गलातियों 4:24 - राना थारु नयाँ नियम

²⁴ जे दुनौ बैयर परमेश्वरके दुई बच्चनके ताहीं एक कहानीके रुपमे काम करत हएं। जे बैयरसे दुई मेलके करार हएं, एक बैयर सीनै पहाडसे बच्चनके जनम देतहए, जो टहालुवा बनतहएं; और बो हागारसे हए।

परमेस्वर को सच्चो वचन

²⁴ जे बातन मैं कहानिया हैं, जे बईय्यर मानौ दुई वाचा हैं, एक तौ सीनै पहाड़ की जोसे दास पैदा होथैं; और बौ हाजिरा है।

गलातियों 4:24 Cross References

मत्ती 13:35

कि जौन अगमबक्तासे अइसे कहो बचन पुरा भओ: “मए अपनो मुँहुँ कहानीमे खोलंगो, मए बे बातके जाहेर करंगो जौन दुनियाको उत्पत्तिसे छिपी हए।”

रोमियों 8:15

काहेकी तुमके कमैयाको आत्मा नाए मिलो हए जो फिरसे परमेश्वरसे डराएजाए, पर जब परमेश्वर तुमके अपने सन्तानके रुपमे स्वीकार करलै तओ तुमएं परमेश्वरको आत्मा मिलो गओ। जोसे हम, “हे दौवा” कहिके बुलात हएं।

1 कोरिन्थी 10:11

पर जे सब बात, जो उनके उपर पणीं, बे चेतावनीके रुपमे रहएं। और बे बात, हमके चेतावनी देनके ताहीं लिखेगए हएं। हम अब संसारको अन्त होन समय घेन आइगए हएं।

1 कोरिन्थी 10:4

बे सब बो पानीके पिइं जो परमेश्वर उनके दइ रहए। काहेकी बे एक चट्टानसे निक्रन बारो पानीके पिइं, और बो चट्टानको तुलना ख्रीष्टसे करोजाए सकत हए जौन उनके सँग जाएके उनके जीबन दइ।

गलातियों 4:25

हागार सीनै पहाडके दर्शात हए, जो अरब देशमे हए। बो आजको यरूशलेम सहर कता हए, जौनके आदमी मोशाको नियम कानुनके गुलाम हएं।

गलातियों 4:3

उइसीयए हम फिर बहे लौंणा हानी रहएं। हम बेहीं रिति-रिबाज और नियमके अधीनमे रहएं, जो जा संसारमे हएं।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

हिब्रू 11:19

परमेश्वर आदमीनके मरे भए मैसे फिरसे जिन्दा करन सकत हए कहान बारी बात अब्राहाम सोँची। और एक तरिकासे, इसहाकके मृत्युसे जिन्दा भओ कता फिरसे पाइ।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

हिब्रू 7:22

जहेमारे येशू हमके उत्तम करारके पुरा करनके भरोसा दइ हए।