यूहन्ना 20:31 - राना थारु नयाँ नियम

³¹ पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

परमेस्वर को सच्चो वचन

³¹ पर जे इसलै लिखे गै हैं, कि तुम बिस्वास करौ, कि ईसु ही परमेस्वर को लौड़ा मसीह है, और बिस्वास करकै बाके नाओं से जिंदगी पाबौ।

यूहन्ना 20:31 Cross References

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

मत्ती 27:54

जब कप्तान और जो बोके सँग चौकीदारी करत रहए, तओ भुकम्प और जो कुछ भओ रहए, बो देखके बहुत डराइगए, और कहीं, “नेहात्तओ जा परमेश्वरको लौंणा रहए।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

लूका 1:4

मए हियाँ जाकेमारे कहात हओं, ताकी तुमके हरेक बो बातकी पुरा सच्चाई पता चलए, जौन आदमीनसे तुमके बताओगओ हए।

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

यूहन्ना 1:49

नथानेल येशूसे कही, “गुरुजी, तुम परमेश्वरको लौंणा हओ; तुम इस्राएल देशके राजा हओ।”

यूहन्ना 10:10

“चोर त भेंणाके चुरान, मारन और नाश करनके ताहीं आत हए। पर मए त जाकेमारे आओ हओं, कि बे पुरा रुपसे जीबन पामएं।

यूहन्ना 19:35

जौन आदमी जा सब देखी, बो गवाही दइ हए, ताकी तुम फिर येशूमे बिश्वास कर पाबओ। और बोकी गवाही सच्चो हए। और बो जान्त हए, कि बो सच्चो बात मस्कत हए।

यूहन्ना 20:28

जा सुनके थोमा येशूके जबाफ दइके कही, “हे मिर प्रभु, हे मिर परमेश्वर!” और अइसे कहात येशूके पाउँमे पणो।

यूहन्ना 3:18

जौन परमेश्वरको लौंणाके उपर बिश्वास करैगो, बिनके उपर दण्डको आज्ञा नाए होत हए, पर जौन बाके उपर बिश्वास नाए करत हएं, बे अग्गुवएसे दोषी ठहिरे हएं; काहेकी बे परमेश्वरको एकलौटो लौंणाके नाउँमे बिश्वास नाए करी हएं।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

प्रेरित 10:43

सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”

प्रेरित 3:16

ख्रीष्ट येशूके नाउँमे बिश्वासके कारण जा आदमीके तुम जानत हओ, जोके तुम जा समय देख रहेहओ, जाके बल दओगओ हए। जा आदमी येशूके नाउँमे और ख्रीष्ट येशूमे बिश्वासके द्वारा बहुत अच्छो हुइगओ हए, जैसेकी तुम अपनए देखरहे हओ।”

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

प्रेरित 8:37

फिलिप बोसे कही, “अगर तए सारा मनसे बिश्वास करत हए कहेसे बप्तिस्मा लए सिकत हए।” बो जबाफ दइ, “येशू ख्रीष्ट परमेश्वरको लौंणा हए करके मए बिश्वास करत हओं।”

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

1 पतरस 1:9

काहेकी परमेश्वर तुमर आत्माके पुरा रुपमे पापको सजायसे बचाइ हए। जा येशू ख्रीष्टमे तुमर बिश्वासको इनाम हए।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

प्रकाश 2:18

येशू मोसे अइसेफिर कही: थिआटीरा सहरके मण्डलीके स्वर्गदूतके जा लिख: जा सन्देश परमेश्वरको लौंणासे हए। जौनको आँखी आगीको ज्वाला कता हए और जौनक पाउँ आगीको भट्टीमे निख्रो भओ फूलके बर्तन कता रहएं। जो मए तोसे कहात हओं बोके सुन: