मत्ती 5:16 - राना थारु नयाँ नियम

¹⁶ अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

परमेस्वर को सच्चो वचन

¹⁶ बैसिये लोगन के सामने तुमरो उजियारो ऐसे चमकै कि तुमरे अच्छे कामन कै देख तुमरे स्वर्गिय, दऊवा की बड़ाँईं होबै।”

मत्ती 5:16 Cross References

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

मत्ती 23:9

अपन दौवाके छोडके कोइके फिर धर्तीमे दौवाको पदको आदर मत् दियओ काहेकी परमेश्वर तुमर एकए दौवा हए जौन स्वर्गमे हए।

मत्ती 5:45

तओ तुम स्वर्गमे होन बारो अपन दौवाके सन्तान होबैगे। काहेकी परमेश्वर आदमीके सुर्यको आँच देतहए, और धर्मी और पापी दोनौ मनैके ताहीं मेहे बर्सात हए।

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:9

तुम अइसे परमेश्वरसे प्राथना करओ: “हे हमर दौवा, जो स्वर्गमे हए; तुमर नाउँ पबित्र होए।

मत्ती 9:8

जब भिड जा देखी, तओ बे डराइगए, और आदमीनके अइसो शक्ति देन बारो परमेश्वरको महिमा करीं, जौन आदमीनके अइसो अधिकार दइ हए।

लूका 11:2

येशू बिनसे कही, तुम परमेश्वरसे प्राथना करत पेती अइसे कहियओ, “हे हमर दौवा तुमर नाउँ पबित्र होए, तुमर राज्य आबए।

यूहन्ना 15:8

मिर दौवाकी महिमा जहेसे होत हए, कि तुम बहुत फरा फराओ, तब्ही इकल्लो तुम मेरे चेला बनपाबैगे।”

प्रेरित 9:36

योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।

1 कोरिन्थी 14:25

परमेश्वरको सन्देशके कारण बोके अपनो खराब काम और बोको गुप्तमे भए सोँचके बारेमे महसुस होबैगो। तओ बोके महसुस होबैगो कि बो पापी हए, तओ बो अपन मन परमेश्वरके घेन घुमाबैगो और पाप करन छोडदेहए। और बो परमेश्वरको आराधना करतए कहाबैगो “परमेश्वर नेहात्तओकमे हियाँ तुमर बीचमे हए।”

2 कोरिन्थी 9:13

जा देन बारो सेवा तुम सत्य हओ कहिके प्रमाणित करत हए और बहुत आदमी परमेश्वरको प्रसंसा करत हएं। काहेकी तुम ख्रीष्टको अच्छो समाचार सत्य हए कहिके बिश्वास करत हओ। और तुम गरीब बिश्वासीनके और औ बिश्वासीनके खुल्ला मनसे दइके जाके पालन करत हओ।

गलातियों 1:24

और जहेमारे परमेश्वर मेरे सँग जो करी, बोके ताहीं ख्रीष्टके बिश्वासी परमेश्वरके लगातार महिमा करतए रहएं।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 5:8

तुम अपनए अन्धकारमे रहात रहओ, पर जबसे तुम प्रभुके आदमी बनेहओ, तुम ज्योतीमे हओ। जहेमारे तुमके उइसे आदमीन कता जीइन चाहो जो ज्योतिसे सम्बन्धित हएं।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

1 तिमोथी 2:10

पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

1 तिमोथी 5:25

उइसीयए, जब आदमी अच्छे काम करत हएं, तओ दुस्रे बिश्वासीनके जे स्पष्ट रुपसे देखा पणत हएं। और अगर दुस्रे बिश्वासी उनको काम स्पष्ट रुपसे नाए देखेसे फिर पच्छुजाएके बे उनको कामके पता पाए डारंगे।

1 तिमोथी 6:18

और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 2:7

तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

तीतुस 3:4

तहुँफिर, हमर मुक्तिदाता परमेश्वर हमके अपनी दया और प्रेम दिखाइ।

हिब्रू 10:24

हम एकदुस्रेनके प्रेम और भलाइ करनकी बातमे एकदुस्रेके उत्सहा करे रहामएं।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

1 पतरस 3:1

हे बैयर आदमी, तुम फिर अपने लोगाके अधिनमे रहाओ, ताकी अगर बिन मैसे कोइ लोग परमेश्वरको बचनमे बिश्वास करनसे इन्कार करत हए कहेसे, तुमर ब्यबहार बिनके, कुछु नाए कहिके फिर बिश्वास करन बारो बनाबैगो। जब बे तुमर भक्ति और शुद्ध ब्यबहार देखंगे तओ अपनए बे ख्रीष्टमे बिश्वास करंगे।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

1 पतरस 4:11

उदाहरणके ताहीं, अगर तुमर सँग परचार करनको बरदान हए कहेसे, तुमके परमेश्वरको बचन परचार करन पणत हए। अगर तुमर सँग औरे आदमीनके मदत करनको बरदान हए कहेसे, बो तुम परमेश्वरके माध्यामसे दओगओ शक्तिसे करओ। तओ बोसे येशू ख्रीष्टद्वारा परमेश्वरके महिमा मिलैगो। सबए महिमा और शक्ति हरदम बहेको हए! आमेन।

1 पतरस 4:14

अगर ख्रीष्टके नाउँमे तुमर बेइज्जत हुइगओ कहेसे तुम धन्यके हओ। काहेकी महिमाको परमेश्वरको आत्मा तुममे बास करीहए।