प्रेरित 17:23 - राना थारु नयाँ नियम

²³ जा सहरमे घुमत पेती मए तुमर आराधना करन बारो चीज फिर देखो। मए एक अइसो बेदी फिर देखो, जोमे अइसो लिखो हए, ‘नाए चिनो भओ ईश्वरके ताहीं।’ तभीमारे जोके तुम बिना जानके आराधना करत हओ, मए बोको अच्छो खबर सुनाए रहो हओं।”

परमेस्वर को सच्चो वचन

²³ काहैकि मैं तुमरे नगर से चलत भौ आत रहौं, और बे जघन कै देखो, जितै तुम आराधना करथौ, तौ मोकै एक बेदी मिली, जोमैं लिखो रहै, ‘अनजानो परमेस्वर।’ तभई मैं तुमकै बाके बारे मैं बतानो चाहथौं जोकै तुम बिना जाने पूजथौ।

प्रेरित 17:23 Cross References

मत्ती 15:9

बे व्यर्थमे मिर आराधना करत हएं, और बिनको शिक्षा आदमीनको सिखाओ बिधि इकल्लो हए।”

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 4:22

तुम सामरी आदमी बोको आराधना करत हओ, जोके तुम नाए चिन्हत हओ। और हम यहूदी आदमी बाके आराधना करत हएं जोके चिन्हत हएं, काहेकी उद्धार यहूदीसे आत हए।

यूहन्ना 8:54

येशू जबाफ दइके कही, “अगर मए अपनो आदर ढुणतो कहेसे बो आदर कछु कामको नाए हुइतो। पर जो मोके आदर देतहए, बा मिर दौवा हए। बहे दौवा जौनके तुम ‘हमर परमेश्वर’ कहिके कहात हओ।

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

1 कोरिन्थी 1:21

मए जा जहेमारे कहात हओं, काहेकी परमेश्वर बुद्धिमानके साथ जा फैसला लइ, कि जा संसारके आदमी अपनो ज्ञानके द्वारा बोके जाननमे सक्षम नाए होमंगे। जहेमारे परमेश्वर बे आदमीनके बचानको बिचार करी जो बो अच्छो समाचारमे बिश्वास करत हएं जौनको हम परचार करे, हियाँतककी बे आदमी जो बिश्वास नाए करत हएं, कि हमर परचारको कोइ फाइदा नाए हए।

1 कोरिन्थी 8:5

स्वर्गमे और पृथ्वीमे बहुतसे अइसे हएं जौननके आदमी ईश्वर और प्रभु कहात हएं, नेहात्तओ अइसियए गजब देवता और प्रभु हएं।

इफिसियों 2:12

तुम आदमी बो समय ख्रीष्टके नाए जान्त रहओ और तुम परमेश्वरके चुनेभए आदमी इस्राएल देश कता नागरिकके रुपमे सम्बन्धित नाए रहओ और तुम परमेश्वरके आदमीनके सँग बाको प्रतिज्ञामे फिर सामिल नाए रहओ, और तुम बिना आसरा और बिना परमेश्वरके, जा संसारमे रहात रहओ।

2 थेसलोनिकी 2:4

बो दुष्ट आदमी परमेश्वरको बिरोध करैगो और दुस्रे सब चीजके जौनके आदमी आराधना करत हएं, और परमेश्वरके रुपमे बुलात हएं। और बो अपनएके जे सबसे बडो मानैगो। हियाँतककी दुष्ट आदमी परमेश्वरको मन्दिरमे बैठैगो। और बो, आदमीके ठिन अपनएके परमेश्वर हओं कहिके कएहए।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।