यूहन्ना 6:37 - राना थारु नयाँ नियम

³⁷ जौन-जौनके दौवा मोके दइहए, बे मिर ठिन आमंगे। और जौन-जौन मिर ठिन आमंगे मए उनके कभु नाए छोडंगो

परमेस्वर को सच्चो वचन

³⁷ जो कछु दऊवा मोकै देथै बौ सब मेरे झोने आगो, और जो कोई मेरे झोने आगो बाकै मैं कहुए नाय निकारंगो।

यूहन्ना 6:37 Cross References

मत्ती 11:28

“हे सब थके भए और बोझसे दबेभए, मिर ठिन आओ, मए तुमके बिश्राम देमंगो।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 17:24

“हे दौवा, तुम मोके दएभए आदमी मेरी ठिन रहामएं और तुम मोके दओ भओ महिमा बे देख पामएं, जौन महिमा तुम संसारको उत्पत्ति होनसे पहिलीयए मोके प्रेम करके दए।”

यूहन्ना 17:6

येशू कही, “मए तुमर नाउँमे बे आदमीनके जा बताओ हओं, कि तुम कौन हओ, जौनके संसारमे मोके दएहओ। बे तुमर रहएं और तुम बिनके मोके दए और बे तुमर शिक्षाके पालन करी हएं।

यूहन्ना 6:39

और मोके पठान बारेको इच्छा जहेहए, परमेश्वर मोके जित्नोनके देहए बे मैसे कोइके फिर मए नाए गुमाओं, बल्कि बिनके संसारको अन्तके दिनमे जिन्दा करओं।

यूहन्ना 6:65

तओपिच्छु येशू फिर कही, “जहेमारे मए तुमसे कहो हओं, मिर दौवा परमेश्वर मिर ठिन आन बारो मन नाए देनतक कोइ फिर मिर ठिन नाए आएपाबैगो।”

यूहन्ना 9:34

बे बोको जबाफ दइके कहीं, “तए पापमे जनमो और पापमे बढो भओ आदमी हमके सिखान चाँहत हए?” तओ यहूदी समुहके अगुवा बो आदमीके यहूदी सभाघरसे बाहेर निकार दइं।

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।