प्रेरित 15:23 - राना थारु नयाँ नियम

²³ और उनके सँगमे बे जा चिट्ठी लिखके पठाइं: “सिरिया परदेशको एन्टिओखिया सहरके और किलिकिया परदेशमे रहन बारे गैर-यहूदी बिश्वासी ददाभइयनके, चुनेभए चेला और मण्डलीके अगुवनके नमस्कार!

परमेस्वर को सच्चो वचन

²³ और बे उनके जरिया जे चिट्ठी भेजीं: “अन्ताकिया, सीरिया और किलिकिया देस के रहन बारे, हम प्रेरित और बड़े-बूढ़े तुमरे भईय्यन कै जो गैर यहूदि हैं जनम-जनम के ताहीं सुभकामना भेजथैं।

प्रेरित 15:23 Cross References

मत्ती 4:24

और येशूको अच्छो कामको चर्चा, गालील परदेशके सिरे सिरिया परदेश तक फैलीगओ। हुवाँ मेलमेलके बिमारी और समस्यासे सताए भएनके आदमी येशूके ठिन ल्याइं। बिन मैसे कोइके भुत लागो, कोइ पक्षघाती रहएं। बे सबए बिमारीनके येशू अच्छो करी।

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 11:20

पर बे मैसे कुछ बिश्वासी साइप्रसके टापूसे और कुरेनी सहरके आदमी रहएं, जो सिरिया परदेशको एन्टिओखिया सहरमे आएके ग्रीक भाषा मस्कन बारे यहूदीनके फिर प्रभु येशूको अच्छो समाचार परचार करन लग्गए।

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

प्रेरित 15:1

कुछ यहूदी बिश्वासी, यहूदिया परदेशसे एन्टिओखीया सहरमे आए और बिश्वासी ददाभइयनके सिखान लागे: “अगर मोशाको दओ भओ नियम कानुनको रिति अनुसार तुमर खतना नाए हुइहए तओ तुम उद्धार नाए पए हओ।”

प्रेरित 15:2

अइसो मेलको शिक्षा सुनके पावल और बारनाबास उनके सँग बहुत तर्क करीं। जहेमारे हुनाके भइया पावल, बारनाबास और औ जनैके जा प्रश्नको फैसलाके ताहीं चुनेभए चेला और मण्डलीको अगुवा ठिन यरूशलेम सहरमे पठानके निर्णय करीं। बे, यरूशलेम सहरमे रहान बारे चुनेभए चेला और मण्डलीके औ अगुवनके सँग बात करके बोके बारेमे फैसला करन आदेश पाइं।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।

प्रेरित 15:4

जब बे यरूशलेम सहरमे पुगे, तओ मण्डलीके बिश्वासी, चुनेभए चेला और मण्डलीको अगुवा उनसे आनन्दसाथ मिले, और पावल और बारनाबास बताइं, कि परमेश्वर उनके सँग हुइके कैसो-कैसो काम करी रहए।

प्रेरित 15:41

फिर बे पुरे सरिया और किलिकिया परदेशमे गए और मण्डलीके बिश्वासीनके मजबुत करतए गए।

प्रेरित 18:18

पावल बहुत दिनतक प्रभुमे बिश्वासी ददाभइयनके सँग कोरिन्थ सहरमे बैठो। तओ फिरके बो बिदा हुइके समुन्दरको डगर हुइके सिरिया परदेशमे चलो गओ। बोके सँग प्रिस्‍किला और अकिलास फिर रहएं। सिरिया परदेश जानसे पहिले किंक्रिया सहरमे पावल अपनो बार खौरबाएलै, काहेकी बो एक भाकल करी रहए।

प्रेरित 21:25

पर गैर-यहूदी और बिश्वास करिहएं, बे मूर्तिके बलि चढाओ भओ चीज नाए खामएं, जानबरको खुन नाए खामएं, घेँट अमेठके मारो भओ जानबरको बुट्टी नाए खामएं और व्यभिचारसे अलग रहामएं कहिके हम चिट्ठीमे लिखेहएं।”

प्रेरित 21:3

जब साइप्रस टापू दिखानो, तओ हम बोको दिब्रा घेन बापार सिरिया परदेश घेन लगके टुरोस गाउँमे उतरे। काहेकी पानीजहाजको मालसमान हुवाँ उतारन पणो रहए।

प्रेरित 23:26

“मनानिय बडो हाकिम फेलिक्सके, क्लौडियस लुसियसके तरफसे नमस्कार!

प्रेरित 6:9

पर कोइ आदमी स्तिफनसके बिरोध करीं। बे बो यहूदी सभाघरको सदस्य रहए, जोके दासत्व-मुक्त कहोजात रहए, बे आदमी कुरेनी सहरके और अलेक्जेन्ड्रिया सहरके रहएं, और किलिकिया परदेश और एशिया परदेशसे फिर रहएं। जे आदमी स्तिफनसके सँग बाद-बिबाद करन लागे।

गलातियों 1:21

जब मए यरूशलेम सहर छोडके सिरिया परदेश और किलिकिया परदेशमे गओ।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

2 यूहन्ना 1:10

अगर कोइ तुमर ठिन आए, और अगर बो कुछ अइसो शिक्षा दइ रहोहए, जो ख्रीष्टको शिक्षासे अलग हए, बोके घरमे मत् आनके देओ, और बोके नमस्कार करके उत्सहा मतदेओ।

2 यूहन्ना 1:13

और तेरी बहिनियाके लौंणालौंणीया, जौननके परमेश्वर चुनी हए, बे तुमके नमस्कार करके पठाइ हएं।

2 यूहन्ना 1:3

दौवा परमेश्वर, और बाको लौंणा, येशू ख्रीष्टके तरफसे अनुग्रह, दया और शान्ति होबए। और जे सब चीज हमरे ताहीं हएं जौन सत्य पालन करत हएं और एकदुस्रेसे प्रेम करत हएं।

3 यूहन्ना 1:14

पर आसरा हए, कि मए तिर ठिन जल्दी आओं, और तोसे भेँटके बात करओं।