प्रेरित 8:37 - राना थारु नयाँ नियम

³⁷ फिलिप बोसे कही, “अगर तए सारा मनसे बिश्वास करत हए कहेसे बप्तिस्मा लए सिकत हए।” बो जबाफ दइ, “येशू ख्रीष्ट परमेश्वरको लौंणा हए करके मए बिश्वास करत हओं।”

परमेस्वर को सच्चो वचन

³⁷ फिलिप्पुस कही, “अगर तू पूरे मन से बिस्वास करथै तौ लै सकथै।” बौ कही “मैं बिस्वास करथौं।”

प्रेरित 8:37 Cross References

मत्ती 16:16

सिमोन पत्रुस जबाफ दइके बासे कही, “तुम ख्रीष्ट हओ, जीवित परमेश्वरको लौंणा।”

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

यूहन्ना 11:27

मार्था बासे कही, “हँ प्रभु, मए बिश्वास करत हओं, तुम जा संसारमे आन बारे परमेश्वरको लौंणा ख्रीष्ट हओ।”

यूहन्ना 20:31

पर जा जहेमारे लिखोगओ हए, कि तुम बिश्वास करओ, कि येशू इकल्लो परमेश्वरको लौंणा ख्रीष्ट हए: और बामे बिश्वास करके बाके नाउँसे कभी फिर अन्त नाए होन बारो जीबन मिलए।

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

यूहन्ना 9:35

यहूदी समुहके अगुवा बो आदमीके निकार दइं, कहान बारी बात येशू सुनी और येशू बोके भेँटके कही, “का तए परमेश्वरसे पठाओ भओ आदमीको लौंणा उपर बिश्वास करत हए?”

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 8:12

जब आदमी परमेश्वरको राज्य और येशू ख्रीष्टको नाउँमे अच्छो समाचारमे फिलिपको सन्देशको परचार सुनके बिश्वास करीं, तओ सबए लोग और बैयर बप्तिस्मा लैं।

प्रेरित 8:21

जा सेवाकाइमे नए तेरो हिस्सा हए, नए तेरो अधिकार हए, काहेकी तेरो मन परमेश्वरके अग्गु सही नाए हए।

प्रेरित 8:36

और बे नेँगतए-नेँगत डगरके किनारे पोखरी ठिन आए पुगे। तओ बो नपुंसक कही, “देख हियाँ पानी हए, अब मोके बप्तिस्मा लेनके ताहीं कोइ रोक सिकैगो?”

प्रेरित 8:38

तओ बो रथ रोकनके आज्ञा दइ, और फिलिप और नपुंसक दोनए पोखरीमे गए, और फिलिप बोके बप्तिस्मा दइ।

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

रोमियों 10:10

काहेकी हम अपने हृदयमे बिश्वास करत हएं जहेमारे हम परमेश्वर द्वारा धर्मी घोषित करेजात हएं। और हम अपने मुँहुँके इस्तमाल करत हएं जा कहानके ताहीं, कि हम बिश्वास करत हए, और जहेमारे हम उद्धार पातहएं।

1 कोरिन्थी 12:3

जहेमारे मए चाँहत हओं कि तुम सम्झओ, कि जो कोइ परमेश्वरको आत्माके अगुवाइसे मस्कत हए, बो अइसे नाए कहात कि येशू सरापित हए, पबित्र आत्मा इकल्लो एक हए बा जोकोइ आदमीके फिर कहानके ताहीं सक्षम कर सकत हए कि, “येशूए प्रभु हए।”

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

1 यूहन्ना 5:10

जो परमेश्वरको लौंणाके उपर बिश्वास करत हए। बो नेहात्तओ बिश्वास करत हए, कि जो कुछ परमेश्वर कही हए, बो सच्चो हए। जौन परमेश्वरमे बिश्वास नाए करत हए, बो बाके झुठो सम्झत हए। काहेकी बो परमेश्वरको गवाहीमे बिश्वास नाए करीहए, जो दौवा परमेश्वर अपन लौंणाके बारेमे गवाही दइ हए।

1 यूहन्ना 5:5

संसार उपर बिजय पान बारो कौन हए? केबल बहे हए, जौनको बिश्वास हए, कि येशूए परमेश्वरको लौंणा हए।