यूहन्ना 6:2 - राना थारु नयाँ नियम

² और एक बहुत बणी भिड येशूके पिच्छु लग्गइ, काहेकी येशू रोगीन उपर करोभओ शक्तिशाली चमत्कार बे देखी रहएं।

परमेस्वर को सच्चो वचन

² और एक बड़ी भीड़ बाके पच्छू हुई गई काहैकि बे बिमारन कै ठीक करन को बाके चिन्ह कै देखी रहैं।

यूहन्ना 6:2 Cross References

मत्ती 12:15

तओ येशू जा बात पता पाएके बा हुवाँसे गइ भओ, और बहुत जनै येशूके पिच्छु लागे, और बा उनके सबनके अच्छो करी।

मत्ती 13:2

और यित्तो भरी भिड बाके अग्गु इकट्ठा भओ, कि बा नैयाँमे बैठो, और सब आदमी ढाहो किनारे ठाणे रहएं।

मत्ती 14:14

जब येशू किनारे पुगो तओ बहुत बणी भिड देखके बो बिनके डहा करी, और बो बिमारीनके अच्छो करी।

मत्ती 8:1

येशू डँगासे उतरो तओ बणी भिड येशूके पिच्छु लागी।

मर्कूस 1:45

तओ पिच्छु बो कोढ लागो आदमी चलोगओ, और बो बहुत आदमीनके बताइ, कि येशू बोके अच्छो करीहए। तभीमारे, येशू सहरमे खुल्ला रुपमे आदमीनके बीचमे नाए जाएपाइ। नगरसे बाहिर, बा अइसो ठाउँमे रहए जहाँ एकौ मनै नाए रहएं। तहुँफिर बहुत ठाउँसे आदमी बाके ठिन आतए रहे।

मर्कूस 6:33

बहुत आदमी बाके जात देखीं और पता पाइगए, कि बे कहाँ जात रहएं। तभीमारे येशू और बाके चेला जान बारे ठिहामे, सब सहरसे आदमी पैदर दौडके गए, और बिनसे अग्लेछा अग्गु पुग्गए।

यूहन्ना 11:47

तओ मुखिया यहूदी पुजारी और फरिसीनको समुहके यहूदी सभाघरके सदस्यनके बुलाइ और उनसे कहीं, “अब हम का करएं? काहेकी जा आदमी बहुत शक्तिशाली चमत्कार कर रहोहए।

यूहन्ना 12:18

बहुतसे आदमी येशूके मिलनके ताहीं आए, काहेकी बे जा शक्तिशाली चमत्कारके बारेमे सुनी रहएं।

यूहन्ना 12:37

येशू आदमीनके अग्गु इतनो शक्तिशाली चमत्कार करके दिखाइ, तहुँफिर आदमी बाके उपर बिश्वास नाए करीं।

यूहन्ना 2:11

येशू गालील परदेशको काना गाउँमे, अपनो हियाँ पहिलो शक्तिशाली चमत्कार दिखाएके अपन महिमा प्रकट करी, तओ बाके चेला बाके उपर बिश्वास करीं, कि बा ख्रीष्ट हए।

यूहन्ना 2:23

जब येशू यरूशलेम सहरमे यहूदीनको निस्तार तेवहारको भोजको बेरा, तेवहारमे रहए, तओ येशू बहुतनके शक्तिशाली चमत्कार दिखाइ रहए, और देखके बहुत येशूके नाउँमे बिश्वास करीं।

यूहन्ना 20:30

येशू औ फिर बहुत शक्तिशाली चमत्कार चेलनके अग्गु करि रहए, जौन जा लिप्टो भओ खलरीको चिट्ठीमे नाए लिखेगए।

यूहन्ना 3:2

एकदिन निकोदेमस रातके येशूके ठिन आएके येशूसे कही, “हे महान गुरु, हम जानत हएं, परमेश्वर तुमए हमके सिखानके ताहीं पठाइ हए; काहेकी कोइ शक्तिशाली चमत्कार जो तुम दिखात हओ, अगर परमेश्वर बोकेसँग नाए हुइहए, तओ शक्तिशाली चमत्कार नाए दिखाए पएहए।”

यूहन्ना 6:14

बहेमारे येशूको करोभओ शक्तिशाली चमत्कार देखके बे आदमी कहान लागे, “संसारमे आन बारो अगमबक्ता नेहात्तओ जहेहए।”

यूहन्ना 6:22

समुन्दरके बोपार भए भिड दुस्रे दिन हुवाँ एकए इकल्लो नैयाँ देखीं। बे कहीं, कि येशू अपने चेलन सँग नैयाँमे चढो रहए। पर बाके चेला इकल्ले गए रहएं।

यूहन्ना 6:26

येशू बिनके जबाफ दइके कही, “नेहात्तओ मए तुमसे कहात हओं, तुम शक्तिशाली चमत्कार देखके नाए, पर तुम पेट भरके रोटी खानके पातहओ, तभीमारे तुम मोके ढुणत हओ।

यूहन्ना 6:30

जहेमारे बे येशूसे कहीं, “तुम अइसो कौनछो शक्तिशाली चमत्कारको काम दिखाएपाबैगे ताकी हम तुमके बिश्वास करएं? बो कौनछो काम हए?