गलातियों 6:1 - राना थारु नयाँ नियम

¹ हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

परमेस्वर को सच्चो वचन

¹ मेरे भईय्यौ और बहेनियौ अगर कोई इंसान कोई गलत काम मैं पकड़ो जाबै तौ तुम जो आत्मिक हौ, नमरता के संग ऐसेन कै साधौ, और अपनियौ चौकसी करौ कि तुम्हऊँ परिक्छा मैं नाय पड़ौ।

गलातियों 6:1 Cross References

मत्ती 11:29

मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे।

मत्ती 26:69

पत्रुस बाहिर आँगनमे बैठो रहए। एक नोकरनी बोके ठिन आएके कही, “तए फिर गालील परदेशके निबासी येशू सँग रहए।”

मत्ती 26:75

तओ पत्रुसके येशूकी कहीभइ बात याद आइगइ, “मुर्गा बासनेसे अग्गु तए मोके तीन चोटी इन्कार करैगो।” तओ बो बाहिर जाएके धरधरहुँस रोइ।

मत्ती 9:13

जाको अर्थ का हए, तुम सिखओ: ‘मए जानबरको बलिदान नाए, पर दया चाँहत हओं,’ काहेकी मए धर्मीनके नाए, पर पापीनके बचानके आओ हओं।”

रोमियों 14:1

बिश्वासमे कमजोर भओ आदमीके बोको मान्यतनके बारेमे कुछु फिर शंखा बिना बोके ग्रहण करओ, पर बिनको बिश्वास तुमर बिश्वाससे फरक हए कहेसे बिनको अलोचना मत् करओ।

रोमियों 15:1

सयद हम जा जानत हएं, कि जे बातनसे कोइ फरक नाए पणत हए, पर हम केवल अपनएके खुस करनके ताहीं अइसो नाए कर सकत हएं। हमएं बेहीं आदमीनको शंखा और डरमे बिचार करन चाहो जौन जे बातनके गलत मानत हएं।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

1 कोरिन्थी 10:12

जहेमारे अगर हुवाँ कोइ अइसो आदमी हए, जो कहात हए कि परमेश्वरमे बोको भरोसा मजबुत हए, तओ बोके साबधान रहान चाहो। कहुँ अइसो नाए होए, कि बो अचानक परीक्षामे पड्के पाप करए।

1 कोरिन्थी 14:37

अगर कोइ आदमी अपनएके अगमबक्ता या पबित्र आत्मकी योग्यता दओगओ आदमी सम्झत हए कहेसे बो जानलेबए, कि जो बात मए तुमके लिखत हओं, बे परमेश्वरको आज्ञा हए।

1 कोरिन्थी 2:15

बे आदमी जौन पबित्र आत्मा पाइ हएं बे उइसो सब चिजनके समझ सकत हएं जो पबित्र आत्मा सिखात हए। पर जौन आदमीनके ठिन आत्मा नाए हए, बे आत्मा भए बारेनको बिचारनके नाए समझ सकत हएं।

1 कोरिन्थी 3:1

हे मेरे बिश्वासी ददाभइया, जब मए तुमर सँग रहओं तओ मए तुमके गहिरी शिक्षा नाए बताए पाओ जैसे मोके आत्मिक आदमीनके सँग करन रहए। मोके अइसे बात करन पणो, जैसेकी तुम ख्रीष्टियन जीबनमे बच्चा रहओ।

1 कोरिन्थी 4:21

तुम का चाँहत हओ, कि जब मए आओ तओ का करंगो? अगर तुम अभौफिर अपने खराब तरीकनके नाए रोकैगे तओ मए कडा रुपसे तुमके डाँटंगो। पर अगर तुम अपने खराब तरीकनके पालन करन बन्द करदेबैगे, तओ मए तुमसे नम्रता और प्रेमसे ब्यबहार करंगो।

1 कोरिन्थी 7:5

तुम एकदुस्रेसे अलग मत् रहाओ, पर कुछ समय तक सल्लाहा करके प्राथना करन अलग बैठेसे फिर लोगा और बैयर कता तुम दुबारा एक साथ रहाओ; ताकी शैतान अनैतिक जीबन जीइनके ताहीं तुमरी परीक्षा नाए करए। काहेकी नत तुम अपनी इच्छन्के अधिनमे नाए करपाबैगे।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

2 कोरिन्थी 2:7

बरु तुम बोके क्षमा करीयओ और सान्त्वना दियओ, नत्की बो बहुतए दुखी होबैगो और पानीमे डुबन डटो आदमी कता हुइ जाबैगो।

2 कोरिन्थी 2:8

जहेमारे मए तुमसे बिन्ती करत हओं, कि तुम बोके अभौफिर प्रेम करत हओ कहिके पक्का करओ।

गलातियों 5:23

नम्रतामे रहानके और अपनएके अधिनमे करनके लायक बनात हए; अइसो कोइ नियम कानुन नाए हए, जो अइसियए चरित्रके बिरोध करत होए।

गलातियों 6:18

हे मेरे बिश्वासी ददाभइयओ, मए प्राथना करत हओं, कि हमर प्रभु येशू ख्रीष्टको अनुग्रह तुम सबके सँग रहाबए। आमेन।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

2 थेसलोनिकी 3:15

तहुँफिर बोके उपर अइसो काम मत् करओ जैसे तुम एक दुस्मनके उपर करत हओ। पर एक सँगी बिश्वासीके बराबर बोके चेतावनी देओ, कि जो बो करीहए अबसे उइसो नाए करए।

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

हिब्रू 12:13

और इतएउतए देखनसे अच्छो, बरु तुम बो सुधो डगरमे जाओ जो येशूके ठिन पुगात हए, ताकी हमर बीचमे जो आदमी आत्मिक रितिसे कमजोर हएं, बे आदमी डगर नाए भुलएं। पर उनको बिश्वास मजबुत हुइजाबए।

हिब्रू 13:3

अपना फिर बिनके सँग जेलमे पणो समझके जेलमे होन बारेनको ख्याल करओ और अपना दुखमे पणोकता अत्याचारमे पणे आदमीनके सम्झओ। जैसेकी तुम उनके सँग दुखमे हओ।

याकूब 3:13

तुम मैसे बुद्धिमान और समझदार कौन हए? अगर तुम हओ कहेसे, तुम अपनो असल चालचलनसे और बुद्धिसे आन बारो नम्रताको काम करके दिखान पणो।

याकूब 3:2

हम सब बहुत भुल करत हएं। पर अपनो कहो भओ बातमे गल्ती नाए करन बारे आदमी नेहात्तओ सिद्ध आदमी हएं। और बो अपनो सारे कामके अधिनमे करनमे सक्षम होतहए।

1 पतरस 3:15

बरु तुम ख्रीष्टके अपनो जीबनको प्रभुके रुपमे आराधना करओ। और हम सबए बिश्वासी साझेदार होन आसराके बारेमे कोइ पुछीं कहेसे, बोके व्याख्या करनके रोजए तयार रहाओ।

1 यूहन्ना 5:16

अगर कोइ अपन बिश्वासी भइयाके पाप करत देखत हए, और बो पाप मृत्यु घेन नाए लैजतहए कहेसे, बो अपन भइयाके ताहीं परमेश्वरसे प्राथना करदेबए। और परमेश्वर बोके माफ करैगो, और बोके बा जीबन देहए। मए उनके बारेमे बोलरहो हओं, जोको पाप मृत्यु घेन नाए लैजात हए। अइसे पाप फिर हएं जो मृत्यु घेन लैजात हएं, मए बोके जा पापके बारेमे प्राथना करन नाए कहात हओं।