यूहन्ना 14:27 - राना थारु नयाँ नियम

²⁷ “मए तुमके शान्ति देत हओं जौन शान्ति मोएमे हए। जा बो शान्ति नाए हए जो संसार देतहए, तुम दुखी मतहोबओ और मतडराओ।

परमेस्वर को सच्चो वचन

²⁷ “मैं तुमकै सांति दै जाएरौ हौं, अपनी सांति तुमकै देथौं; जैसे दुनिया देथै, मैं तुमकै नाय देथौं, तुमरो मन घबराबै नाय और ना डराबै।

यूहन्ना 14:27 Cross References

मत्ती 10:26

“जहेमारे बिनसे मत् डराओ। परमेश्वर सब लुको भओ चीजके परगट करैगो। और परमेश्वर लुके भए चीजके जानत हए।

लूका 1:79

और अन्धकारमे और मौतकी छाहीँमे बैठन बारेके प्रकाश देबैगो। जहे प्रकाश हमके जीबनमे मार्गदर्शन करैगो, जौन हमके परमेश्वरके सँग शान्ति देतहए।”

लूका 10:5

जौनके घरमे जएहओ, पहिले कहियओ, ‘जा घरमे शान्ति होबए!’

लूका 12:4

येशू फिर कही, “हे मेरे सँगी, मए तुमसे कहात हओं, आदमीसे मत् डराओ। बे खाली तुमर शरीरके मारत हएं, तुमर आत्माके बे कुछ नाए बिगाड पएहएं।

लूका 2:14

“स्वर्गमे परमेश्वरको महिमा, और पृथ्वीमे बे आदमीनसे जौनसे बा प्रसन्न हए, बिनके शान्ति!”

यूहन्ना 14:1

येशू चेलनसे कही, “तुम दुख मत् मानओ। तुम अपन भरोसा परमेश्वरमे करओ और मोएमे फिर करओ।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

यूहन्ना 20:19

बेहे दिन आइतबार संझाके जब सब चेला एकठिन इकट्ठा भए तओ बे फाटक बन्द करलैं काहेकी बे यहूदी समुहके अगुवासे डराने रहएं। तओ येशू आओ और बीचमे ठाणके उनसे कही, “तुमके शान्ति मिलए!”

यूहन्ना 20:21

येशू फिर बिनसे कही, “तुमके शान्ति मिलए! जैसी दौवा मोके संसारमे पठाइ हए, उइसीयए मए फिर तुमके पठाएरहो हओं।”

यूहन्ना 20:26

एक हप्ताके पिच्छु बाके चेला फिरसे घरके भितर रहएं, और जा चोटी थोमा फिर सँगमे रहए। और फाटक बन्द रहए, तओ येशू आएके बीचमे ठाणके कही, “तुमके शान्ति मिलए।”

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 18:9

एक रात प्रभु पावलके दर्शन दइके कही, “कोइसे मतडराबए, चुपलागके मत् बैठिए। अच्छो समाचार परचार करतए जा,

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

1 कोरिन्थी 1:3

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करैगो, और तुमके शान्ति प्रदान करैगो।

गलातियों 1:3

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

गलातियों 6:16

जो कोइ जा नियमके पालन करत हएं, परमेश्वर बे सब इस्राएल देशके आदमीनके उपर दया करए, और बे शान्तिसे रहाएं। बे परमेश्वरके द्वारा चुनेगए हएं।

फिलिप्पी 4:7

तओ परमेश्वरको शान्ति, जो आदमीको समझके बाहेर हए, जहे शान्ति तुमर हृदय और बिचारनके ख्रीष्ट येशूमे बचाएके धरैगो।

कलस्सी 1:2

ख्रीष्टमे, बे पबित्र और भरोसायोग्य बिश्वासी ददाभइयाके नाउँसे जो कलस्से सहरमे रहात हएं। मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

कलस्सी 1:20

और परमेश्वर अपनो लौंणाके पठानके फैसला करी, जौन अपनो खुन बहाएके क्रूसमे मरो। परमेश्वर अपनएमे और सब चीजके बीचमे मेलमिलाप करन अइसो करी। अइसियए, परमेश्वर अपने सँग और बादरमे भए, सब बात और पृथ्वीमे भए सबके बीच शान्ति बनाइ।

कलस्सी 3:15

और बो शान्ति जो ख्रीष्ट देतहए, बोके तुमर विचारमे नियन्त्रण करनके देओ, काहेकी तुम सब एकए शरीरके अंग हओ, और जहेमारे तुमके एकदुस्रेके सँग शान्तिसे रहानके ताहीं बुलाओ गओ हए।

2 थेसलोनिकी 1:2

मए प्राथना करत हओं, कि दौवा परमेश्वर और प्रभु येशू ख्रीष्ट तुमके अनुग्रह करए और शान्ति देबए।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

2 तिमोथी 1:7

काहेकी परमेश्वर डरपोक नाए बनाइ। बल्कि बाको आत्मा हमर दिलके मजबुत बनानको शक्ति देतहए, हमके दुस्रेनसे प्रेम करनमे मदत करत हए, और हमके आत्मा-अनुशासनको मन देतहए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 7:2

अब्राहाम राजासे जितके लाओभओ सब धनको दशांश मल्कीसेदेकके दइ। मल्‍कीसेदेक नाउँको अर्थ “धार्मिकताको राजा” हए, और बो शालेमको राजा होनके कारणसे बोको नाउँसे “शान्तिको राजा” फिर कहोजात हए।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”