प्रेरित 23:35 - राना थारु नयाँ नियम

³⁵ तओ बडो हाकिम कही, “उइसो हए कहेसे, तिर बिरुद्धमे दोष लगान बारे आदमी आमंगे तओ तिर बात सुनंगो।” तओपिच्छु बडो हाकिम, पावलके राजा हेरोदको बनाओ भओ दरबारमे लैजाएके धरओ कहिके हुकुम दइ।

परमेस्वर को सच्चो वचन

³⁵ बौ कही, “जब तेरे इल्जाम लगान बारे आंगे, तभई मैं तेरो फैसला करंगो।” तौ बौ पौलुस कै हेरोद गवर्नर के महल मैं रखबारी करन को हुकम दई।

प्रेरित 23:35 Cross References

मत्ती 2:1

जब राजा हेरोद यहूदिया परदेशमे शासन करत रहए। तओ येशूको जनम बहे परदेशको बेथलेहेम सहरमे भओ, तओ अगारके बुद्धिमान आदमी जौन तारनके बारेमे अध्यान करीं बे यरूशलेम सहरमे आएपुगे, और बे आदमीनसे पुँछीं,

मत्ती 2:16

राजा हेरोद दिक्कके मरे चूर हुइगओ जब बोके पता भओ कि बुद्धिमान आदमी बोके धोखा दइ हएं। तओ राजा हेरोद सौनिकनके बेथलेहेम सहर और बोके आसपासके सबए बच्चनके मारनके पठाइ, जौन दुई साला और बोसे कम उमेरके रहएं। जे सब आदमी, बेथलेहेम गाउँके और बोके आसपिसके गाउँके रहएं।

मत्ती 2:3

यहूदीयन्को राजाको जनमके बारेमे सुनके राजा हेरोद चिन्तामे पणिगओ और उनके सँगमे यरूशलेम सहरके बहुत आदमी चिन्तामे पणे।

मत्ती 27:27

तओ हाकिमके सिपाही येशूके महलमे लैगए, और जम्मए पल्टन बाके चारौ तरफ इकट्ठा हुइगए।

यूहन्ना 18:28

और बे येशूके, कैयाफाके ठिनसे पिलातसको महलको आँगनमे लैगए जो रोमको बडो हाकिम रहए। और सुबेरेको समय रहए, यहूदी समुहके अगुवा महलमे नाए कुचे। काहेकी यहूदीनको निस्तार तेवहारको भोज खानके ताहीं बे अपनएके शुद्ध करनके चाँहत रहएं।

प्रेरित 23:30

जा आदमीको बिरुद्धमे षड्यन्त्र हुइ रहो हए, जा बातको खबर मोके मिलो गओ। और जाके तुरन्त तुमर ठिन पठाओ हओं। और बे यहूदी समुह, जौन जाके बिरुद्धमे दोष लगात हएं बिनके तुमर अग्गु बयान देन पणैगो, करके आदेश दओ हओं।”

प्रेरित 24:1

पाँच दिन पिच्छु प्रधान यहूदी पुजारी हननिया और कुछ यहूदी अगुवनको समुहनके, तर्तुल्लस नाउँको एक जनै वकिल सँग कैसरिया सहरमे आए, और बे पावलके बिरुद्धमे बडो हाकिमके अग्गु मुद्दा पेश करीं।

प्रेरित 24:10

जब बडो हाकिम पावलके बोलनके ताहीं इशारा करी, तओ पावल जबाफ दइ, “बहुत बर्षसे तुम जा यहूदी जातिके आदमीनको बडो हाकिम और न्यायधीश होओ कहान बारी बात पता पाएके कारणसे, तुमर अग्गु मोके अपनो बयान देनके ताहीं उत्सहा बढो हए

प्रेरित 24:19

अगर मए कुछ गलत करो हओं, तओ बे मिरमे आरोप लगानके ताहीं उनहीनके हियाँ तुमर अग्गु होनके रहए।

प्रेरित 24:22

जा ख्रीष्टको डगरके बारेमे बडो हाकिम फेलिक्सके ठिक-ठिक ज्ञान होनके कारणसे बो जा बात सुनके उन्हएं अइसे कहिके पठाए दइ, “सेनापति लुसियस हियाँ आबैगो तओ मए मुद्दाको फैसला करदेमंगो।”

प्रेरित 24:23

तओ बडो हाकिम पावलको अच्छेसे लख्बारी करीयओ, और थुर छुट दियओ, और बोको कोइ फिर सँगीके बोको सेवा करनके ताहीं रोक मत् लगैयओ कहिके कप्तानके आज्ञा दइ।

प्रेरित 25:16

पर मए बिनसे कहो, कि आदमीनके दोष नाए लगानतक रोमी सरकारको दण्ड देनको चलन नैयाँ। दोष लगाएभए आदमी, दोष लगान बारे आदमीनके अग्गु अपनो बात सुनानके मौका पान पणत हए।