प्रेरित 14:23 - राना थारु नयाँ नियम

²³ और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

परमेस्वर को सच्चो वचन

²³ और बे हर एक कलीसिया मैं उनके ताहीं बड़े-बूढ़े चुनत रहैं, और बर्त के संग प्रार्थना करकै उनके प्रभु की बड़ाँईं करीं, जोमैं बे अपनो बिस्वास रखी रहैं।

प्रेरित 14:23 Cross References

मत्ती 17:21

(तहुँफिर जा किसिमको भुत प्राथना और उपवास बिना नाए निकरत हए)।”

मर्कूस 3:14

तओ बा उन मैसे बाह्र जनैके छाँटी, और बिनके चुनेभए चेला होनके नियुक्ती करी। ताकी बे बाके सँगए-सँग रहिपामएं

लूका 2:37

तओ बिधुवा रहिके बो चौरासी बर्ष पुग्गइ हए। बो यरूशलेमको मन्दिरके कभु नाए छोडत रहए, पर उपवास और प्राथनाके सँग रात दिन आराधना करत रहए।

लूका 23:46

बडो उँचो सोरसे चिल्लाएके येशू कही, “हे दौवा, मए मिर आत्मा तुमर हातमे सौँपत हओं।” इतकए कहिके बा अपनो प्राण त्याग दइ।

प्रेरित 1:24

बे अइसे प्राथना करीं, “सब आदमीको ह्रदयको बात जानन बारो प्रभु, जे दुई मैसे तुम कौनके चुनेहओ सो हमके दिखाएदेओ,

प्रेरित 11:30

और अइसे उठाओ भओ रुपैया बे यरूशलेम सहरके मण्डलीके अगुवनके ताहीं बारनाबास और शाऊलके हातमे पठाए दइं।

प्रेरित 14:26

और हुवाँ पानीजहाजसे सिरिया परदेशको एन्टिओखिया सहरमे लौटिगए, जहाँसे उनके परमेश्वरको अनुग्रहमे सौँपके बो कामके ताहीं पठाओ गओ रहए, जोके बे अब पुरा करके लौट आए रहएं।

प्रेरित 15:23

और उनके सँगमे बे जा चिट्ठी लिखके पठाइं: “सिरिया परदेशको एन्टिओखिया सहरके और किलिकिया परदेशमे रहन बारे गैर-यहूदी बिश्वासी ददाभइयनके, चुनेभए चेला और मण्डलीके अगुवनके नमस्कार!

प्रेरित 15:4

जब बे यरूशलेम सहरमे पुगे, तओ मण्डलीके बिश्वासी, चुनेभए चेला और मण्डलीको अगुवा उनसे आनन्दसाथ मिले, और पावल और बारनाबास बताइं, कि परमेश्वर उनके सँग हुइके कैसो-कैसो काम करी रहए।

प्रेरित 15:6

चुनेभए चेला और मण्डलीके अगुवा जा बातके ताहीं सभा करीं।

प्रेरित 20:17

जब हम मिलेटस सहरमे आए पुगे, तओ पावल एफिसस सहरके मण्डलीके अगुवनके एक खबर पठाइ।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

2 कोरिन्थी 8:19

और इत्कए इकल्लो नाए, बल्कि प्रभुके महिमाके ताहीं और यरूशलेम सहरके बिश्वासीनके हम मदत करनके उत्सुक हएं कहिके दिखानके हम जो कर रहे हएं बो असल काममे हमर सँग यात्रा करनके मण्डली द्वारा बो बिश्वासी भइया नियुक्त भओ हए।

1 तिमोथी 5:1

अपनेसे जद्धा उमर भए आदमीनके मत् डँटीए; पर बोके आदरसे सल्लाह दिए, जैसेकी बो तेरो अपनो दौवा हए, और बे लोग जो तोसे छोटे हएं, उनके अपने भइया हानी ब्यबहार करिए।

1 तिमोथी 5:22

कोइके उपर हात धरके, बोके एक मण्डलीके रेखदेख करन बारो सेवकके रुपमे मत् छान। जब तक बे अपनएके ख्रीष्टमे बिश्वासयोग्य साबित नाए करदेएं। अगर तए अइसो करैगो कहेसे बोको पापके ताहीं तए फिर जिम्मेबार होबैगो; अनैतिक बातसे अपनएके दुर धर।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

तीतुस 1:5

मए जाकेमारे तोके क्रेट टापूमे छोडके आओ, ताकी तए हुवाँ हमरे काम पुरा करपाबए, और क्रेट टापूके हर सहरमे मण्डलीको अगुवाके नियुक्त करए, जैसे मए तोके करनके निर्देश दओ हओं।

याकूब 5:14

अगर तुममे कोइ रोगी हए, कहेसे मण्डलीको अगुवाके बुलाबए, और बे प्रभुके नाउँमे जैतूनको तेलसे अभिषेक करके बोके ताहीं प्राथना करएं।

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

3 यूहन्ना 1:1

मए, मण्डलीको अगुवा यूहन्ना जा चिट्ठी मिर प्यारो सँगी गायसके लिखरहो हओं, जोसे मए सच्चो प्रेम करत हओं।