गलातियों 4:19 - राना थारु नयाँ नियम

¹⁹ मेरे छोटे बालका, जौनके मए प्रेम करत हओं, मए तुमर मारे कठिनाइसे गुजर रहो हओं, जैसे कि मए फिरसे तुमके जनम दइ रहो हओं, और मए तबतक जा कठिनाइसे गुजरतए रहामंगो, जबतककी तुम ख्रीष्टके बरोबर नाए बन्जाओ।

परमेस्वर को सच्चो वचन

¹⁹ मेरे प्रिय बालकौ! जब तक तुम मैं मसीह को रूप ना बन जाबै, तौले मैं तुमरे ताहीं एक बच्चा के जनम देत भइ अईय्या के हानी दुख सहथौं।

गलातियों 4:19 Cross References

लूका 22:44

और एकदमए संकटके समयमे बा औ जद्धा प्राथना करन लागो, और बाको पसिना खुनको बडो-बडो बुन्दा हानी जमिनमे गिरत रहएं।

रोमियों 13:14

बल्कि येशू ख्रीष्टके अपनो हथियार बनाओ और पापमय स्वभाबको इच्छा पुरा करनमे मतलागओ।

रोमियों 8:29

काहेकी जौनन्के बा पहिलीएसे चुनलै हए, बिनके पहिलीयएसे बाको लौंणा कता होन फैसला करीहए, ताकी बाको लौंणा बहुत बिश्वासी ददाभइयन मैसे बडो हुइपामएं।

2 कोरिन्थी 12:14

अब तिस्रो चोटी तुमर ठिन आन मए तयार हओं। और मए तुमसे कुछु नाए माँगंगो, काहेकी मए तुमर सम्पति नाए पर तुम्हीके चाँहत हओं। काहेकी अइयादौवाके ताहीं लौंणालौंणीया नाए, बल्कि लौंणालौंणीयनके ताहीं अइयादौवनके धन जमा करन पणत हए।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

इफिसियों 4:24

और बा तुमके एक नयाँ आदमी बनाइ हए। जा नयाँ आदमीके परमेश्वर कता होनके ताहीं बनाओ गओ हए, अर्थात् बोके नेहात्तओकमे धर्मी और पबित्र होनके ताहीं बनाओ गओ हए।

फिलिप्पी 1:8

जामे परमेश्वर मिर साक्षी हए, कि मए येशू ख्रीष्टके गहिरो प्रेम करके तुम सबके देखनको प्यासो हओं।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

फिलिप्पी 2:5

जैसे येशू ख्रीष्टको स्वाभाव रहए उइसीयए तुमर स्वाभाव होबए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 2:1

मए चाँहत हओं कि तुम जान लेबओ, कि तुमर ताहीं मए कित्नो मेहेनत करत हओं। और बिनके ताहीं फिर जो लाउडिकिया सहरमे हएं, और बे सबके ताहीं फिर, जौननसे मिर भेँटा नाए भओ हए।

कलस्सी 3:10

तुम एक नयाँ आदमी बनिगए हओ, जा नयाँ स्वभाब जाको सृष्टिकर्ताके रुपमे औ जद्धा बढतए जाबओ, तओ बाके औ अच्छेसे बुझपाबैगे।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

1 थेसलोनिकी 2:7

पर जैसे अइया अपने बालकनके पालान पोषण करत हए, अइसियए हम फिर तुमर बीचमे रहिके माया और दया दिखाए हएं।

1 तिमोथी 1:2

मए जा चिट्ठी तिमोथीके लिखरहो हओं: तए मिर अपनो लौंणा जैसो हए, काहेकी तए ख्रीष्टमे बिश्वास करत हए। मए प्राथना करत हओं, कि हमर दौवा परमेश्वरसे और हमर प्रभु येशू ख्रीष्टसे तोके अनुग्रह, दया और शान्ति मिलतए रहाबए।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

फिलेमोन 1:10

मए ओनेसिमसके ताहीं बिन्ती करत हओं, जो मेरे लौंणाके बराबर हए। जब मए जेलमे रहओं, तओ बो ख्रीष्टमे मिर लौंणा बनिगओ।

फिलेमोन 1:19

मए पावल, अपन हातसे जा लिखत हओं, कि मए जा कर्जाके चुकाए देमंगो। और तए पहिलीयए जानतहए, कि अगर मए तेरो मदत नाए करतो, तओ तए अपनएसे जा नयाँ जीबनके नाएपैतो, जहेमारे तए अपनो जीबनके ताहीं मिर ऋणी हए।

हिब्रू 5:7

येशू अपनो शारीरिक जीबनमे होत पेती अपनएके, मरे भए मैसे बचान बारो परमेश्वरसे जोडसे रोतए आँसु बहात बिन्ती और प्राथना चढाइ। बाको नम्रता और भक्तिके कारण परमेश्वर बाको प्राथना सुनी।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 यूहन्ना 2:1

मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।

1 यूहन्ना 2:12

मेरे प्यारे बालकओ, मए तुमके जाकेमारे लिखत हओं, कि येशू ख्रीष्टके नाउँसे तुमर पाप क्षमा भओ हए।

1 यूहन्ना 5:21

मेरे बालका, जौन चीज तुमके परमेश्वरको उपस्थितिसे दुर करत हए बो चीजसे दुर रहाओ।

3 यूहन्ना 1:4

जबही फिर मए जा सुनत हओं, कि बे आदमी, जो मेरे लौंणालौंणीया हानी हएं, बे बहे तरिकासे जिइनडटे हएं, जो सचमे परमेश्वर हमएं दिखाइ हए, तओ जा मोके औ खुसी बनाए देत हए।