हिब्रू 10:29 - राना थारु नयाँ नियम

²⁹ अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

परमेस्वर को सच्चो वचन

²⁹ तौ सोच लियौ कि बौ कितने औरौ कितने बड़े दन्ड के लायक ठहरैगो, जो परमेस्वर के लौड़ा कै पाँव से रौंदो, और वाचा के खून कै जोके जरिया बौ पवित्र ठहराओ गौ रहे, अपवित्र जानी है, और अनुग्रह की आत्मा की बेजती करी।

हिब्रू 10:29 Cross References

मत्ती 26:28

काहेकी जा नयाँ करारको बलिदानको खुन हए, जा बहुतके ताहीं पापनको क्षमाके ताहीं बहोहए।

मत्ती 7:6

बे आदमीनके परमेश्वरको बचन मत् सुनाओ, जौन जा सुननके नाए चाँहत हएं। अगर तुम सुनाबैगे, तओ बो अइसो होबैगो, जैसे कि पबित्र चीजके कुत्ताके अग्गु फेक्देनो, और जैसी सोराके अग्गु मोती फेकदेनो हानी हए, जौन केबल बिनके कुचल देहए और फिर तुमके आफत करैगो।”

मर्कूस 7:2

बे देखीं, कि येशूके कुछ चेला अइसो हातसे खानु खात रहएं जो अशुद्ध रहए, जौनको अर्थ जा हए, कि रितीरिबाजके अनुसार बे अपने हात नाए धोइ रहएं।

लूका 12:10

हरेक जौन मए, आदमीको लौंणाके बिरुद्धमे बोलैगो कहेसे बोके क्षमा हुइसकत हए, पर जौन पबित्र आत्माकी बिरुद्धमे परमेश्वरको बदनाम करैगो कहेसे बोके क्षमा नाए हुइहए।

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

प्रेरित 7:51

ए हठी आदमी तुम, बाको बात माननके और सुनन्से इन्कार करत हओ, तुम रोजए पबित्र आत्माके बिरोध करत हओ। जैसे तुमर पुर्खा करत रहएं।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

1 कोरिन्थी 11:27

जहेमारे जो कोइ जा तरिकासे, जो ख्रीष्टके निरादर करके रोटी खाबए, या बाके कटोरासे अंगुरको रसा पिबए, बो प्रभुको शरीर और खुनको बिरोधमे पाप करत हए।

1 कोरिन्थी 11:29

काहेकी कोइ प्रभुके शरीरके सँग अपने नातोके पहिचाने बिना कटोरा मैसे पियए और रोटीके खाए। और बो जा खान और पिनेसे अपने उपर दण्ड लात हए।

1 कोरिन्थी 15:25

काहेकी ख्रीष्टके राजाके रुपमे शासन करन चाहो। जबतककी परमेश्वर बाके सब शत्रुन्के बाके अधिनमे नाए करदेए।

1 कोरिन्थी 15:27

काहेकी पबित्र-शास्त्र कहात हए, “परमेश्वर सब कुछ ख्रीष्टको अधिकारके अधिनमे करदेबैगो।” तओ, जा स्पष्ट हए, कि जामे परमेश्वर सामिल नाए हए काहेकी बहे हए जौन ख्रीष्टके अधिकार दइ रहए।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 2:11

काहेकी पापसे शुद्ध बनान बारो और पापसे शुद्ध भए सबएनको दौवा अर्थात्, परमेश्वर एकए हए। जहेमारे येशू बिनसे, बिश्वासी भइया-बहिनीया कहानमे शर्मात नाए हए।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

हिब्रू 4:14

स्वर्गमे जान बारो परमेश्वरको लौंणा येशू हए। बा हमर सबको सबसे भारी प्रधान यहूदी पुजारी हए। तभीमारे सब आदमीनके अग्गु ग्रहण करोभओ बिश्वासके थामके मजबुत होबओ।

हिब्रू 6:4

जौन अपनो बिश्वास छोडत हए, बिनके फिरसे पश्‍चताप करनको अवस्थामे नाए लाओजाए सकत हए। बे एकचोटी परमेश्वरको सच्चाईके चिनहीं, और स्वर्ग मैसे बरदान पाइं। और बे दुस्रे जनैनके सँग पबित्र आत्मा पाइगए हएं।

हिब्रू 6:6

बिनके फिरसे फिर्ता लानके कोइ तरिका नाए हए। काहेकी बे अपनए परमेश्वरको लौंणाके फिरसे क्रूसमे टाँगत हएं और बाको लाज करत हएं। औरे दुस्रे आदमी ख्रीष्टके बेकार हएं कहिके सोँचत हएं।

हिब्रू 9:13

मोशाको नियम कानुनको चलन अनुसार बक्रा और बर्धाको खुन और होमबलि चढाओ भओ बछराको भुवा रितीरिबाज अनुसार अशुद्ध आदमीके उपर छर्कत रहएं। अइसो करनसे बे बाहिरी रुपसे रितीरिबाज अनुसार शुद्ध होत रहएं।

हिब्रू 9:20

मोशा जा करतए-करत आदमीनसे कही, “तुमरो पालन करन बारो आज्ञाके बारेमे परमेश्वर तुमर सँग करार बाँधी हए। जा खुन बो करारके पक्का करत हए।”

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।