हिब्रू 5:2 - राना थारु नयाँ नियम

² काहेकी प्रधान यहूदी पुजारी अपनए फिर कमजोर आदमी हएं। जहेमारे बे अन्‍जान और डगर बिरान बारेनके नम्र हुइके सम्‍झाए सकत हएं।

परमेस्वर को सच्चो वचन

² बौ अग्यानी और भूले भटकन के संग नर्मी से पेस आन मैं सक्छम है, काहैकि बौ खुदै कई मायनेन मैं कमजोर है।

हिब्रू 5:2 Cross References

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

2 कोरिन्थी 11:30

मोके गर्ब करनए पणहए कहेसे, मए अपनो कमजोरी दिखान बारो बातमे गर्ब करंगो।

2 कोरिन्थी 12:5

जा आदमीको पक्षमे मए गर्ब करंगो, पर मिर अपनुवए बारेमे अपनो कमजोरी बाहेक और बातमे घमण्ड नाए करंगो।

गलातियों 4:13

तुमके पता होबैगो, कि जब मए पहिलो चोटी तुमर ठिन अच्छो समाचारको परचार करनके आओ तओ मए बिमार रहओं।

इफिसियों 4:18

बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

हिब्रू 12:13

और इतएउतए देखनसे अच्छो, बरु तुम बो सुधो डगरमे जाओ जो येशूके ठिन पुगात हए, ताकी हमर बीचमे जो आदमी आत्मिक रितिसे कमजोर हएं, बे आदमी डगर नाए भुलएं। पर उनको बिश्वास मजबुत हुइजाबए।

हिब्रू 2:17

जहेमारे हर बातमे येशूके दुस्रो आदमी कता बनन पणो। उइसीयए बा परमेश्वरको दयालु और बिश्वासयोग्य प्रधान यहूदी पुजारी बनो। ताकी बाको बलिदानसे आदमी अपनो पापसे क्षमा पाए जामएं।

हिब्रू 2:18

काहेकी ख्रीष्ट कष्ट और परीक्षा भोगी, और बा परीक्षामे पणेभए सब आदमीनके मदत करन जानत हए।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।

हिब्रू 7:28

काहेकी मोशाको नियम कानुन कमजोर आदमीनके, प्रधान यहूदी पुजारी नियुक्त करत हए, पर मोशाको नियम कानुनसे पिच्छु आन बारो कसम, परमेश्वरको लौंणाके, प्रधान पुजारी नियुक्त करी रहए। और बा सदिमानके ताहीं सिद्ध प्रधान पुजारी भओ हए।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

याकूब 5:19

हे मेरे बिश्वासी ददाभइयओ, अगर तुम मैसे कोइ परमेश्वरको सच्चाईको शिक्षा पालन नाएकरैगो, और कोइ बोके पाप छोडके परमेश्वर घेन घुमनके सहेयोग करैगो,

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।