मत्ती 3:10 - राना थारु नयाँ नियम

¹⁰ और हबए रुखाके जरमे कुढाहरी पणिगओ हए। और जौन रुखा अच्छो फरा नाए फराए रहएं, बेहीं रुखा काटके आगीमे फेके जामंगे।

परमेस्वर को सच्चो वचन

¹⁰ कुल्हाड़ी पेंड़न की जड़न कै काटन के ताहीं तैयार है; अच्छो फरा ना देनबारे सब पेंड़ कै काटकै आगी मैं झोंक दौ जागो।

मत्ती 3:10 Cross References

मत्ती 21:19

तओ डगर किनारे येशू एक अञ्‍जीरको पेणके देखी। बा बो पेणके ढिँगै आओ, और बोमे पत्तासे अलाबा और कुछ नाएपाइ। तओ येशू बोसे कही, “अब तोएमे कभु फरा नाए फरए” तओ बो अञ्‍जीरको रुखा तुरन्त अइलियाइ गओ।

मत्ती 7:19

अच्छे फरा नाए फरान बारे सबए रुखाके काटके आगीमे फेंको जएहए, और झुठे अगमबक्तनके फिर उइसीयए दण्ड दओ जाबैगो।”

लूका 23:31

अगर अइसे एक जनै निर्दोष आदमी दण्ड पातहए, तओ सोँचओ कि दोषी आदमी कित्नो डर लागन बारो दण्ड पाबैगो!”

लूका 3:9

और परमेश्वर सब मेलको दण्ड देनके ताहीं तयार हए, जौन पाप छोडके परमेश्वर घेन नाए घुमत हएं, ठिक बहे कता जैसी कुढाहरी बारो कोइ आदमी, बे रुखाके जरसे काटनके तयार हए, जौन अच्छो फरा नाए फारत हएं। हरेक आदमी जौन बे रुखा हानी हएं, और अच्छे फरा नाए फारत हएं, बे परमेश्वरसे दोषी ठहिरंगे, और आगीमे फेँके जामंगे।”

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

यूहन्ना 15:6

अगर कोइ आदमी मोएमे नाए रएहए, बो हँगा कता काटो जाबैगो और फेँको जाबैगो। जब बे हँगा सुखत हएं तओ बो इकट्ठा करके डुँङदेत हए।

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

हिब्रू 6:8

औरे आदमी बो जमीन जैसे हएं, जौन काँटो और सेहुँर जमात हएं और बो जमीन बेकार होत हए। बो जमिनमे त परमेश्वरको सराप पणन डर होत हए और जा आगीसे नष्ट हुइजए हए।