गलातियों 5:19 - राना थारु नयाँ नियम

¹⁹ तुम सब जानत हओ, कि जो आदमी अपनी इच्छनके पिच्छु चलत हएं, बे जेहिं काम करत हएं, बे व्यभिचार करत हएं, अशुद्ध सोच-बिचार करत हएं, छाडा होत हएं।

परमेस्वर को सच्चो वचन

¹⁹ सरीर के काम तौ स्पस्ट है, यानी, व्यभिचार, लुचपन, असुद्ध काम; मानव स्वभाव जो करथै बौ बिल्कुल साफ है। जौ खुदकै अनैतिक, गंदी और असोभनीय हरकतन मैं दिखाथै;

गलातियों 5:19 Cross References

यूहन्ना 3:6

आदमी अपन बच्चाके जनम देत हएं, पर आदमीनके नयाँ जीबन पबित्र आत्मासे इकल्लो मिलत हए।

रोमियों 7:18

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।

रोमियों 7:25

मए परमेश्वरके धन्यबाद देत हओं, काहेकी बा एक हए जौन मोके येशू ख्रीष्ट, हमर प्रभुके कारणसे बचात हए। मिर हृदयमे मए परमेश्वरको नियम कानुन पालन करन चाँहत हओं, पर मिर पापी स्वभाबके कारण मए लगातर पाप करबैठत हओं।

रोमियों 7:5

काहेकी जब हम हमर पापी स्वभाबके अधिनमे रहएं तओ पापमय इच्छा हमर भितर काम करत रहए। और नियम कानुन, जे बुरे इच्छन्के जगाएदइ, मौतको फल उत्पन्न करनके ताहीं हमर शरीरमे काम करत रहएं।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

रोमियों 8:5

जो आदमी अपने पापमय इच्छनके अपनएके काबु करन देतहए, बे बेहीं चीजके बारे सोँच सकत हएं, जो उनको शरीर चाँहत हए, पर जो पबित्र आत्माके अनुसार चल्त हएं बे आत्माके खुसी बनान बारो बात सोँचत हएं।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

1 कोरिन्थी 3:3

काहेकी तुम जा संसारके आदमीन कता रहात हओ। जहेमारे, कि जब तुम सबसे जरत हओ और लडाइ करत हओ, तओ का जा जहे बातके साबित नाए करत हए, कि तुम जा संसारसे सम्बन्धित हओ? और का तुम जा संसारके आदमीन कता नाए जीइ रहेहओ?

1 कोरिन्थी 6:18

व्यभिचारसे पुरा रितिसे दुर रहाओ। कोइ अन्य पाप स्पष्ट रुपसे शरीरके प्रभावित नाए करत हए जैसे जा पाप करत हए। पर व्यभिचार करन बारो आदमी अपनुवए शरीरके बिरुद्ध पाप करत हए।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

गलातियों 5:17

काहेकी बे चीज जो हमर शारीरिक इच्छा करन चाँहत हए, बे बेहीं चीज हएं, जो पबित्र आत्मा नाए चाँहत हएं, कि हम करएं। और अइसियए, पबित्र आत्मा हमसे बहे काम करबान चाँहत हए, जो हमर शारीरिक इच्छा नाए चाँहत हए, कि हम करएं, और जे दुनौ शक्ति लगातार एक-दुस्रेसे लणत रहात हएं; जहेमारे बे हरदम बो अच्छो काम नाए करपात हएं, जो तुम करन चाँहत हओ।

गलातियों 6:8

अगर कोइ आदमी अपनो शारिरीक इच्छाके पुरा करत हए, तओ बो मृत्यु पाबैगो। तओ जौन बो इच्छाके पुरा करत हए, जो पबित्र आत्मा चाँहत हए, बोके कभी फिर नाश नाए होन बारो जीबन मिलैगो।

तीतुस 3:3

काहेकी हम फिर पहिले समयमे मुरख, परमेश्वरको आज्ञापालन नाए करन बारे, और आदमीनसे धोखा खाएभए हएं, और हम हर मेलके खराब काम करनके नाए छोडपात रहएं, जौनके हम करन चाँहत रहएं। अइसे करके हमके आनन्द मिलत रहए। और हम अपने समय खराब तरिकासे ब्यबहार करनमे और दुस्रे आदमीनसे डहा करनमे बितात रहएं। और हम घृणित आदमी रहएं; हर कोइ आदमी हमसे घृणा करत रहए, और हम बोसे घृणा करत रहएं।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।