प्रेरित 20:33 - राना थारु नयाँ नियम

³³ मए कोइ आदमीको सोनो, चाँदी, लत्ताको लोभ नाए करो।

परमेस्वर को सच्चो वचन

³³ मोकै कोई को चाँदी या सोनो या लत्ता नाय चाहिए रहै।

प्रेरित 20:33 Cross References

1 कोरिन्थी 9:12

काहेकी तुम अन्य आदमीनके आर्थिक मदत करे जौन तुमर बीच परचार करी, नेहात्तओ बारनाबास और मए जाको औ फिर जद्धा लायक हएं। काहेकी हम तुमर ताहीं चुनेभए चेला रहएं। हबएतक, हम मैसे कोइ फिर जा बातमे जोर नाए दओ, कि तुम हमके बे चीजके देओ जो हमके तुमसे चाहो रहए। पर जा छोडके, हम कुछ फिर सहनके ताहीं तयार रहएं, ताकी हम ख्रीष्टके बारेमे अच्छो समाचारमे बिश्वास करनसे कोइके फिर बाधा नाए डारएं।

1 कोरिन्थी 9:15

लेकिन मए इन मैसे एकफिर अधिकार इस्तमाल नाए करो। मए जा चिट्ठी जाकेमारे नाए लिखरहो हओं, कि तुम अब मेरे ताहीं कुछ करओ। नाए! बिरकुल नाए! मेरे ताहीं मरनो अच्छो हुइहए! काहेकी कोइ फिर मोके जा बातको घमण्ड करनसे नाए रोक सकत हए, कि मए अपनो खयाल अपनए रक्खत हओं।

1 कोरिन्थी 9:18

तओ फिर मिर कौनछो इनाम हए? जा, कि अच्छो समाचार परचार करनमे मए ख्रीष्टको अच्छो समाचार सेँतए-मेँत करदेओं; हियाँतककी अच्छो समाचारमे जो मिर अधिकार हए, बोके मए पुरो रितिसे काममे लाओं।

1 कोरिन्थी 9:4

मोके और बारनाबासके, चुनो भओ चेला होनके कारण अधिकार हए, कि तुमसे खान-पिनके ताहीं आर्थिक मदत प्राप्त करएं।

2 कोरिन्थी 11:7

मए तुमर बीचमे परमेश्वरको अच्छो समाचार सेँतएमे परचार करके अपनएके नम्र करो, ताकी तुमर सम्मान होए। का मए अइसो करके कुछ पाप करो?

2 कोरिन्थी 11:9

तुमर सँग रहत पेती जब मोके रुपैयाको अभाव पणो रहए मए कोइको बोझ नाए भओ, काहेकी माकेडोनिया परदेशसे आएभए बिश्वासी ददाभइया मिर अभाव पुरा करदइं। तभीमारे कोइ किसिमसे तुमर उपर बोझ पणहए कि कहिके मए अपनएके रोको, और पिच्छु आन बारो दिनमे फिर रोकंगो।

2 कोरिन्थी 7:2

हमके तुमर पुरो हृदयसे प्रेम करओ। हम कोइको खराबी नाए करेहएं। हम कोइको कुछु नाए बिगाडे हएं। हम कोइ व्यक्तिसे फाइदा नाए उठाए हएं।

1 थेसलोनिकी 2:5

तुम जानत हओ, कि हम नए त कभी कोइसे अच्छो बात करके फसाए हएं, और नए त हम तुमसे धन पानके ताहीं लोभ करेहएं। परमेश्वर जाको साक्षी हए, कि हम अइसे नाए रहएं।

1 पतरस 5:2

जैसे बकरेहेरा अपनो भेंणाके रेखदेख करत हए, उइसीयए तुमके फिर सबए आदमीनको रेखदेख करन पणत हए, जौननके परमेश्वर तुमर जिम्मामे दइ हए। जा अपनो इच्छासे करओ, काहेकी बो परमेश्वर, तुम करओ कहिके चाँहत हए। जा कामके अपने मनसे करओ। जा काम रुपैया पानके ताहीं मत् करओ, पर परमेश्वर और आदमीनको सेवा करनको इच्छासे करओ।

3 यूहन्ना 1:7

काहेकी बे आदमी हर ठाउँमे यात्रा जहेमारे कररहे हएं, ताकी बे ख्रीष्टको नाउँके, आदमीनमे चिन्हाए पामएं। और अबिश्वासीनसे जे कोइ मदत नाए लेत हएं।