-बहिनीया, अइयादौवा, लौंणालौंणीया अइसियए करके औ फिर। और आन बारो समयमे तुमके कभी फिर नाश नाए होन बारो जीबन मिलैगो।

मर्कूस 11:23

नेहात्तओ मए तुमसे कहात हओं, कि जो कोइ जा पहाडसे कएहए, ‘उठ और अपनए समुन्दरमे गिरजा,’ और अपने हृदयमे शंखा नाए करैगो; बल्कि बिश्वास करहए, कि ‘जो बो मागी हए परमेश्वर बोके करैगो,’ तओ परमेश्वर बक ताहीं जा करदेहए।

मर्कूस 12:43

तओ येशू अपने चेलनके अपन ठिन बुलाएके उनसे कही, “नेहात्तओ मए तुमसे कहात हओं, मन्दिरमे भेँटी चढान बारेन मैसे जा गरीब बिधुवा सबसे जद्धा चढाइ हए।

मर्कूस 13:30

नेहात्तओ मए तुमसे कहात हओं, जा पिढीके कुछ आदमी तओ फिर जिन्दा रहामंगे जब जे सब घटना हुइहएं।

मर्कूस 14:18

बे आडास लैके खात पेती येशू कही, “नेहात्तओ मए तुमसे कहात हओं, तुम मैसे मिर सँग भोजन खान बारो एकजनै मोके पकणबानके ताहीं मिर दुस्मनके मदत करैगो।”

मर्कूस 14:25

नेहात्तओ, मए तुमसे कहात हओं, जाके पिच्छु, मए बो दिनतक कभी फिर दाखको रसा नाए पिहओं, जबतककी मए परमेश्वरको राज्यमे नयाँ अंगुरको रसके नाए पिइलेओं”

मर्कूस 14:30

तओ येशू बोसे कही, “नेहात्तओ मए तोसे कहात हओं, आजए रातके मुर्गा दुई चोटी बासनेसे अग्गु तए तीन चोटी कहाबैगो, कि मए तोके नाए जानतहओं।”

मर्कूस 14:9

नेहात्तओ मए तुमसे कहात हओं, सारा संसारमे जहाँ-जहाँ फिर अच्छो समाचार परचार हुइहए, बिनके जा फिर बताओ जाबैगो, कि बैयर का करीहए, और आदमी बोके याद करंगे।”

मर्कूस 3:28

नेहात्तओ, मए तुमसे कहात हओं, आदमीनको सब गलत काम और परमेश्वर या कोइके बिरुद्धमे करीभइ बदनामके, परमेश्वर क्षमा करदेहए।

मर्कूस 6:11

अगर कोइ ठिहामे तुमए स्वागत नाए करंगे, और आदमी तुमर बचन सुनन इन्कार करंगे कहेसे, बो ठिहासे तुम निकरके अपने पौलीको धुधर झराए दियओ। ताकी बिनके ताहीं चेतावनी होबए, कि परमेश्वरसे मिलन बारो सजायके ताहीं बे अब अपनए जिम्मेदार होएं।”

मर्कूस 8:12

उनको अबिश्वासके मारे येशू गहिरो सास लैके उनसे कही, “तुम, जा पिढीके आदमी काहे शक्तिशाली चमत्कार ढुणत हओ? पक्कए मए तुमसे कहात हओं, जा पिढीके आदमीनके कोइ चिन्हा नाए मिलैगो।”

मर्कूस 9:1

फिर येशू भिड और अपने चेलनसे कही, “नेहात्तओ, मए तुमसे कहात हओं, तुम मैसे कुछ आदमी जो हियाँ ठाणे हएं, बे देखंगे, कि बाके मरनसे पहिले परमेश्वरको राज्य एक नयाँ और महान शक्तिके तरिकासे आइगओ हए।”

मर्कूस 9:41

नेहात्तओ मए तुमसे कहात हओं, जौन तुमए ख्रीष्टको हए करके मिर नाउँमे एक गिलास पानी देहए कहेसे बोको इनाम बो पाबैगो।”

लूका 11:51

हँ, मए तुमसे कहात हओं, हाबिलको खुनसे लैके वेदी और यरूशलेमको मन्दिरको पबित्रस्‍थानको बीचमे मरे भए जकरियाको खुन तकको लेखा जा पिढीसे लओजाबैगो।

लूका 12:37

बो नोकर धन्यके हए, जौनको मालिक घर आनके बेरा बिनके, बोको डगर देखत असियात पाबैगो। मए नेहात्तओ तुमसे कहात हओं, कि बो मालिक एक सेवक हानी लत्ता पैँधके बिनके सँग खानु खानके बैठैगो, और ढिँगै आएके बिनको सेवा करैगो।

लूका 13:35

देखओ, परमेश्वर तुमर घर उजाण करैगो, और अब मए कहात हओं, जब तक तुम नाएकएहओ ‘धन्य हए बा, जौन प्रभुके नाउँमे आतहए,’ तबतक तुम मोके कभी नाए देखैगे।”

लूका 16:17

बादर और पृथ्वी अलोप हुइजएहए, पर परमेश्वरको नियम कानुनकी एकौ बात फिर कभी खारेज नाए हुइहए।

लूका 18:17

नेहात्तओ मए तुमसे कहात हओ, जौन एक बालकनके जैसो परमेश्वरको राज्यके ग्रहण नाएकरैगो, बो कोइ रितिसे बो भितर प्रबेश नाए कर्पएहए।”

लूका 18:29

तओ येशू बिनसे कही, “नेहात्तओ मए तुमसे कहात हओं, जौन अपन घर, बैयर, ददाभइया, अइयादौवा और लौंणालौंणीयाके परमेश्वरको राज्यके ताहीं छोडत हए,

लूका 23:43

येशू बोसे कही, “नेहात्तओ मए तोसे कहात हओं, कि आजए तए मिर सँग स्वर्गमे होबैगो।”

लूका 4:24

तओ येशू उनसे कही, “नेहात्तओ मए तुमसे कहात हओं, कोइ फिर अगमबक्ता बिनको अपनो देशमे स्वागत नाए पातहए।

यूहन्ना 1:51

फिर येशू कही, “नेहात्तओ, मए तोसे कहात हओं, तए स्वर्ग उघरो और परमेश्वरके दूतके उपर जात और मए, आदमीको लौंणाके उपर चढत और तरे उतरत देखैगो।”

यूहन्ना 10:1

“नेहात्तओ, मए तुमसे कहात हओं, जौन भेंणाक खोणको फाटकसे भितर घुसन छोडके, औरो घेनसे घुसत हए कहेसे बो चोर और डाँकु हए।

यूहन्ना 10:7

बहेबेरा येशू फिरसे उनसे कही, “नेहात्तओ, मए तुमसे कहात हओं, कि मए बो फाटक हओं जौन सुध भेंणा खोण भितर घुसत हएं।

यूहन्ना 12:24

नेहात्तओ, मए तुमसे कहात हओं, गेहुँको दाना मट्टीमे पणके नाए मरो कहेसे बो उइसीयए रहात हए। पर अगर मट्टीमे पणके दाना मरिगओ कहेसे बो बहुत फरा फरात हए।

यूहन्ना 13:16

नेहात्तओ मए तुमसे कहात हओं, कमैया अपन मालिकसे बडो नाए होत हए, और खबर लान बारो चुनेभए चेलासे बडो नाए होत हए।

यूहन्ना 13:38

येशू जबाफ दइ, “का तए मेरे ताहीं मरनके तयार हओं कहात हए? नेहात्तओ मए तोसे कहात हओं, मुर्गा बासनसे अग्गु तए मोके तीन चोटी ‘नाए चीन्त हओं’ कहिके इन्कार करैगो।”

यूहन्ना 14:12

नेहात्तओ मए तुमसे कहात हओं, मोएमे बिश्वास करन बारे मए करोजैसो काम करैगो, और बोसे फिर बडो-बडो शक्तिशाली चमत्कार करैगो काहेकी मए दौवा ठिन जाएरहो हओं।

यूहन्ना 16:20

नेहात्तओ, मए तुमसे कहात हओं, कि तुम मिर मौतके पच्छु रुइहओ और चिल्लाबैगे, पर संसारके आदमी आनन्द करंगे। तुम दुखित होबैगे, पर जब तुम मोके फिरसे देखैगे तओ तुमर दुख आनन्दमे बदलैगो।

यूहन्ना 16:23

जौन समय तुम मोके दुबारा देखैगे तओ तुम मोसे कुछ नाए पुँछैगे, नेहात्तओ मए तुमसे कहात हओं अगर दौवासे कुछ माँगैगे तओ बा मेरे नाउँमे तुमके देबैगो।

यूहन्ना 21:18

नेहात्तओ मए तुमसे कहात हओं, जब तए जवान रहए, तओ अपन करेहाँओँमे फेटा बाँधत रहए, और जहाँ इच्छा लागत रहए हुनै जात रहए। पर जब तए बुढो हुइजएहए, तओ तए अपन हातके फैलाबैगो और कोइ औ तोके बाँध लेहए तओ तोके हुवाँ लैजाबैगो जहाँ तए नाए जानके चाहैगो।”

यूहन्ना 3:11

नेहात्तओ, मए तोसे कहात हओं, हम जो जानत हएं बहे कहात हएं, और हम देखत हएं बहेको गवाही देत हएं। पर हम जो कहात हएं, तुम बोके उपर बिश्वास नाए करत हओ।

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

यूहन्ना 5:19

जहेमारे येशू बिनसे कही, “मए तुमसे नेहात्तओ कहात हओं, मए लौंणा अपनए कुछु नाए करपात हओं, काहेकी दौवा जो करत हए, लौंणा फिर बहे करत हए।

यूहन्ना 6:26

येशू बिनके जबाफ दइके कही, “नेहात्तओ मए तुमसे कहात हओं, तुम शक्तिशाली चमत्कार देखके नाए, पर तुम पेट भरके रोटी खानके पातहओ, तभीमारे तुम मोके ढुणत हओ।

यूहन्ना 6:32

येशू उनसे कही, “नेहात्तओ मए तुमसे कहात हओं, कि तुमके स्वर्गसे रोटी देन बारो मोशा नाए हए, बल्कि स्वर्गसे तुमके सेतएमेत रोटी देन बारो मिर दौवा परमेश्वर हए।

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

यूहन्ना 6:53

येशू बिनसे कही, “नेहात्तओ मए तुमसे कहात हओं, जब तक मए, आदमीको लौंणाको शरीर तुम नाए खएहओ, और मिर बलिदानको खुन नाए पिइहओ कहेसे तुमरमे जीबन नए रएहए।

यूहन्ना 8:34

येशू बिनके जबाफ दइके कही, “नेहात्तओ, मए तुमसे कहात हओं गलत काम करन बारे सब जनै पापके कब्जामे हएं।

यूहन्ना 8:51

नेहात्तओ मए तुमसे कहात हओं, कि अगर कोइ आदमी मिर शिक्षा पालन करैगो कहेसे बो अनन्त कालतक नाए मरैगो।”

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

1 पतरस 1:25

पर प्रभुको बचन सदासर्वदा रहो रहात हए।” और तुमके परचार करो भओ अच्छो समाचारको बचन जहेहए।

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।