यूहन्ना 17:19 - राना थारु नयाँ नियम

¹⁹ उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

परमेस्वर को सच्चो वचन

¹⁹ और उनके ताहीं मैं अपने आपकै खुद समरपड़ करो हौं, ताकी बेऊँ सच्ची मैं तुमरे झोने समर्पित होमैं।

यूहन्ना 17:19 Cross References

यूहन्ना 15:13

एक आदमीके ताहीं अपन सँगीके जा दिखानके ताहीं, कि बो उनसे प्रेम करत हए, सबसे अच्छो तरिका जहेहए कि बो उनके ताहीं मर जाए।

यूहन्ना 15:3

रेखदेख करन बारो कमैया हँगाके छानके सफा करोकता, मए जो तुमके शिक्षा दओ हओं बो तुमके छानैगो।

यूहन्ना 17:17

तुमर बचन सत्य हए। जहेमारे उनके सत्यके द्वारा पबित्र बनाओ।

यूहन्ना 17:20

“मए जे चेलनके ताहीं इकल्लो परमेश्वरसे प्राथना नाए करत हओं, पर उनके ताहीं फिर करत हओं जो जिनके सन्देशके द्वारा मोएमे बिश्वास करंगे,

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

2 कोरिन्थी 4:15

काहेकी हम जो सहे हएं, जे सब दुख तुम्रिए ताहीं भए हएं। ताकी जैसे बहुतसे-बहुत आदमी पता पामएं, कि परमेश्वरको अनुग्रह कित्नो महान हए, उइसीयए परमेश्वरको महिमाके ताहीं बहुत आदमी बाके धन्यबाद दइ पामएं।

2 कोरिन्थी 7:14

मए तीतसके सँग तुमर बारेमे घमण्ड करो और तुम मोके निरास नाए बनाए। पर जैसे हम जब्हीफिर तुमसे सच्चो बात कहे हएं, उइसीयए करके हम तीतस सँग जो गर्व करे रहएं बो सत्य ठहिरिगओ हए।

2 कोरिन्थी 8:9

तुम हमर प्रभु येशू ख्रीष्टको अनुग्रह जानत हओ, कि बा धनी हुइके फिर तुमर ताहीं कंगाल बनिगओ ताकी बाके कंगाल हुइजानसे तुम धनी हुइजाबओ।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 10:29

अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

हिब्रू 9:13

मोशाको नियम कानुनको चलन अनुसार बक्रा और बर्धाको खुन और होमबलि चढाओ भओ बछराको भुवा रितीरिबाज अनुसार अशुद्ध आदमीके उपर छर्कत रहएं। अइसो करनसे बे बाहिरी रुपसे रितीरिबाज अनुसार शुद्ध होत रहएं।

हिब्रू 9:18

जहेमारे परमेश्वरको दओ भओ पुरानो करारके पक्का करनके ताहीं फिर खुनको बलि चढाइ रहएं।

1 यूहन्ना 3:18

हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।