इफिसियों 1:8 - राना थारु नयाँ नियम

⁸ परमेश्वरके ठिन बहुत ज्ञान और समझ हए और बे चीज बा हमके प्रशस्त करके दइहए।

परमेस्वर को सच्चो वचन

⁸ जोकै बौ पूरे ग्यान और समझ समेत हमरे ऊपर खूबै करी।

इफिसियों 1:8 Cross References

मत्ती 11:19

पर मए, आदमीको लौंणा साधारण आदमी जैसो खातपिइत हओं, और बे कहात हएं, ‘देखओ, दलद्दर, दरोह, कर उठान बारो, और पापीनको सँगी!’ बुद्धि ठिक हए कहेसे बक कामसे प्रमाणित हुइहएं।”

रोमियों 11:33

आहा! परमेश्वरको धन, बुद्धि और ज्ञान नेहात्तओ महान हए! कोइ फिर बाको निर्णयको ब्याख्या नाए करपात हए; कोइ फिर बाको डगरके नाए समझ पातहए!

रोमियों 5:15

पर आदमको पाप बो बरदान कता नाए हए जो परमेश्वर हमके अपने अनुग्रहसे देतहए। काहेकी एक आदमीको पाप बहुत आदमीनके ताहीं मृत्यु लैके आओ। पर परमेश्वरको अनुग्रह और धार्मिकताको बरदान जो बा हमके दइ हए, बोको मोल बहुत हए और बहुत आदमी जाके अनुभब करी हएं। और येशू ख्रीष्ट एक आदमीके रुपमे अपनो अनुग्रहसे जो करी, बा जाके सम्भब करी।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

इफिसियों 1:11

परमेश्वर हम यहूदीनके फिर ख्रीष्टके सँगए जोडके अपने आदमी होनके ताहीं चुनलै काहेकी सुरुसे बाकी जहे योजना रहए। बा सब अपनी योजनाके अनुसार करत हए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

इफिसियों 3:10

अब परमेश्वरको उदेश्य, मण्डलीके प्रयोग करके बाको बहुत मेलको ज्ञान, बे सब आत्मनके उपर प्रकट कर्नो हए, जौनको अधिकार और शासन अनदेखी संसारमे हए।

कलस्सी 2:3

बहे हए, जो परमेश्वरको बुद्धि और ज्ञान जानत हए, जो लुकाओ भओ सम्पति जैसो हए।

यहूदा 1:25

बा एकए परमेश्वर हए और हमर प्रभु येशू ख्रीष्ट हमर ताहीं करोभओ काम द्वारए बा मुक्ति दइ हए। येशू ख्रीष्ट हम्रो प्रभु आदमीनके आदर और प्रसंसा देन बारो बनाबए। बे जा बुझ पामएं, कि बाके ठिन पहिलीएसे, आज और सदादिन शक्ति और अधिकार हए। आमेन।

प्रकाश 5:12

बे जोड-जोडसे अइसे कहानडटे रहएं, “बा थुमा जोके मार दओगओ रहए, बा महिमाको लायक हए। बाको अधिकार महान हए। बाको बुद्धि गहिरी हए। बा बहुत शक्तिसाली हए और बा बहुत धनवान हए। आओ हम बाको आदर करएं। आओ हम बाको स्तुति करएं।”