इफिसियों 4:18 - राना थारु नयाँ नियम

¹⁸ बे सम्झनमे सक्षम नाए हएं, काहेकी बे आज्ञा मानन बारे नाए हएं और सुनन्से इन्कार करनके कारण बे ख्रीष्टमे भओ नयाँ जीबनसे दुर हएं, जो परमेश्वर देतहए।

परमेस्वर को सच्चो वचन

¹⁸ और उनकी बुद्धि अंधियारी हुई गई है। उनकी जिंदगी मैं कोई हिस्सा नाय है जो परमेस्वर देथै, काहैकि बे पूरे तरीका से बिना दिमाक के और जिद्दी हैं।

इफिसियों 4:18 Cross References

मत्ती 13:15

काहेकी जे आदमीको ह्रदय कठोर हुइगओ हए, और बिनको कान बहिरा हुइगएहएं, और बे अपनी आँखी बन्द करलै हएं; नत बे दिखते, और कानसे सुनते, ह्रदयसे बुझते, और घुमते, तओ मए बिनके अच्छो करतो।’

मर्कूस 3:5

बिनको हृदयको कठोरतामे येशू गुस्साइगओ, और बा बिनके सबके देखके बहुत दुखी भओ और लुला हात भओ मनैसे कही, “अपन हात फैला।” बो हात फैलाइ और बक हात अच्छो हुइगओ।

यूहन्ना 12:40

“परमेश्वर उनकी आँखीनके अन्धरा करदइ, ताकी बे नाए देख पामएं, और बिनको मन कठोर करदइ, ताकी बे समझ नाए पामएं। नत बे मिर घेन घुमजैते और मए उनके चंगाइ करदेतो।”

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

प्रेरित 3:17

“मेरे बिश्वासी ददाभइया, मोके पता हए, कि तुम और तुमर अगुवा येशूके अन्जानमे मारे। काहेकी तुमके पता नाए रहए, कि बा ख्रीष्ट रहए।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

रोमियों 11:7

तब्ही जा बहे हए जो भओ हए: तहुँफिर इस्राएल देशमे रहान बारे परमेश्वरमे सही होनके कोसिस करीं, पर बे सफल नाएभए, पर जौन आदमीनके परमेश्वर चुनी बे बाके सँग धर्मी घोषित भए। और बाँकी इस्राएलीन्के जिद्दी बनाओ दओगओ और परमेश्वरकी बात सुनन्से इन्कार करदइं।

रोमियों 2:19

और अगर तुम जा भरोसा करत हओ, कि अन्धरा आदमीनके परमेश्वरको डगर दिखान चाहो। और तुम, अंधियारोमे रहेभए आदमीनके ताहीं एक ज्योति कता हओ।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

2 कोरिन्थी 3:14

और उनको मन कठोर हुइगओ रहए, काहेकी आजको दिनतक पुरानो करार पढत पेती बो घुँघट रहिरहाबैगो। बो घुँघट ख्रीष्टमे बिश्वास करनके द्वारा इकल्लो हटत हएं।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

गलातियों 4:8

बिते समयमे जब तुम परमेश्वरके नाए जानत रहओ, तुम बे चिजनके कमैया रहओ, जो ईश्वर नाए हएं।

इफिसियों 2:1

पहिले जब तुम ख्रीष्टमे बिश्वास नाए करे रहओ, बो समयमे तुम मरे आदमीन कता रहओ। तुमर ठिन बो जीबन नाए रहए, जौन जीबन परमेश्वरके घेनसे मिलत हए। काहेकी तुम पाप करे और परमेश्वरके आज्ञाके पालन नाए करे।

इफिसियों 2:12

तुम आदमी बो समय ख्रीष्टके नाए जान्त रहओ और तुम परमेश्वरके चुनेभए आदमी इस्राएल देश कता नागरिकके रुपमे सम्बन्धित नाए रहओ और तुम परमेश्वरके आदमीनके सँग बाको प्रतिज्ञामे फिर सामिल नाए रहओ, और तुम बिना आसरा और बिना परमेश्वरके, जा संसारमे रहात रहओ।

कलस्सी 1:21

एक समय तुम परमेश्वरसे दुर रहओ। खराब चीज सोँचके खराबए काम करके तुम परमेश्वरके दुश्मन रहओ।

हिब्रू 5:2

काहेकी प्रधान यहूदी पुजारी अपनए फिर कमजोर आदमी हएं। जहेमारे बे अन्‍जान और डगर बिरान बारेनके नम्र हुइके सम्‍झाए सकत हएं।

हिब्रू 9:7

पर वर्षमे एक चोटी इकल्लो प्रधान यहूदी पुजारी महापबित्र ठाउँमे जात रहएं। जब बे भितर जात रहएं, तओ बे अपने सँग जानबरको खुन लैके जात रहएं। बे बो खुन अपने पाप क्षमाके ताहीं, और आदमीनको अन्जानमे करोभओ पापके ताहीं परमेश्वरके बलि चढात रहएं।

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।

1 पतरस 1:14

परमेश्वरको आज्ञापालन करओ, जैसी अच्छे बच्चा अपने दौवाको आज्ञापालन करत हएं। तुम परमेश्वरको सत्यता नाए जानो बेरा करोभओ गलत काम अब मत् करओ।

1 यूहन्ना 2:11

पर जौन अपन भइयाके हेल्हा करैगो, बो दुष्ट जीबन जीइ रहो हए, और दुष्टमे चलरहो हए। और बो नाए जानत हए कि बो कहाँ जाएरहो हए, काहेकी दुष्ट बोके अन्धरा करदइ हए।