गलातियों 2:20 - राना थारु नयाँ नियम

²⁰ जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

परमेस्वर को सच्चो वचन

²⁰ और अब मैं जिंदो नाय रहो, पर मसीह मेरे मैं जिंदो है और मैं सरीर मैं जो जिंदो हौं तौ सिरफ बौ बिस्वास से जिंदो हौं, जो परमेस्वर के लौड़ा मैं है, जो मोसे प्यार करी, और मेरे ताहीं अपने आपकै दै दई।

गलातियों 2:20 Cross References

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मत्ती 4:3

तओ शैतान परीक्षा करन येशूके ठिन आएके कही, “तुम अगर परमेश्वरको लौंणा हओ कहेसे जा पत्थरके रोटी होए करके आज्ञा करओ, ताकी तुम रोटी खाए पाबओ।”

यूहन्ना 1:49

नथानेल येशूसे कही, “गुरुजी, तुम परमेश्वरको लौंणा हओ; तुम इस्राएल देशके राजा हओ।”

यूहन्ना 10:11

मए बो बकरेहेरा हओं, जौन अपन भेंणनके बचानके ताहीं ज्यान देनके फिर तयार होत हए।

यूहन्ना 15:13

एक आदमीके ताहीं अपन सँगीके जा दिखानके ताहीं, कि बो उनसे प्रेम करत हए, सबसे अच्छो तरिका जहेहए कि बो उनके ताहीं मर जाए।

यूहन्ना 17:21

कि बे सब एक होमएं। हे दौवा, जैसे तुम मोएमे हओ, और मए तुममे हओं, उइसीयए बे फिर हममे होमएं, जाकेमारे कि जा संसारके आदमी बिश्वास कर सिकएं, कि तुम्ही मोके पठाए हओ।

यूहन्ना 3:16

काहेकी परमेश्वर संसारके आदमीनसे अइसो प्रेम करी, कि बा अपन ठिन रहो एकलौटो लौंणा दइदइ, ताकी बाके उपर बिश्वास करन बारे कोइ फिर नाश नाए होबए, पर कभी फिर नाश नाए होन बारो जीबन पाबए।

यूहन्ना 3:35

परमेश्वर लौंणाके प्रेम करत हए, और सब चीज लौंणाके हातमे दइदइ हए।

यूहन्ना 6:57

जैसी जीवित दौवा परमेश्वर, मोके पठाइ हए और मए दौवा परमेश्वरके कारणसे जिइतहओं। उइसी करके मोके खान बारो फिर मेरी कारणसे जिइबैगो।

यूहन्ना 6:69

और हम बिश्वास करेहएं, और जाने हएं, कि तुमही परमेश्वरके तरफसे आएभए परमेश्वरको पबित्र सेवक हओ।”

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

रोमियों 14:7

हम सब प्रभुके हएं। जहेमारे हम बचएं या मरएं हम अपने ताहीं नाए, पर बाके खुसी बनान पणत हए।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

रोमियों 5:6

काहेकी जब हम निर्बल रहएं, तओ ख्रीष्ट ठिक समयमे दुष्ट आदमीनके ताहीं मरो।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

रोमियों 6:8

जहेमारे अगर हम ख्रीष्टके सँग मारे गए। तओ हमर बिश्वास जहेहए, कि बाके सँग जिमंगेफिर,

रोमियों 8:10

अगर ख्रीष्ट तुममे हए कहेसे आत्मा तुमके जीबन देबैगो, काहेकी तुमर शरीर पापके कारणसे मरेसे फिर तुम परमेश्वरसे धर्मी ठहिरैगे।

रोमियों 8:37

पर जे सब खराब बातके उपर बाके द्वारा पुरा रुपसे जीत हम्रीए हए, जो हमसे प्रेम करत हए।

1 कोरिन्थी 6:17

और जो प्रभुके सँग एकजुटमे हए, बोको आत्मा और ख्रीष्टको आत्मा एकए हुइगए हएं।

2 कोरिन्थी 1:24

हम तुमर बिश्वासके उपर हमर अधिकार जमान नाए चाँहत हएं। पर तुमर आनन्दके ताहीं तुमरे सँग मिलके काम करत हएं। काहेकी अपन बिश्वासमे तुम स्थिर हओ।

2 कोरिन्थी 10:3

काहेकी हम जा संसारमे बैठत हएं, तहुँफिर जा संसारके आदमीन कता हम अपनो दुस्मनके सँग लडाइ नाए लडत हएं।

2 कोरिन्थी 11:10

मए पक्का हओं, कि ख्रीष्टको सत्य मोएमे हए, और अखैया परदेशके इलाकाके कोइसे मए रुपैया नाए लैगओ हओं, जा बातमे गर्ब करनसे मोके कोइ नाए रोक पएहए।

2 कोरिन्थी 13:3

मए जा कहात हओं, काहेकी तुम जा बातको सबुत मागत हओ, कि ख्रीष्ट मिर माध्यमसे मस्कत हए। जब ख्रीष्ट तुमके सुधारत हए तओ बा कमजोर नाए होत हए, बरु बा तुमर बीचमे अपन शक्ति दिखात हए।

2 कोरिन्थी 13:5

तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

2 कोरिन्थी 5:14

ख्रीष्टको प्रेम हमके मजबुर बनातहए, काहेकी हमके जा निश्चय हए, कि सबए आदमीनके ताहीं एक जनै मरोके कारणसे सबए आदमी मरे।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

2 कोरिन्थी 5:7

परमेश्वरके देखके नाए, बल्कि हम बामे बिश्वास करके जीइत हएं।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

गलातियों 2:16

तओ फिर हम यहूदी बिश्वासीनके जानत हएं, कि मोशाको नियम कानुनको पालन करके कोइ फिर आदमी परमेश्वरके नजरमे धर्मी घोषित नाए करोजात हए। जहेमारे येशू ख्रीष्टमे इकल्लो बिश्वास करनके द्वारा धर्मी ठहिरत हए। काहेकी हम मोशाको नियम कानुन पालन करके नाए पर येशू ख्रीष्टमे बिश्वास करनसे धर्मी घोषित करेगए हएं।

गलातियों 3:11

पर जा नेहात्तओ हए, कि मोशाको नियम कानुन पालन करनेसे कोइ फिर परमेश्वरके अग्गु धर्मी नाए ठहिराओ जाए सकत हए, पर जो कोइ फिर परमेश्वरमे भरोसा करत हए, परमेश्वर बोके धर्मी ठहिरात हए, और बो कभी फिर नाश नाए होन बारो जीबन पाबैगो।

गलातियों 5:24

और बे आदमी जो उद्धारकर्ता येशू ख्रीष्टसे सम्बन्धित हएं, बे अपने जीबनके पापमय खराब इच्छा और अभिलाषनके सँग क्रूसमे चढाए दइ हएं।

गलातियों 6:14

मेरे ताहीं, मए क्रूसमे हमर प्रभु येशू ख्रीष्टको मृत्युके अलाबा कभी कोइ फिर अन्य बातमे घमण्ड करन नाए चाँहत हओं, काहेकी जो कुछ फिर ख्रीष्ट करीहए, बो कामके करन संसारके कोइ फिर चीजको मोएमे अधिकार नाए हए, और मोएमे अब पृथ्वीके कामन्के रोकनको कोइ इच्छा नाए हए।

इफिसियों 3:17

तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

इफिसियों 5:25

हे लोगओ, अपनी-अपनी बैयरके प्रेम करओ, जैसी ख्रीष्ट फिर मण्डलीके प्रेम करके हमर ताहीं अपनो जीबनके दइदइ।

फिलिप्पी 1:21

काहेकी अगर मए जिन्दा रहामंगो तओ जा ख्रीष्टके ताहीं होबैगो, और जब मए मरजामंगो तओ मेरे ताहीं अच्छो हुइहए, काहेकी तओ मए ख्रीष्टके सँग रहामंगो।

फिलिप्पी 4:13

ख्रीष्टके द्वारा जौन मोके शक्ति देतहए, बहेमे मए सब कुछ कर सकत हओं।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

1 थेसलोनिकी 5:10

येशू ख्रीष्ट हमरे ताहीं जाकेमारे मरो, कि चहुँ हम जिन्दा होमएं या चहुँ हम मरएं, जब प्रभु येशू लौटके आबैगो हम हमेसा बाके सँग रहिपामएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 8:3

सबए प्रधान यहूदी पुजारी पाप क्षमाके ताहीं भेँटी और बलिदान चढान नियुक्त भए होत हएं। जहेमारे हमर प्रधान पुजारी ख्रीष्टके फिर पाप क्षमाके ताहीं कुछु चीज चढान जरुरी हए।

1 पतरस 1:8

तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 4:14

हम लौंणाके देखे हएं और जहेको गवाही देत हएं, कि दौवा परमेश्वर अपनो लौंणाके संसारके आदमीनके ताहीं मुक्तिदाताके रुपमे पठाइ हए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 3:20

सुन, तेरे हृदयमे घुसनके ताहीं मए घरके बहेर ठाणके और फाटक ढकढकान बारो आदमी कता हओं। अगर तए मिर अबाज सुनके अपनो हृदय खोलदेहए कहेसे मए भितर आमंगो और हम एकदुस्रेन सँग सबए मिल्के संगती करंगे।