यूहन्ना 18:28 - राना थारु नयाँ नियम

²⁸ और बे येशूके, कैयाफाके ठिनसे पिलातसको महलको आँगनमे लैगए जो रोमको बडो हाकिम रहए। और सुबेरेको समय रहए, यहूदी समुहके अगुवा महलमे नाए कुचे। काहेकी यहूदीनको निस्तार तेवहारको भोज खानके ताहीं बे अपनएके शुद्ध करनके चाँहत रहएं।

परमेस्वर को सच्चो वचन

²⁸ तौ बे फिर ईसु कै कैफा के झोने से रोमी हाकीम के महल मैं लैगै, और भुगभुको होन को समय रहै, लेकिन यहूदि नेता खुद महल के भीतर नाय गै कि कहूँ बे फसह खान से अग्गु अपवित्र नाय हुई जामैं, ताकी बे बाद मैं फसह खाए सकैं।

यूहन्ना 18:28 Cross References

मत्ती 27:27

तओ हाकिमके सिपाही येशूके महलमे लैगए, और जम्मए पल्टन बाके चारौ तरफ इकट्ठा हुइगए।

मर्कूस 15:16

तओ सिपाही येशूके रोमको बडो-हाकिम पिलातसको महलको आँगनमे लैगए, जौनके प्रेटोरियन कहोजात रहए। और जम्मा पल्टनके इकट्ठा करीं।

लूका 22:66

उजियारो होतएखिना, इकट्ठा भए जनताके यहूदी अगुवनको समुह, मुखिया यहूदी पुजारी और मोशाको नियम कानुन सिखान बारे येशूके अपन यहूदी सभाघरमे लैगए,

यूहन्ना 11:55

यहूदीनको निस्तार तेवहार ढिँगै रहए, और गाउँ-गाउँसे बहुत जनै अपनएके शुद्ध करनके ताहीं यहूदीनको निस्तार तेवहारको सुरु होनेसे अग्गु यरूशलेम सहरमे गए।

यूहन्ना 18:13

तओ पिच्छु बे येशूके पहिले हन्नासके ठिन लैगए। हन्नास बो सालको प्रधान यहूदी पुजारी कैयाफाको ससुरो रहए।

यूहन्ना 18:15

सिमोन पत्रुस और दुस्रो एक चेला येशूके पिच्छु-पिच्छु लागे। बो दुस्रो चेलाको, प्रधान यहूदी पुजारी सँग अच्छो चिनजान रहए। तभीमारे बो चेला येशूके सँग प्रधान यहूदी पुजारीके आँगनमे गओ।

यूहन्ना 18:33

तओ पिलातस फिरसे महाल भितर घुसो, और येशूके महल भितर बुलाएके बासे पुँछी, “का तुम यहूदीके राजा हओ?”

यूहन्ना 18:39

पर तुमरी जा चलन हए, कि यहूदीनको निस्तार तेवहारके उपलक्ष्यमे तुमर ताहीं एक आदमीके छोडदेओं। तओ तुम का चाँहत हओ? कि मए तुमर ताहीं यहूदीनको राजाके छोडदेओं?”

यूहन्ना 19:11

येशू जबाफ दइके कही, “अगर तुमके परमेश्वर अधिकार नाए दइ हुइतो, तओ तुमके फिर मिर उपर कोइ अधिकार नाए हुइतो। जहेमारे मोके तुमर हातमे पकणबान बारो औ जद्धा पापको दोषी हए।”

यूहन्ना 19:14

बो दिन तयारीको दिन रहए, जौन पबित्र दिनसे अग्गुको दिन रहात हए। और जा बहे समय रहए जौन हप्तामे यहूदीनको निस्तार तेवहार मानो जात रहए। लगभग दुपहारको समय रहए। तओ पिलातास यहूदीनसे कही, “देखओ, जहेहए तुमर राजा!”

यूहन्ना 19:9

और फिरसे पिलातस महाल भितर घुसो और येशूसे पुँछी, “तुम कहाँके हओ?” पर येशू बोके कुछु जबाफ नाए दइ।

प्रेरित 10:28

तओ पत्रुस बिनसे कही, “हम जाति-जातिके आदमीके आदमी सँग सँगत कर्नो, वा उनके भेँट करन एक यहूदी आदमीनके ताहीं हमर नियम कानुनके बिरुद्ध हए कहान बारी बात तुम सबके पतए हए। पर कोइ फिर आदमीके अशुद्ध नाए ठहिरान पणत हए कहिके अब परमेश्वर मोके दिखाइ हए।

प्रेरित 10:32

जहेमारे कोइके योप्पा गाउँमे पठाएके सिमोन कहान बारो पत्रुसके बुला। बो समुन्दरके किनारे खलरीको काम करन बारो सिमोनके घरमे बैठो हए। जब बो आबैगो, तओ बो तुमके परमेश्वरके तरफसे एक सन्देश बताबैगो।

प्रेरित 11:3

“तए अन्यजाति आदमीनके घरमे गओ और उनके सँग खानपिन करो।”

प्रेरित 3:13

अब्राहाम, इसहाक और याकूबको परमेश्वर, हमर पुर्खाको परमेश्वरए अपनो सेवक येशूके आदर करी, पर तुम बाके मारनके ताहीं यहूदी अगुवनको हातमे सौँपदए, और जब पिलातस बाके छोडनके बिचार करी, तओ तुम बोके अग्गु अस्वीकार करे।

प्रेरित 4:27

काहेकी नेहात्तओ तुमर द्वारा अभिषेक करोभओ पबित्र सेवक येशूके बिरुद्धमे राजा हेरोद और पन्तियस पिलातस फिर गैर-यहूदी और इस्राएल देशके आदमीनके सँग जा सहरमे इकट्ठा भए।