लूका 20:17 - राना थारु नयाँ नियम

¹⁷ तओ येशू बिनके देखके कही, “जा लिखो भओ का हए तओ? ‘जौन पत्थरके घर बनान बारे रद्द करिहएं, बहे पत्थर, कोनोको शिर-पत्थर बनो।’

परमेस्वर को सच्चो वचन

¹⁷ ईसु उनके घाँईं देखी और पूँछी, “का, तौ, जौ सास्त्र को मतलब है? ‘जो पथरा कै राजमिस्त्री ठुकराई रहैं बहे सबन के ताहीं सबसे जरूरी निकरो।’

लूका 20:17 Cross References

मत्ती 21:42

येशू बिनसे कही, “का तुम कभी पबित्र-शास्त्रमे लिखो भओ बचन नाए पढे हओ? ‘जौन पत्थरके घर निर्माण करन बारे रद्द करीं, बहे कुनैठोको मुण-पत्थर बनो, जा परमप्रभुसे भओ हए, और हमरे नजरमे जा अचम्मकी बात हए।’

मर्कूस 10:23

और आसपिस देखके येशू अपन चेलनसे कही, “धनी आदमी परमेश्वरको राज्यमे घुसन बहुत अग्ठो हए।”

मर्कूस 12:10

का तुम पबित्र-शास्त्रमे लिखो भओ बचन नाए पढे हओ, जौन ख्रीष्टको तुलना एक महत्वपूर्ण पत्थरसे कर सकत हएं? बा कहात हए, “‘जौनछो पत्थरके राजमिस्तरी बेकार सम्झीं, बा बहे पत्थर हए जो घरमे सबसे महत्वपूर्ण पत्थर बानो।’

मर्कूस 3:5

बिनको हृदयको कठोरतामे येशू गुस्साइगओ, और बा बिनके सबके देखके बहुत दुखी भओ और लुला हात भओ मनैसे कही, “अपन हात फैला।” बो हात फैलाइ और बक हात अच्छो हुइगओ।

लूका 19:41

जब येशू यरूशलेम सहरके ढिँगै आएपुगो तओ गाउँके देखके रोन लागो।

लूका 22:37

काहेकी मए तुमसे कहात हओं, पबित्र-शास्त्रमे लिखो भओ ‘बाके अपराधीनके सँग गिनोगओ’ बात मोएमे पुरा होन पणैगो। काहेकी मिर बारेमे जो बचन लिखो हए, बो नेहात्तओ पुरा होनडटो हए।”

लूका 22:61

और प्रभु घुमके पत्रुसके देखी। “आज मुर्गा बासनसे अग्गु तए मोके तीन चोटी इन्कार करैगो” करके प्रभुको बचन पत्रुसके याद आइगओ।

लूका 24:44

और येशू बिनसे कही, “जब मए तुमर सँग रहओं, तओ मिर कहो बचन जहे रहए, कि जितनो बात मोशाको नियम कानुन, अगमबक्ता और भजनके किताबमे, मिर बारेमे लिखेहएं, बे सब बात पुरा होन जरुरी हए।”

यूहन्ना 15:25

जा बोके पुरा करत हए, जो उनको पबित्र-शास्त्रमे लिखो हए। बा कहात हए, ‘बे बिना कारणके मोके हेल्हा करीं।’”

प्रेरित 4:11

ख्रीष्ट येशू बो पत्थर हए, जौनके तुम राजमिस्त्री इन्कार करे रहओ, बहे पत्थर जगको मुख्य पत्थर बनो।

इफिसियों 2:20

चुनेभए चेला और अगमबक्तनको डरो भओ जगमे बनाओ भओ घर तुम फिर हओ। जगको मूल पत्थर येशू ख्रीष्ट अपनए हए।

1 पतरस 2:6

जा, पबित्र-शास्त्रमे परमेश्वरको कहो कता हए, “देखओ! मए एक बहुत मुल्यवान पत्थर छानो हओं, जौन सियोन सहरमे घरके मजबुत बनान प्रयोग करोगओ। जो फिर बामे भरोसा करैगो बो लज्जित नाए होबैगो।”