हिब्रू 9:15 - राना थारु नयाँ नियम

¹⁵ जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

परमेस्वर को सच्चो वचन

¹⁵ और जहे बजह से बौ नई वाचा को बिचवई है, ताकी बौ मौत के जरिया जो पहली वाचा के समय की गलतियन से छुटकारा पान ताहीं भइ है, बुलाए भै लोग वादा के जरिया अनंत बिरासत कै पामैं।

हिब्रू 9:15 Cross References

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

मत्ती 22:3

और निउतोमे आदमीके बुलान अपन नोकरके पठाइ, पर बे आन मन नाए करीं।

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।

मत्ती 25:36

जब मए नंग्बा रहओं, तओ तुम मोके पैँधनके ताहीं कपडा दए; जब मए बिमार रहओं, तओ तुम मोके वास्ता करे; जब मए जेलमे रहओं, तओ तुम मेरे ठिन आए और मोसे मिले।’

मर्कूस 10:17

और जैसियए येशू अपन चेलनके सँग फिरके यात्रा करन सुरु करी, एक आदमी येशू ठिन दौरत आओ और आदर देनके ताहीं घुपटा पणो और बासे पुछी, “हे महान गुरु, मए का काम करओं, कि परमेश्वर मोके कभी फिर नाश नाए होन बारो जीबन देए?”

लूका 18:18

कोइ एक जनै सासक येशूसे अइसो कहिके पुछीं, “हे महान गुरु, कभी फिर नाश नाए होन बारो जीबन पान ताहीं मए का करओं?”

लूका 22:20

अइसियए खाएके येशू कटोरा लइ और कही, “जा कटोरा तुमर ताहीं बहाओ गओ मिर बलिदानको खुनमे स्थापित करोभओ नयाँ करार हए।

यूहन्ना 10:28

और मए बिनके कभी फिर नाश नाए होन बारो जीबन देहओं, और बे कभु नष्ट नाए हुइहएं, और कोइ बिनके मोसे नाए छिन पएहए।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

रोमियों 5:6

काहेकी जब हम निर्बल रहएं, तओ ख्रीष्ट ठिक समयमे दुष्ट आदमीनके ताहीं मरो।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

रोमियों 8:28

और हम जानत हएं, कि जो आदमी परमेश्वरसे प्रेम करत हए, परमेश्वर उनके ताहीं सब चिजनके एक अच्छी अन्तमे लात हए; अर्थात् बिनके ताहीं जौनन्के बो चुनी हए।

रोमियों 8:30

फिर जौनन्के बा पहिलीएसे छानी, उनके बुलाइ फिर हए, और जौनन्के बुलाइ, उनके धर्मी घोषित फिर करी और जौन धर्मी घोषित करेगए, उनके अपनो महिमामे सहभागी फिर करबाइ।

रोमियों 9:24

हम, जौनके यहूदीनसे इकल्लो नाए, पर गैर-यहूदीनसे फिर मोके छानी हए कहेसे, का भओ तओ?

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

गलातियों 3:20

परमेश्वर अपनए अब्राहामके सँग एक बाचा करी रहए। जहेमारे, कोइ मध्यस्थको जरुरी नाए हए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

2 थेसलोनिकी 2:14

परमेश्वर बहे अच्छो समाचारके प्रयोग करी, जौनको हम तुमके बचानके बुलाओट देनके ताहीं तुमर बीचमे परचार करे, ताकी तुम हमरे प्रभु येशू ख्रीष्टको महिमामे सहभागी हुइ पाबओ।

1 तिमोथी 2:5

काहेकी सिरफ एकए परमेश्वर हए, जो परमेश्वर और आदमीनके बीचमे मेलमिलाप करबाए सकत हए। बा येशू ख्रीष्ट हए, जो एक आदमीके रुपमे जनम लइ।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

हिब्रू 11:13

जे सबए आदमी जो परमेश्वरमे भरोसा करीं, बे चिजनके प्राप्त करे बिना मरिगए जोको वादा परमेश्वर करी रहए। पर बे परमेश्वरको भबिष्यमे करन बारो काम बुझके खुसी भए। और बे जा फिर बुझलैं, कि हम जा धर्तीमे परदेशी और अन्जान हएं।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 2:14

काहेकी परमेश्वर जौननसे लौंणालौंणीया कही, बे आदमी हएं। येशू हर किसिमसे हमरी हानी भओ और आदमी हुइके आओ, ताकी बाको मृत्युके माध्यमसे, मृत्युके उपर अधिकार भओ शैतानके नष्ट कर पाबए।

हिब्रू 3:1

जहेमारे परमेश्वर स्वर्गमे बाके सँग सहभागी होनके बुलाएभए बिश्वासी ददाभइयओ, येशूमे मन लगाओ, जो हमरे ताहीं परमेश्वरको चुनो भओ चेला और प्रधान यहूदी पुजारी हए।

हिब्रू 6:13

परमेश्वर अब्राहामसे प्रतिज्ञा करत पेती बा अपन नाउँमे कसम खाइ, काहेकी बासे बडो और कोइ नैयाँ, जौनको नाउँ लैके बा कसम खाए पाबए।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

हिब्रू 7:22

जहेमारे येशू हमके उत्तम करारके पुरा करनके भरोसा दइ हए।

हिब्रू 8:13

परमेश्वर जाके नयाँ करार कही हए, तब्ही बा सुरुको करारके पुरानो बनाइ हए। और जौन करार पुरानो हुइके काम नाए लागन बारो होत जातहए, बो हल्दी नाश हुइके जएहए।

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

हिब्रू 9:16

उदाहरणके ताहीं, अगर एक आदमी कोइके इच्‍छापत्र लिखनके बिन्ती करैगो, और बो अपनो सम्पतिको हक कोइ एक आदमीके देहए तओ, इच्‍छापत्र लिखन बारो आदमी मरके पिच्छु इकल्लो बो आदमीको सम्पतिको हक पान सिकैगो।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 यूहन्ना 2:25

और परमेश्वर हमके प्रतिज्ञा करीहए, कि बा हमएं कभी फिर नाश नाए होन बारो जीबन देबैगो।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।