हिब्रू 5:13 - राना थारु नयाँ नियम

¹³ दुध इकल्लो खाएके जीइन बारो आदमी धार्मिक जीबन बितान बारो शिक्षामे पुरो नाए भओहोत हए, काहेकी बो बालकए हए।

परमेस्वर को सच्चो वचन

¹³ जो कोई भी दूद पीथै, बौ हबै भी बालक है बाकै न्याय के मामले की कोई पहचान ना है।

हिब्रू 5:13 Cross References

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मर्कूस 10:15

नेहात्तओ, मए तुमसे कहात हओं, जौन आदमी बालकनके कता अपनएके परमेश्वरको राज्यमे नाए सौँपत हए, कहेसे बे बाको राज्यमे बक आदमी नाए बनपामंगे।”

रोमियों 2:20

और मुरख आदमीनके ठिक बात सिखान बारे, और बालकनके शिक्षा देत हओ। और तुमके जा बातमे भरोसा हए। काहेकी तुमर ठिन परमेश्वरको नियम कानुन हए। तुम सब चीज पुरा रुपमे जानत हओ। और तुम जो कहात हओ, बो बात बिरकुल सच्चो हए।

1 कोरिन्थी 13:11

जा आदमीको बिकास कता हए। जब मए एक बच्चा रहओं, मए एक बच्चाके रुपमे बात करत रहओं, सोँचत रहओं और तर्क करे करत रहओं। लेकिन जब हम बुढे भए तओ हम अपने बच्चाके तरिका बन्द करदए।

1 कोरिन्थी 14:20

हे मेरे बिश्वासी ददाभइयओ, एक बच्चा कता मत् सोँचओ, जब जा बुराइको बात आत हए तओ बच्चाके रुपमे निर्दोष होबओ। पर जे मेलके बातनके सम्झनमे परिपक्व होओ।

1 कोरिन्थी 3:1

हे मेरे बिश्वासी ददाभइया, जब मए तुमर सँग रहओं तओ मए तुमके गहिरी शिक्षा नाए बताए पाओ जैसे मोके आत्मिक आदमीनके सँग करन रहए। मोके अइसे बात करन पणो, जैसेकी तुम ख्रीष्टियन जीबनमे बच्चा रहओ।

2 कोरिन्थी 3:9

काहेकी दोषी ठहिरान बारो नियम कानुन महिमामय रहए कहेसे, आदमीनके परमेश्वरके अग्गु धर्मी ठहिरान बारो नयाँ करार औ जद्धा महिमामय होबैगो।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

2 तिमोथी 3:16

सब पबित्र-शास्त्र परमेश्वरके घेनसे हए, हमके जे सब बातको इस्तमाल, आदमीनके सच्चो शिक्षा सिखानके, गल्ती करन बारे आदमीनके डाँटनके, आदमीनके उनको गलत बानी सुधारनके और आदमीनके कैसे अच्छो जीबन बितानके हए कहिके कर सकत हएं।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 यूहन्ना 1:11

काहेकी जो कोइ अइसो आदमीके नमस्कार करके उत्सहा देतहए, बो आदमी फिर बोकेसँग करन बारो बुराइको जिम्मेदार होत हए।