प्रेरित 15:4 - राना थारु नयाँ नियम

⁴ जब बे यरूशलेम सहरमे पुगे, तओ मण्डलीके बिश्वासी, चुनेभए चेला और मण्डलीको अगुवा उनसे आनन्दसाथ मिले, और पावल और बारनाबास बताइं, कि परमेश्वर उनके सँग हुइके कैसो-कैसो काम करी रहए।

परमेस्वर को सच्चो वचन

⁴ जब बे यरूसलेम मैं पुगे, तौ कलीसिया और प्रेरित और बड़े-बूढ़े उनसे खुसी के संग भेंटा करीं, और बे बताईं कि परमेस्वर उनके संग हुईकै कैसे-कैसे काम करी रहै।

प्रेरित 15:4 Cross References

मत्ती 10:40

“तुमके ग्रहण करन बारो मोके ग्रहण करत हए, और मोके ग्रहण करन बारो मोके पठान बारो परमेश्वरके ग्रहण करत हए।

प्रेरित 11:30

और अइसे उठाओ भओ रुपैया बे यरूशलेम सहरके मण्डलीके अगुवनके ताहीं बारनाबास और शाऊलके हातमे पठाए दइं।

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

प्रेरित 15:12

तओ सारा सभा चुपचाप हुइके बारनाबास और पावलको बातके सुनीं, कि परमेश्वर उनके द्वारा गैर-यहूदीनमे कैसे-कैसे चिन्हा, और चमत्कारको काम दिखाइ।

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 15:3

मण्डलीके बिश्वासी ददाभइया और दिदिबहिनिया बिनके यात्रामे जानके ताहीं रुपैया और भोजन उपलब्ध करीं। और बे फोनिके और सामरिया परदेश होतए गैर-यहूदीनके अच्छो समाचार सुनात, कैसे ख्रीष्टमे बिश्वासी बनरहेहएं कहिके सुनातए गए, और सब बिश्वासी बहुत आनन्दित भए।

प्रेरित 15:6

चुनेभए चेला और मण्डलीके अगुवा जा बातके ताहीं सभा करीं।

प्रेरित 16:4

तओ फिर पवाल और बोके सँगी सहर-सहरमे गए और हरेक ठाउँमे भए प्रभुके चेलनके यरूशलेम सहरके चुनेभए चेला और मण्डलीके अगुवनके द्वारा निर्णय करोभओ बात सुनाइं और जे बात पालन करीयओ कहिके बिश्वासीनके सुनाए दइं।

प्रेरित 18:27

तओ फिर अपोल्लोस अखैया परदेशमे जानके बिचार करी। और एफिसस सहरमे भए प्रभुमे बिश्वासी ददाभइया चेलनके जानके ताहीं उत्सहा दइं और अपोल्लोसके स्वागत करीयओ कहिके हुवाँ बैठन बारे चेलनके एक चिट्ठी फिर लिखदइं। अखैया परदेशमे पुगके अपोल्लोस हुवाँ प्रभुको अनुग्रहके कारणसे बिश्वासमे आएभएनके बहुत मदत करी।

प्रेरित 21:17

और जब हम यरूशलेम सहरमे आइगए, तओ बिश्वासी ददाभइया हमके खुसीसाथ स्वागत करीं।

प्रेरित 21:19

बिनके नमस्कार करके पिच्छु, पावल बिनको सेवाकाइसे गैर-यहूदीनके बीचमे परमेश्वरको करोभओ कामके, बिनके एक-एक करके बताइ।

रोमियों 15:18

ख्रीष्ट मेरे द्वारा जो करीहए मए जा कहानके ताहीं सहासी हओं, कि मए गैर-यहूदीनके परमेश्वरको अनुसरण करनमे सक्षम हुइपामओं। जब बे मेरे सब्दके सुनीं और मेरे कामके देखीं तओ बे परमेश्वरमे भरोसा करीं।

रोमियों 15:7

जहेमारे, एकदुस्रेके स्वीकार करओ, जैसेकी ख्रीष्ट तुमके स्वीकार करीहए, ताकी आदमी परमेश्वरको प्रसंसा करएं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

2 कोरिन्थी 5:19

अर्थात् ख्रीष्टको करोभओ सब काम द्वारा परमेश्वर संसारको सबए आदमीनके मेलमिलापमे लानके ताहीं एक डगर बनान डटो रहए और आदमीनको पापको लेखा नाए लैके मेलमिलाप करनके बारेमे बाको सन्देशके परचार करनके ताहीं हमके सौँपदइ हए।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

कलस्सी 4:10

अरिस्‍तार्खस जो मेरे सँग जेलमे हए, और यूहन्ना मर्कूस जो बारनाबासको भइया लगत हए। मए जानत हओं, कि तुमके पहिलीयए यूहन्ना मर्कूसके बारेमे एक चिट्ठी मिलो हए, कि अगर बो तुमर ठिन आए, तओ बोसे अच्छेसे स्वागत करीयओ।

2 यूहन्ना 1:10

अगर कोइ तुमर ठिन आए, और अगर बो कुछ अइसो शिक्षा दइ रहोहए, जो ख्रीष्टको शिक्षासे अलग हए, बोके घरमे मत् आनके देओ, और बोके नमस्कार करके उत्सहा मतदेओ।