कलस्सी 1:28 - राना थारु नयाँ नियम

²⁸ जहेमारे हम सब आदमीके ख्रीष्टके बारेमे सुनात हएं। सबके ख्रीष्टमे बलियो बनाएके परमेश्वर ठिन पुगान हम सब किसिमके ज्ञान बुद्धिसे आदमीके होसियार करतए बिनके शिक्षा देत हएं।

परमेस्वर को सच्चो वचन

²⁸ इसलै हम सबन कै मसीह को प्रचार सुनाथैं। हर संभव ग्यान के संग हम उन्हैं चितौनी देथैं और सिखाथैं ताकी हर एक कै मसीह मैं एक होन के बजह से परिपक्क आदमी के रूप मैं परमेस्वर की उपस्थिति मैं लाओ जाए सकै।

कलस्सी 1:28 Cross References

मत्ती 28:20

और बिनके सब आज्ञा जो मए तुमके दओ हओं, माननके सिखाओ और देखओ, मए संसारको अन्त तक सब दिन तुमर सँगमे हओं।”

मत्ती 3:7

तओ फरिसीनको समुह और सदुकीनको समुह मैसे बहुत जनै बप्तिस्मा लेन आत देखके बिनसे बो कही, “तुम आदमी जहेरिले साँप कता दुष्ट हओ, आन बारो दण्डसे भाजन कौन तुमके चेतावनी दइ?

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

मर्कूस 6:34

जब येशू किनारे उतरो तओ बो एक बहुत भारी भिड देखी, और येशू दयासे भरीगओ। काहेकी बिनको कोइ अगुवा नाए रहए जौन बिनको देखभार करसकए। ठिक उइसीयए जैसेकी, जौन भेंणनको कोइ बकरेहेरा नाए होत हए। और येशू बिनके बहुत बात सिखान लागो रहए।

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

प्रेरित 10:36

तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

प्रेरित 11:20

पर बे मैसे कुछ बिश्वासी साइप्रसके टापूसे और कुरेनी सहरके आदमी रहएं, जो सिरिया परदेशको एन्टिओखिया सहरमे आएके ग्रीक भाषा मस्कन बारे यहूदीनके फिर प्रभु येशूको अच्छो समाचार परचार करन लग्गए।

प्रेरित 13:38

जहेमारे प्यारे बिश्वासी ददाभइया, तुम जानलेओ, कि येशूके द्वारा पाप क्षमाको अच्छो समाचार तुमके दओ जात हए।

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

प्रेरित 17:3

पावल पबित्र-शास्त्रसे प्रमाण दइके बिनके अइसे सम्खाइ, “मुक्ति देन बारो राजा ख्रीष्ट दु:ख उठाएके मरनके रहए, और मरके जिन्दा होनके फिर रहए, और मए जौनके बारेमे तुमके सुनात हओं बहे येशू मुक्ति देन बारो ख्रीष्ट हए।”

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

प्रेरित 3:20

और बा येशूके पठाबैगो जो ख्रीष्ट हए, जौनके बा हमर ताहीं पहिलीएसे छानी हए।

प्रेरित 5:42

और हर दिन चुनेभए चेला मन्दिरमे और घर-घरमे जाएके “येशूए ख्रीष्ट हए” करके अच्छो समाचार सिखान और परचार करनके नाए छोडीं।

प्रेरित 8:35

तओ फिलिप मस्कनके सुरु करके पबित्र-शास्त्रको बहे भाग लैके येशूसे मुक्ति मिल्त हए कहिके अच्छो समाचार परचार करी और जहेमारे बो अधिकारी बुझी और येशूमे बिश्वास करी।

प्रेरित 8:5

और फिलिप, सामरियाको एक नगरमे जाएके आदमीनके बीचमे ख्रीष्टको परचार करन लागो।

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

1 कोरिन्थी 1:23

पर हम जा परचार करत हएं, कि ख्रीष्ट हमके हमर पापसे छुटकारा देनके ताहीं क्रूसमे मरो। यहूदीनके ताहीं जा ठेस लगन बारो बात भओ और गैर-यहूदीनके ताहीं जा मुरख बात ठहिरो।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 15:12

जहेमारे मए तुमसे जा पुछन चाँहत हओं: काहेकी हम सब तुमर बीच जहे परचार करे, कि जब ख्रीष्ट मारोगओ तओ परमेश्वर ख्रीष्टके फिरसे जिन्दा करदइ। पर तुम मैसे कोइ फिर अइसे नाए कहाबए, कि परमेश्वर बिश्वासीनके, मरे मैसे फिरसे जिन्दा नाए करत हए।

1 कोरिन्थी 2:15

बे आदमी जौन पबित्र आत्मा पाइ हएं बे उइसो सब चिजनके समझ सकत हएं जो पबित्र आत्मा सिखात हए। पर जौन आदमीनके ठिन आत्मा नाए हए, बे आत्मा भए बारेनको बिचारनके नाए समझ सकत हएं।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

1 कोरिन्थी 4:14

मए तुमके लज्जित करनके ताहीं जा बात नाए लिखत हओं, पर मिर उदेश्य तुमके अनुशासित करनो हए। काहेकी तुम मेरे बच्चा कता हओ, जौनके मए सचमे प्रेम करत हओं और चेतावनी देत हओं।

2 कोरिन्थी 10:14

तुमके ख्रीष्टको अच्छो समाचार सुनानके ताहीं कोरिन्थ सहर तक यात्रा करन बारे सुरुके आदमी हमै रहएं। तभीमारे तुममे गर्ब करनमे हम अपन सिमा नाए नाँघरहे हएं।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

इफिसियों 5:27

बा अपनी मण्डलीनके ताहीं फिर मरिगओ ताकी बा अपने सब आदमीनके सिद्ध बनाए पाबए और बे सबके अपने उपस्थितिमे लाए पाबए, जौनन्मे कोइ दोष या पाप या कोइ औ खराब बात नाए हुइहए; बल्कि, बे पबित्र और सिद्ध होमंगे।

कलस्सी 1:22

पर परमेश्वर अपनो लौंणा ख्रीष्टके आदमी बनाइ, और हमर पापको मोल तिरनके ताहीं क्रूसमे मरो, ताकी तुमके अपने अग्गु पबित्र, शुद्ध और निर्दोष बनाएके मेलमिलाप करए।

कलस्सी 2:10

और ख्रीष्ट सब शक्ति और अधिकारमे सबसे बडो हए। तहिमारे अगर तुम ख्रीष्टमे हओ, कहेसे तुमके कोइ फिर चीजको कमी नाए हुइहए।

कलस्सी 2:3

बहे हए, जो परमेश्वरको बुद्धि और ज्ञान जानत हए, जो लुकाओ भओ सम्पति जैसो हए।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

2 पतरस 3:15

हमर प्रभुके धैर्य होनको कारण जानओ, काहेकी बा आदमीनके पक्षताप करनको समय देन चाँहत हए, ताकी बा उनके बचाए पाबए। जब हम प्रेम करन बारो, हमर सँगी बिश्वासी पावलके परमेश्वर जो बुद्धि दइ हए, बहे बुद्धिके इस्तमाल करके तुमके जो चिट्ठी लिखी रहए, बो फिर जे बात कही जो मए तुमके कहो रहओं।