प्रेरित 26:16 - राना थारु नयाँ नियम

¹⁶ अब उठ, मए तोके मिर सेवक और मिर गवाही देन बारो आदमी बनान चाँहत हओं। जहेमारे मए तेरे ठिन देखा पणो हओं। तए मेरे बारेमे देखो भओ बात और मए तोके पच्छु दिखान बारे बात समेत दुस्रे आदमीनके सुनान पणैगो।

परमेस्वर को सच्चो वचन

¹⁶ लेकिन तैं उठ, अपनी टाँग के बल ठाड़ जा; काहैकि मैं तोकै जहे ताहीं दर्सन दौ हौं कि तोकै बे बातन को भी सेवक और गभा ठहरामौ, जो तैं देखो है, और उनको भी जोमैं तोकै दर्सन दिखांगो।

प्रेरित 26:16 Cross References

लूका 1:2

बे ठिक बहे लिखीं, जो हमके बे आदमीनसे बताओ गओ रहए। जौन बे येशूको सेवकाइके सुरुसे देखी रहएं, और जौन पिच्छु परमेश्वरको बचनको सेवक बनिगए।

प्रेरित 1:17

बो त हमरीए कता प्रभुको बाह्र चुनेभए चेला मैसे एक रहए। और हमरीए कता प्रभुको काम करन बो फिर चुनो गओ रहए।

प्रेरित 1:25

और बो जा सेवा और ख्रीष्टसे चुनेभए चेलाको पद लइ, जोसे मुक्ति हुइके यहूदा इस्करियोत अपनो नियुक्त करो भओ ठाउँमे चलो गओ”

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

प्रेरित 21:19

बिनके नमस्कार करके पिच्छु, पावल बिनको सेवाकाइसे गैर-यहूदीनके बीचमे परमेश्वरको करोभओ कामके, बिनके एक-एक करके बताइ।

प्रेरित 22:10

मए कहो, ‘हे प्रभु, अब मए का करओं?’ तओ प्रभु मोसे कही, ‘उठ, दमस्कस सहरमे जा, और मए तोके करन बारो काम बतएहओं।’

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

प्रेरित 26:15

मए कहो, ‘हे प्रभु, तुम कौन हओ?’ प्रभु कही, ‘मए येशू हओं जौनके तए सतात हए।

प्रेरित 6:4

पर हम त प्राथनामे और बचनको परचार करन और शिक्षा देन बारो सेवामे लगे रहामंगे।”

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

2 कोरिन्थी 4:1

जहेमारे परमेश्वरको कृपा द्वारा हमर सँग परमेश्वरको बचन परचार करन बारो सेवा भओके कारणसे हम हरेस नाए खात हएं।

2 कोरिन्थी 5:18

जा सब परमेश्वरसे भओ हए, जौन हमके ख्रीष्टद्वारा अपने सँग फिरसे मेलमिलापमे लाइ, और बा हमके अपने बीचमे और आदमीनके बीचमे मेलमिलाप करान बारो सेवा दइ हए।

गलातियों 1:12

काहेकी मए जा अच्छो समाचार पुर्खनसे नाए सिखो और नए त कोइ धार्मिक गुरु मोके जा सिखाइ। पर येशू ख्रीष्ट मोके अच्छो समाचार सम्झनमे मदत करी।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

इफिसियों 3:3

जैसेकी मए छोटकरीमे तुमके पहिले लिखो रहओं, परमेश्वर अपनए मोके बो गुप्त योजनाके प्रकट करी।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:25

परमेश्वर मोके नियुक्त करी, ताकी तुमके बाको सन्देश पुरा रुपमे सम्झाए पामओं। तभीमारे मए मण्डलीको सेवक बनिगओ।

कलस्सी 1:7

बहेको सन्देश तुम और हमर सँग काम करन बारो सँगी इपाफ्राससे सिखे हओ। बो हमरे बदलामे तुमर अग्गु ख्रीष्टको काम करन बारो बिश्वासयोग्य प्यारो भइया हए।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

1 तिमोथी 1:12

मए हमर प्रभु येशू ख्रीष्टके धन्यबाद देत हओं, जौन मोके शक्ति दइ, कि बा मोएमे भरोसा करके अपनो सेवाको काममे लगाबए।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।