यूहन्ना 1:17 - राना थारु नयाँ नियम

¹⁷ काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।

परमेस्वर को सच्चो वचन

¹⁷ जहे ताहीं की नियम तौ मूसा के जरिये दौ गौ है, लेकिन अनुग्रह और सच्चाई ईसु मसीह के जरिये हमरे झोने पुगी हैं।

यूहन्ना 1:17 Cross References

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

यूहन्ना 5:45

“जा मत् समझओ, कि मए दौवाके अग्गु तुमके दोष लगामंगो, पर जौन मोशाको नियम कानुन उपर तुम अपनो आसरा करेहओ, बहे मोशए तुमर उपर दोष लगाबैगो।

यूहन्ना 7:19

का मोशा तुमके नियम कानुन नाए दइ हए? तहुँफिर तुम कोइ फिर बोको नियम कानुनके पालन नाए करत हओ। तुम काहे मोके मारनके ढुणत हओ?”

यूहन्ना 8:32

तओ तुम सत्य का हए करके सो जानैगे, और सत्य तुमके छुटकारा देबैगो।”

यूहन्ना 9:29

हमके पता हए मोशासे परमेश्वर बोली रहए, पर हमके पता नाए हए, कि बा आदमी कहाँसे आओ हए।”

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

प्रेरित 7:38

जहे मोशा एक अगुवाके रुपमे हमर पुर्खनके सँग रहए जब बे मरुभूमिमे एकए सँग इकट्ठा रहएं, जौन जंगली इलाकामे मण्डलीके बीच बो स्वर्गदूतके सँग सीनै पहाडमे बोसे बात करी। और पहाडमे मोशाके जीबन दायक बचन मिलो और बो उनके हमतक पुगाइ।

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

2 कोरिन्थी 1:20

काहेकी परमेश्वरके सब प्रतिज्ञा ख्रीष्टमे पुरा होत हए। जहेमारे परमेश्वरके महिमाके ताहीं हम “आमेन” कहात हएं।

गलातियों 3:17

जौन बात मए तुमके कहान चाँहत हओं बो जा हए, कि परमेश्वर अब्राहामके सँग प्रतिज्ञा बाँधनके चार सओ तीस साल पिच्छु मोशाको नियम कानुन दइ, बो प्रतिज्ञाके प्रमाणित करनके ताहीं जो परमेश्वर करी रहए। पर हम जा नाए कहे सकत हएं, काहेकी अब मोशाको नियम कानुन हए। जहेमारे परमेश्वरको प्रतिज्ञाको कोइ मोल नाए हए। परमेश्वरको बो प्रतिज्ञा अभौफिर बलियो हए, और परमेश्वरके जाके पुरा करनके हए।

हिब्रू 9:22

मोशाको नियम कानुन कहात हए कि लगभग सब चीजके खुन छिँटके शुद्ध बनान पणत हए, और खुन नाए चढाएके पाप क्षमा नाए होत हए, जो मृत्यु दिखात हए।