यूहन्ना 6:27 - राना थारु नयाँ नियम

²⁷ नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

परमेस्वर को सच्चो वचन

²⁷ खतम होन बारे खानु के ताहीं मेहनत मत करौ, पर बौ खानु के ताहीं जो अनंत जिंदगी तक रहथै, जो कि आदमी को लौड़ा तुमकै देगो, काहैकि दऊवा, यानी परमेस्वर बहे के ऊपर छाप लगाई है।”

यूहन्ना 6:27 Cross References

मत्ती 17:5

पत्रुस मसकतए मसकत, चमकदार बादर बिनके तोपदइ, और बादरसे एक अबाज आओ, “जा मिर प्रिय लौंणा हए, जासे मए बहुत खुसी हओं, इनकी बात सुनओ।”

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

मत्ती 3:17

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मत्ती 6:19

अपन ताहीं पृथ्वीमे धनसम्पति मत् जोडओ, जहाँ किरा और काइ बिनके खतम करत हएं। और जहाँ चुट्टा घर फोरके बो चुराएके लैचलो जातहए।

मत्ती 8:20

येशू बोसे कही, “सेरनके भार और बादरमे उणन बारे चिरैंचिरगुनीके घरघुस्ला होत हएं। पर मए, आदमीको लौंणाके ताहीं त एक घर फिर नाएहए, जहाँ मए सोए सिकओं।”

मर्कूस 1:11

तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

मर्कूस 9:7

और एक बादर आएके बिनके तोपदइ, और परमेश्वर बद्रि मैसे बोली, “जा मिर प्यारो लौंणा हए, बा जो कएहए बोमे ध्यान दियओ।”

लूका 3:22

और पबित्र आत्मा कबुतरके रुपमे अपन उपर उतरत देखी। तओ स्वर्गसे परमेश्वरको अबाज आओ, “तए मिर प्यारो लौंणा हए, तोसे मए गजब खुसी हओं।”

लूका 9:35

तओ बादरसे अइसे कहिके एक अबाज आओ, “जा मिर लौंणा हए, जौनके मए छानो हओ। जाको बात सुनओ।”

यूहन्ना 10:28

और मए बिनके कभी फिर नाश नाए होन बारो जीबन देहओं, और बे कभु नष्ट नाए हुइहएं, और कोइ बिनके मोसे नाए छिन पएहए।

यूहन्ना 11:42

मोके पता हए, कि तुम मिर प्राथना रोज सुन्त हओ। तुम मोके संसारमे पठाए हओ कहान बारी बात हियाँ भए आदमी बिश्वास करएं कहिके मए तुमके बडो अबाजसे प्राथना चढान डटो हओं।”

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 15:24

अगर कोइ नाए करपान बारो चमत्कार काम, मए बिनके बीचमे नाए करतो कहेसे बे पापके दोषी नाए हुइते। पर मिर करोभओ अचम्मोको काम देखेके फिर बे मोके और मिर दौवाके समेत हेल्हा करत हए।

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 3:15

ताकी जो कोइ मिर उपर बिश्वास करैगो, बो कभी फिर नाश नाए होन बारो जीबन पएहए।

यूहन्ना 3:33

पर जौन बाकी गवाही ग्रहण करी हए, बा जा बातके साबित करी हए, कि परमेश्वर सच्चो हए।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

यूहन्ना 6:47

नेहात्तओ मए तुमसे कहात हओं, जौन कोइ बिश्वास करैगो बोके सँग कभी फिर नाश नाए होन बारो जीबन हए।

यूहन्ना 6:51

स्वर्गसे आओ भओ जिन्दा रोटी महीँ हओं। कोइ फिर जा रोटी खएहए कहेसे बो सदिमानके ताहीं जिइहए। और जौन रोटी मए संसारके आदमीनके जीबनके ताहीं देहओं, बो मिर शरीर हए।”

यूहन्ना 6:53

येशू बिनसे कही, “नेहात्तओ मए तुमसे कहात हओं, जब तक मए, आदमीको लौंणाको शरीर तुम नाए खएहओ, और मिर बलिदानको खुन नाए पिइहओ कहेसे तुमरमे जीबन नए रएहए।

यूहन्ना 6:54

पर मिर शरीर खान बारो और मिर बलिदानको खुन पिन बारे सँग कभी फिर नाश नाए होन बारो जीबन हुइहए, और अन्तके दिनमे मए बोके मरो भओ मैसे जिन्दा करेहओं।

यूहन्ना 6:58

स्वर्गसे आन बारो रोटी जहेहए। जा तुमर पुर्खा खाइभइ रोटी जैसो नाए हए। बे रोटी खाइं तहुँफिर मरिगए। पर मए दओ भओ रोटी खान बारे आदमी सदादिन जिइबैगो।”

यूहन्ना 6:62

उइसो हए कहेसे मए, आदमीको लौंणाके उपर स्वर्गमे जात देखैगे, जहाँ मए पहिले रहओं, तओ तुम का करैगे?

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

यूहन्ना 8:18

अब मिर बारेमे गवाही देन बारो एक मए हओं, और दुस्रो मोके पठान बारो मेरो दौवा हए।”

प्रेरित 10:38

परमेश्वर नासरत गाउँको येशूके खटाएके अपनुवए पबित्र आत्मा और शक्ति बामे अख्नाइ। परमेश्वर येशूके सँग होएके कारण बा भलाइको काम करतए, शैतान लगे भएनके अच्छो करत सब ठाउँमे गओ।

प्रेरित 2:22

“इस्राएल देशके ददाभइयओ, मिर बात सुनओ। परमेश्वर येशू द्वारा तुमर बीचमे शक्तिशाली चमत्कारको काम करके अचम्मेको चिन्हा दिखाइ कहिके तुमके पतए हए। बे चिन्हनसे परमेश्वर, नासरतको येशूके अपनए पठाओ हओं कहिके प्रमाण दइ।

रोमियों 4:11

परमेश्वर बोके पहिलीए स्वीकार करलै रहए और बोके धर्मी घोषित करदइ रहए, जबकी अब्राहामको अभए खतनए नाए भओ रहए। खतनाको चिन्हा स्वीकारको चिन्हा हए। जहेमारे अब्राहाम बे आदमीनको आत्मिक दौवा हए, जो बिश्वास करत हएं पर उनको खतना नाए भओ हए। बे अपने बिश्वासके कारण धार्मि ठहिराए जात हएं।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।

1 कोरिन्थी 9:2

अगर अन्य आदमी जा स्वीकार नाए करत हएं, कि मए प्रभु येशूको चुनो भओ चेला हओं, तओ तुम बिश्वासी भइयनके जाके स्वीकार करन चाहो। काहेकी मए बहे हओं जो तुमर ठिन अच्छो समाचार लैके आओ रहओं। तुम प्रभु येशूमे बिश्वास कर रहेहओ, जासे साबित होत हए, कि मए बाको चुनो भओ चेला हओं।

2 कोरिन्थी 4:18

हम दिखान बारी बातके नाए, बल्कि नाए दिखान बारी बात देखत हएं, काहेकी दिखान बारी बात क्षणिक होत हएं, पर अदृश्य बात अनन्ततक रहात हएं।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

कलस्सी 2:22

जे सब नियम कोइ कामके नाए हएं, काहेकी जे आदमीनको आज्ञा और शिक्षा अनुसार हएं।

कलस्सी 3:2

पृथ्वीके नाए पर स्वर्गमे, परमेश्वर तुमर ताहीं जो धरी हए, बोके ताहीं इच्छा करओ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

हिब्रू 12:16

कोइ फिर व्यभिचारी या अब्राहामको नतिया एसाव कता अधर्मी नाए होबए, काहेकी बो बडो लौंणा रहए, और बोके खास हकदार होनको अधिकार रहए। पर बो जन्मसिध्द अधिकारको सम्मान नाए करी, तब्ही बो अपनो छोटो भइया, याकूबके एक पहार खानके ताहीं अपनो जन्मसिध्द अधिकार बेँचदइ।

हिब्रू 4:11

जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

याकूब 1:11

दिन निकरतए बहुत घामु लगत हए, और जंगलको फुलाके सुखाए देतहए, और बोको फुला झरजातहए। उइसीयए, एक धनी बिश्वासी अपनो काम करतए-करत मरजाबैगो।

1 पतरस 1:24

काहेकी पबित्र-शास्त्र अइसो कहात हए, “सबए आदमी जंगल कता हएं और बिनको सब गौरव जंगलको फुला जैसो हए। जंगल अइलियाए जातहए, और फुला भिमे झरजातहए,

2 पतरस 1:17

हम बाके सँग पबित्र पहाडमे रहएं, जब येशू ख्रीष्ट दौवा परमेश्वरसे आदर और महिमा प्राप्त करी। बो बेला प्रतापमय महिमा, परमेश्वरसे येशूके अइसो कहात अबाज आओ, “जा मिर अपनुवए प्यारो लौंणा हए, जासे मए बहुत खुसी हओं।” हम अपनए फिर स्वर्गसे आओ भओ जा अबाज सुने।